عَشِقتُ مُعذبي

٨

اتصل على نادين رقم غريب شافتة ومجاوبت ورجع اتصل مرة ثانية وهم عافتة مجاوبتة مرت ثواني وصلتهة رسالة ادگول :
نادين جاوبي اني أمير اريد احجي وياج.
نادين : يوووومة يوووومة هذا أمير قلبي يوجعني وبطني توجعني اشلون حجاوبة زين لحظة هذا امنين جاب رقمي ؟
رجع اتصل عليهة انتظرت اشوية وجاوبتة : ألوو!
أمير : ألوو ، هلوو نادين اني امير.
نادين : هلوو امير ! انت اشلون جبت رقمي.
أمير : جبتة نادين وهاهي مراح اگول امنين، اريد احجي وياج تگدرين لو لا. 
نادين : اي احجي.
أمير : نادين ابصراحة اني حيل معجب بيج وابأخلاقج واحنة صارلنة ٣سنوات بالجامعة سوة واني تقريباً اعرف كلشي عنج اشتاكلين شتلبسين وين اتروحين كلشي اعرفة وابصراحة مگدرت اتحمل بعد اكثر وقررت احجي وياج واشوف ردج لأن اني حسيتج اتبادلني نفس المشاعر واني مجاي العب عليج اني اريدج واريد اتقدملج بس بعد مااحصل موافقتج وتتعرفين علية وتعرفين طبعي واعرف طبعج ولدگولين لا اترجاج فكري ورجعيلي جواب اريد منج جواب نادين اوكي.
نادين : امير ابصراحة انت صدمتني مجنت متوقعة انت حتحجي هيج وكلش خجلانة منك هسة ومااگدر اگلك شي حالياً انطيني مهلة افكر وبعدين تسمع ردي اوكي.
أمير : اوكي نادين.
نادين : باي امير. 
أمير : باي نادين.اخذي راحتج.
ومن سدت التليفون : يووومة يووومة واخيراً حجة اففف اني اشبية هيج خايفة خل اروح اسوي مكالمة جماعية واحجيلهن اشصار
دگت نادين عالبنات وجاوبوهة : هلوو عوبة اشلونج لحگتي تشتاقيلنة ، نادين : لا مشتاقيتلكم داانطيكم خبر
البنات : شنو شنو احجيلنة
نادين : بنات امير دگ علية وحجة وياية !!
البنات : شنووو اي كملي كملي اشحجة وياج ؟
نادين : گلي اني معجب بيج صارلي اهواي ويريد يتعرف علية ونحجي سوة وهو ايريد يتقدملي بعد موافقتي طبعاً شدگولون والله خايفة انتوا تدرون اني احبة بس اخاف واستحي ماادري اشصارلي.
حلا: نادين عوفي المستحة رجاءاً موجنتي كاتلتنة بي وميحس وميحس ومن حس الولد انت خفتي عوفي هالسوالف وانطي الولد فرصة واتعرفي عليه.
سارة : اي نادين اني وية حلا اتعرفي عليه وشوفي شنو طبعة للولد انطي فرصة.
ايمان : نادين انطي فرصة هم تبقون عالنظرات احجي وياه واتعرفي عليه. 
نادين : افففف خايفة والله بس اريد احجي وياه وانطي فرصة، هو مدگ الا اليوم وباجر دوام اشلون حشوفة باجر.
البنات : عادي احنة وياج لتخافين.
نادين : اوكي بنات تسلمولي حبيباتي واخذوا راحتكم اني حروح باي بنات .
البنات : تدللين حب وانتِ هم باي.