عَشِقتُ مُعذبي

٢٠ الجزء الاخير

راحت نادين وجابت التليفون ودگت على يمان وگلتلة مثل مگلتلهة حلا ،
يمان : نادين اني اشگتلج مو گتلج لتحجين ابهالموضوع وشنو ماعندج ثقة ابكلامي گتلج مسويتلة شي وخلصنة منة بعد.
نادين : يمان احجيلي والله بعد مااحجي وياك اذا متحجي افتهمت لو لا.
يمان : نادين اني ذبيتة بالمركز وجان وياية وائل واشتكينة عليه وهو محجوز هسة ارتاحيتي حضرتج.
نادين : شنو معقولة سويت هيج؟!
يمان : اي ليش حضرتج عندج اعتراض لو اتريدين اطلعي خايفة عليه.
نادين : يمان اسكت مو هيج بس يعني ..
يمان : شنو نادين شنو بس وشنو يعني هو اتعاقب واخذ اليستحقة وحيل بي واذا فتحتي هالموضوع اني حروح عوفي طبة مرض لك الله ياخذني روحي نادين روحي باي.
نادين : يمان .. يمان
اففف سدة اففف يااربي هسة اني شنو سويت.
نزلت نادين وحجت لحلا عالصار وانقهرت عليهم و گلتلهة هاهي نادين ماطول هو سوة هيج هو ايحبج وايخاف عليج لتنقهرين اكيد ميگدر يبعد عنج.
نادين : غير امووتة اذا محجة وياية.
حلا : هههههههههههههه عابتلج يوومة منج يوومة اووف يالنسوان اتفيكن گدامة و وراه اتموتن عليه.
نادين : هههههههههه اشلون لعد ولج، يلة شوفيلنة ليث اشوكت يجي دنروح وبابا خابرتة من الصبح گال باجر راجعين واخيراً البيت حيرجع مثل ماهو.
حلا : صدگ يرجعون بالسلامة ان شاءالله.
نادين : تسلمين عمري ان شاءالله يارب.
راحت نادين هي وحلا للبيت بعد مااجاهم ليث وانطت خبر ليمان ابرسالة وهو اكتفة بس ابكلمة اوكي، بس هي محجت شي وراحت وگعدوا واسوالف وملتمين واتغدوا وبعدين نامن البنات وگعدوا بالليل التموا كلهم يم حلا وحجتلهم نادين على كلشي وانصدموا مثل منصدمت حلا وابنفس الوقت فرحوا لأن هي لگت الانسان ليحبهة واتحبة بعدين سارة گلتلهة نادين هو يعرف اهلج اشوكت يجون ؟
نادين : لا ميعرف ليش؟
سارة : حتى تعرفين هو ايريدج بالحلال وراح يتقدملج لو لا.
نادين : ماادري استحي احجي هيج وهو گلي اني رايدج بالحلال واكيد بعد هذا هو اكيد ميجذب علية وحيتقدملي.
البنات : ان شاءالله يارب.
حلا : اني احجي وياه.
نادين : شنو ولج اشتحجين وياه.
حلا : اسلم عليه واگلة اني منو وبعدين افهمة على كلشي واگلة اهلج باجر راجعين واذا هو صدگ رايدج بالحلال الخميس يجي يتقدملج ويخطبج من ابوج اوكي.
نادين : هااا والله خايفة واستحي اشلوون هيج ؟
البنات : اي فكرتهة صح خل انسويهة اشخسرانة.
نادين : اوكي.
اخذت حلا تليفون نادين ودگت عليه اول مرة مجاوب طبعاً لأن زعلان عليهة والمرة الثانية قبل مينگطع جاوبهة : ألوو ..
حلا : مستر ثگيل ليش مجاوب على نادين من ادگ عليك هااا ؟
يمان : عفواً منو وياية وليش تليفون نادين عندج ؟
حلا : اني حلا گرايبهة واختهة وصديقتهة وكلشي اني اللي جنت وياهة بالبيت لمن اجيت عرفتني مو ؟
يمان : هااا ايي عرفتج بس على كيفج اشوية ... اهدي اهدي واشلون صرتي هسة ان شاءالله ابخير.
حلا : الحمدلله ابخير شكراً على سؤالك، اني رايدتك ابموضوع شوف اني دااحجي وياك بدون متدري نادين اوكي.
يمان : اوكي احجي شنو الموضوع.
حلا : انت اتحبهة لنادين لو لا ؟
يمان : اكيييد ميحتاج تفكير.
حلا : اوكي ، زين انت اكيد ماطول اتحبهة فأنت رايدهة بالحلال صح لو لا ؟
يمان : اي صح واكيد رايدهة بالحلال وشاريهة ومستحيل احد غيري ياخذهة.
حلا : حلوو لعد اني راح اگلك شغلة اهل نادين باجر راجعين وانت اذا فعلاً اتحبهة واتريدهة تعال الخميس انت واهلك لنادين واخطبهة من ابوهة حتى اتصير الك وينتهي كلشي.
يمان : اريدهة والله ومستعد اجيهة اليوم قبل باجر بس عندي مشكلة اصغيرة.
حلا : وهي ؟
يمان : اني يتيم ابوية وامي متوفين ابحادث سيارة من جنت اصغير واني عايش وية وائل بس من الله مكني وگدرت اعتمد على نفسي تركتهم وگعدت لوحدي وامرلهم كل فترة ، اني محجيت لنادين هالشي خفت تنقهر ومردت اضوجهة ابهذا الشي.
حلا : ماادري شنو اگلك الله يرحمهم ان شاءالله وبس انت تعتبر اهل وائل همة اهلك اكيد بعد ماربوك وياهم صرت جزء من عائلتهم.
يمان : اكيد همة عائلتي بعد اهلي الله يرحمهم مقصروا وياية ابد وتعبوا علية اكثر من ابنهم وائل اخوية واني حيل فرحان لأني جنت جزء منهم ومازلت منهم.
حلا : الله يحفظهم الك ان شاءالله.
يمان : تسلمين ويحفظلج الاهل يارب.
حلا : تسلم ، هسة اني حروح وانت اخذ راحتك اوكي.
يمان : گليلهة يمان واهلة جايين عليج الخميس حضري نفسج.
حلا : شنوو والله !! صدگ والله تحجي ؟؟!!
يمان : اي والله صدگ يلة روحي فرحيهة واني حروح اساعد وائل لأن عفتة وحدة اوكي.
حلا : اوكي اخذ راحتك باي.
يمان : باي.