عَشِقتُ مُعذبي

٩

گعدت نادين الصبح سبحت وسوت شعرهة ولبست ملابسهة وراحت لدوام وية البنات بالخط وبدن ايسولفن : نادين لتخافين اوكي واحجي لبقلبج ولتريدي مو تستحين اذا حجة شي معجبج ومرتاحيتي لتسكتين واحجي من البداية عالاشياء لتريديهة والاشياء المتريديهة ابعلاقتكم سوة افتهمتي.
نادين : اوكي ان شاءالله.
وصلوا البنات للكلية نزلوا لگت أمير واگف بالباب ينتظرهة.
نادين : يوومة بنات هاي شنو هذا واگفلي بالباب.
حلا : لتخافين امشي عدل اشبيج هسة نوصل يمة وانشوفة شيريد.
البنات : هلوو امير اشلونك اشو واگف اهنا.
أمير : هلوو بنات اشلونكم ، داانتظر نادين مراح ندخل للمحاضرات اليوم نادين حتجي وياية.
نادين : شنو وين اجي وياك بلا زحمة مااروح لمكان ومااروح وياك أمير.
أمير : نادين بلا كلام تجين وياية اريد احجي وياج ونگعد لوحدنة.
نادين : امير وين نگعد وحدنة مااطلع وياك اني افتهمت يلا بنات امشوا ندخل جوة.
أمير : نادين اسمعيني وين رايحة ، زين اوكي منطلع برة بس نگعد لوحدنة اهنا ابداخل الكلية مو علمود شي بس حتى لحد يحجي شي وايضايقج بالكلام بعدين.
نادين : باوعت عالبنات واشرتلهم حتى ايروحون.
نادين : اوكي امير امشي.
امير : صدگ والله امشي انروح اهنا لهاي الحديقة الورة الكلية.
نادين : اي اوكي امشي.
راحوا گعدوا بالحديقة وسولفوا وحجت نادين كلشي ومخافت منة وامير قبل ابكل كلامهة وهي هم قبلت بالحجي الگالة الهة واتفقوا يحجون سوة ويتعرفون على بعضهم ويتقدملهة بس هي اتحس نفسهة مرتاحة وهو ايرتب امورة ويجي.
وقبل متروح نادين لزم ايدهة امير وباسهة ومن صار هالشي شافتهم مريم وراحت بس مريم حيل ضاجت وادموعهة بعيونهة وظلت تبجي بعدين راحت للقسم مالتهة وگعدت اهناك تنتظر نادين تجي.
رجعت نادين للقسم هي وأمير والابتسامة والفرحة امبينة على وجهة
مريم زاد القهر ابقلبهة لأن مريم معجبة ابأمير حيل بس مجانت اتبين هالشي ، اجتي نادين گعدت يمهة وسلمت عليهة وردتلهة السلام بس نادين حست سلام مريم چان ثگيل ومو مثل كل مرة فگالت يمكن ضايجة من شي او تعبانة من شغلة فسألتهة: اشبيج مريومة حبيبي بيج شي تعبانة من شي احسج مو على بعضج اليوم
مريم : لا حبيبتي ماكو شي بس تعبانة اشوية من الطريق دايخة يمكن لأن متريگت.
نادين : ادگومين اجيبلج شي تاكلي اخاف ينزل ضغطج.
مريم : لا حبيبتي عادي هسة اتروح.
نادين : اوكي ابراحتج بس اذا حسيتي ابشي گليلي حتى اطلعج برة.
مريم : اوكي تسلمين.
وسكتن ومحجن بعد اي شي لنهاية المحاضرة طلعت مريم لوحدهة وعافت نادين واخذت سيارة ورجعت للبيت وطبت اهلهة استغربوا اشو راجعة من وكت گلتلهم تعبانة ودخت ورجعت مگدرت ابقة اجيت انام وارتاح اشوية.
طبت مريم لغرفتهة وظلت تبجي وتبجي ليش الحبيتة ايحب غيري ومنو صديقتي مالگة غيرهة ايحبهة ليش هو وصديقتي ليش والله حموت من القهر ياربي مستحيل اخليهة تاخذة مني مستحيل مراح اسمحلهم ابهذا الشي والا اخرب كلشي عليهم اني قلبي يحترگ وهمة مرتاحين ومتونسين بسيطة شوفوا مريم شنو حتسوي بيكم يا حقراء.