عَشِقتُ مُعذبي

١١

طلعت نادين وانصدمت !!
أمير واگف بالباب ينتظرهة !
نادين : أمير هاي شتسوي اهنا.
أمير : صباح الخير يا احلى حبيبة بالدنيا حبيت اليوم ايكون صباحي انتِ.
نادين : صباح النور تسلملي.
أمير : يلة نادين تعالي وياية اليوم انروح سوة اني وياج خابري البنات انطيهم خبر حتى ليجي الخط اوكي.
نادين : اوكي.
خابرت على حلا وانطتهة خبر وراحت وية أمير.
أمير : نادين نتريگ بالأول ممكن لو لا؟!
نادين : اوكي نتريگ وانروح.
أمير : اليوم راضية عني.
نادين : وليش انت شمسوي حتى ماارضة عنك.
أمير : يعني اتحبيني ؟
نادين : اسكت امير وعينك عالطريق.
امير : نادين احجي ترة وزاد السرعة واندار عليهة مراح ارجع عيني عالطريق ولا اخفف السرعة اذا متحجين افتهمتي.
نادين : امير لا حباب اترجاك لتسوي هيج حبااب
أمير : احجي نادين.
نادين : هاهي هاهي احبك والله احبك بس كافي.
أمير : شوفي متجين الا بالعين الحمرة، وادري بيج اتحبيني بس احجيلي لتسكتين.
نادين : امير اكرهك اني مااحبك وبعد مااجي وياك افتهمت هاي اول واخر مرة اجي وياك واتسوي بية هيج.
أمير : والله احبج.
ابتسمت نادين ودارت وجهة لحد موصلوا للمطعم واتريگوا سوة ورجعوا للكلية ومن دخلوا جانت مريم گاعدة وشافتهم من طبوا سوة سلموا عليهة وردتلهم السلام ، نادين مبقت گالت لأمير : حروح يم البنات اشوفهم واجي اوكي.
أمير : اوكي عمري.
مريم طگت من القهر واحترگ دمهة وعيونهة تشتعل من العصبية بس گوة لزمت نفسهة بس فكرت اتسوي شي واضوج نادين حتى اتحسسهة اكو شي بينهم خلت وحدة من البنات اتصيح نادين جوة ومن ترجع تسمعهم ، گامت مريم وگالت لأمير : اشلون طالعة اني اليوم شنو رأيك بية حلو علية هذا؟
أمير : طالعة اتخبلين مثل كل يوم.
مريم : شكراً أمير وانتبهت على نادين واگفة ، وگعت نفسهة على أمير فأمير لزمهة من ايدهة وهي اتباوعلة ابنظرات غريبة وكلهة حنية وطبت نادين ؟!!
نادين : أمير ...
أمير انصدم وترك ايد مريم ابسرعة وخاف لا نادين تفهمة غلط، نا..نادين ها عيني تعالي شنو مو گلتي حروح يم البنات.
نادين : اي بس رجعت ليش متريد ارجع لو اجيت ابوقت مو مناسب.
أمير : شنو لا مو هيج.
مريم : ها حبي اشبيج شنو ضجتي من شي اشو مو على بعضج.
نادين : لا حياتي مضجت من شي ولا بية شي الحمدلله.
أمير اني رايحة اوكي اليوم مااگدر احضر لأن مزاجي اتعكر.
راحت نادين وراح امير وراهة بس مقبلت وجانت ضايجة من تصرف أمير ومقبلت تسمعة وگلتلة اذا تمشي وراية ألمهم كلهم عليك وتدري بية امخبلة روح عني امير. وظل يمشي وراهة ومريم راحت وراهم طلعت نادين ابسرعة ولگت السيارة واگفة صعدت بدون متعرف هو منو وگلتلة اطلع ابسرعة حباب اطلع اترجاك.
امير ركض وراهة نادين .. نادين .. ومريم لزمتة لأمير كافي منا العالم تعال أمير عوفهة هي لو اتحبك وتعرفك زين متسوي هيج اصلاً عيب السوتة انت حبيبهة واني صديقتهة معقولة اتفكر ابهالطريقة والله عيب يلا أمير امشي تعال وياية اخذك لمكان تهدة وترتاح گووم.
مريم اخذت أمير لبيتهم مجان اكو احد موجود وبعدين ظلت اتقشمرة وتتحايل عليه وشربتة واخذتة لغرفتهة وبدت تنزع گدامة وهو مااتحمل بعد واجتي عليه وهو نايم على جربايتهة ونامت وياه وبعدهة ولا حسوا ابشي الا بعد مگعدوا وحس على نفسة وشاف نفسة وياهة اتخبل وگام ايصيح عليهة : گوومي مريم گوومي احنة شنو سوينة.
مريم : شنو سوينة حبيبي عادي انت يمي لتخاف من شي.
أمير : انتِ شنو مريم انت وحدة ماعدهة كرامة ولا خجل وگام يلبس وهي تحجي وياه : أمير لتروح والله احبك احنة الصار ابينة هسة شي مستحيل ايصير وية غيري واذا عفتني ورحت اذبح نفسي وافضحك وأگللهم عليك اگللهم انت جبرتني افتهمت مااخليك اتروح لغيري اني احبك اني انطيتك نفسي وانت رايح علمودهة.
أمير : انتِ بعتي نفسج علمود شهواتج وبس لدگليلي اتحبيني واني مااحبج افتهمتي يلة ولي انتِ وحدة عديمة تربية.
مريم : أمير ..أمير لتروح اترجاك لتعوفني لتحجي عني هيج اني احبك.
وطلع أمير وهو ممستوعب اشصار واشلون سوة هيج ونادين اشلون هاي مراح تسكت واكيد حتحجيلهة عالصار اشلون حسكتهة معقولة راح اتضيع نادين من بين ايدي، بعدني ماشبعت منهة ولا حجيت وياهة. اشلون ياربي اني اشسويت ابنفسي ليش هيج يا أمير ليش يا غبي ....