عَشِقتُ مُعذبي

٥

نادين لااااا گومي ... گومي نادين بنات تعالواا ساعدوني ، البنات اجوي على حلا شافوا نادين وگعت ايمان بعد مشافتهة رجلي بعد متساعدني سارة مااگدر احرك رجلي لاااا نادين لااا حبابة لتسوين بينة هيج اترجاج گومي حبيبتي .. لگوا نادين وهي واگعة والگزاز ابكل مكان وهي مضروبة والدم مالي المكان من خوفهم وصدمتهم مذكروا ايدگون عالشرطة او الاسعاف حلا قررت تتصل ابأهل نادين وسارة تتصل عالشرطة والاسعاف گاموا البنات ديتصلون وفجأة ادگوم نادين وهي تضحك والبنات گاموا ايصيحون ابخوف وانهزموا ويركضون وهي تضحك ونامت بالگاع وهي تضحك واتصيح ولكم تعالوا هذا مقلب بنات اني سويت بيكم مقلب تعالوا
البنات زعلوا من نادين وبجوا اهواي وگلولهة نادين اللي سويتي غلط هذا مو مقلب ميصير اتسوين بينة هيج افرضي صار بيج هيج اشلون انصدگج بعد هاي المواقف مابيهة شقة احنة خفنة عليج حيل،
نادين: خفتن علية مووو؟!! ولجن انتن صافنات وخاتلات على صفحة واني اگلكم انقذوني بنات ساعدوني وانتن ميتات خوف افرضن متت صدگ اني انخطف من گدامكم وايصير اللي ايصير وانتوا ولا يمكم خوافات زين دگن عالشرطة على احد ايساعدني.
حلا: انجبي نادين ورجاءاً لتحجين ويانة بعد احنة امزاعليج اوكي.
سارة : اي نادين صح كلام حلا.
ايمان : اني وياهم اللي سويتي غلط يا غبية.
احنة امزاعليج لتحجين ويانة اوكي.
نادين: عوبات والله جنت اشوف غلاتي عدكم عابتلكم مااحبكم😔
حلا: هاهي كافي والله احنة انحبج لتسوين هيج بعد لتخوفينة عوبة تعالي يلة لحضنة غبية.
نادين: اوووي حبيباتي اروحلكم فدووة قليباتي ربي ليحرمني منكم.
حلا: ولا يحرمنة منج ومن خبالج يا اغلى من روحنة.
ايمان: زين ، انتِ امنين جبتي هذا الدم ولج؟
نادين : هذا دم چذبي اشتريتة يعني لون مو حقيقة حتى اسويلكم مقلب زين حلوو موو؟!
سارة : حلوو شنو يا عوبة موتينة من الخوف السكر والضغط ارتفعن وايمان انشلت وحلا اخرست شنحجي عليج شنگوول.
نادين: ههههههههههههههههههههه والله متت ضحك من وراكم بس حاولت اكتمهة غصب عني بس شنو رأيكم اشلوني.
سارة : اكرهج عوبة خوفتيني وانتِ هيج👍🏻
ايمان : خوش مقلب تمثيلج مقنع.
حلا : خوفتيني عليج غبية وبعد لتعيديهة افتهمتي هالمرة اذبحج وامشي.
نادين : يوومة يووومة لا لا بعد مااعيدهة احبكم كووومة حبيباتي يلة بنات تعالوا انام وباجر انكمل سوالفنة اوكي لأن تعبت كلش
حلا : اني هم ، ايمان وسارة: احنة هم تعبنة كلش من الخوف نعسنة بس اتأكدي من كلشي مسدود قبل منام اوكي
راحت حلا ونادين يتأكدون من ابواب البيت كلهن امقفلة وعزلت المطبخ وراحوا ناموا بعد ضحك وسوالف انتهت وهمة غافين ولا حسوا ابشي بعدهة.
علقوا عالبارتات حتى انزل بقية الاجزاء.