عَشِقتُ مُعذبي

١٤

حلا : اي صحيح لج احجيلنة اشبيج اليوم ليش راجعة من وكت ولدگولين تعبانة ومن هالسوالف اريد اعرف كلشي بالتفصيل الممل.
نادين : اوكي اوكي بس اصبري علية خل انحضر الاكل واگعد احجيلكم بالتفصيل.
حلا : يلا يلا ابسرعة، اندگ الباب وجفلت نادين وبين عليهة الخوف، حلا گالت هاي يمكن ايمان جتي ، نادين گلتلهة اتأكدي بالأول اخاف احد منعرفة ،
حلا: هاي اشبيج ولج اشو خايفة !
نادين : لا بس احنة وحدنة وكلشي ايصير .
صاحت حلا منو بالباب؟
جاوبتهة ايمان : اني ايمان حلا افتحي الباب ولج.
وفتحتلهة الباب وطبت ايمان سلمت عليهم وگعدت وگالتلهة حلا : همزين متأخرتي هم جوعانين وهم ننتظر سالفة وحدث مهم راح تحجيلنياه نادين هسة بين ميحضرون الاكل هي وسارة ، نادين وسارة حضروا الاكل وگعدوا البنات كلهم دياكلون وبدت نادين تحجيلهم اشلون سمعت أمير ايگول لمريم انتِ حلوة كل يوم وبعدين من طبت عليهم لگتهة ابحضنة ولازم ايدهة ونظراتهم لبعضهم غريبة ممعقولة ماكو شي ابينهم حتى تتقرب منة لهالدرجة. مو صح بنات انتوا شدگولون من حقي ازعل لو لا وبعدنة بالبداية هاي من البداية هيج اني عفتهم وطلعت للبيت وهو ركض وراية واتوسل بية حتى اسمعة واني مجنت اگدر اباوعلة ولا اسمعة ابد لأن صدگ مجنت حابة اباوع ابخلقتة ولا خلقة هاي الغبية اشلون اتسوي بية هيج هي صديقتي قبل ما هو ايكون حبيبي.
حلا : ايااا نذلة يا كلبة اني من البداية ماارتاحلهة وگتلج خل اتولي لتمشين وياهة هاي وحدة مو راحة امبينة من خلقتهة واتغار منج على ابسط شي تاخذي او اجيبي وياج لو شافت عندج قلم راحت اخذت منة وفيكت عليج وحيل شايفهة نفسهة هي بقت على هذا غير اتموت اذا مااخذتة.
سارة : استهدي بالرحمن وگولي ياالله اخاف انتِ فهمتي الموضوع غلط صح هي مو راحة هاي مريم بس لتستعجلين ابحكمج عالولد. وايمان هم گالتلهة: شوفي اني اكرهة مااحبهة لهاي مريم ماادري انتِ اشلون امصادقتهة بس المفروض قبل لتفكرين هيج تسمعين الولد شنو ايريد يحجي ومتستعجلين.
تدرين انتِ سويتي شي هي اتريدة وهسة تركتيلهة الساحة فارغة وشوفي اشلون حتلعب عليج هو هذا لتريدة اتعوفيلهة كلشي واتروحين يا عوبة.
نادين : مو مسألة اعوفلهة كلشي واروح واتركلهة الساحة فارغة طزز بيهة وبي اني مااتعارك علمود واحد اني واگفة وهو يجيني لعندي لو هو ميريد مجان حجة هيج وياهة ولا اتصرف هالتصرفات الغبية هو مرتبط و جان معجب بية وكاتل روحة وهسة ايسوي هيج ماعندة احترام للمرأة مو وفي ويحجي الكلام لأي واحد عادي يعني ميگول لا ميصير هذا الحجي لحبيبتي وهو مو حبيبتي اوگفهة عد حدهة ومااتجاوز الحد وياهة بالكلام مو صح جاوبوني.
البنات : اي صح.
نادين : لعد هاهي بس خل تصبرلي اشراح اسوي بيهة الا ادقهة واحرگ قلبهة لهاي النذلة.
البنات : اي عفية هيج انريدج احنة عفية ابنادين.
كملوا سوالفهم وخلصوا عشاهم وغسلت نادين لماعين ولمت كلشي وبدت كل وحدة اتحضر غراضهة لباجر واللي ماعدهة شي وخلصت گعدت تتفرج عالتليفون.
صفنت نادين وگلتلهم شنو رأيكم باجر نطلع نفتر منروح للكلية شدگولون بنات.
البنات : صدگ اي نطلع بس وين؟
نادين : نطلع لأي مكان حابينة ونفتر مو شرط مكان محدد ها شدگولون، وكل وحدة تنطي خبر لأهلهة حتى ليظل بالهم.
البنات : اي اوكي. وحلا گالتلهم : اخاف هذا اخوية ايحط نفسة وياية بس حشمر ايمان عليه حتى يقتنع لأن هو ميقتنع الا منك قلب، وضحكت حلا وايمان خجلت حيل وگلتلهة : انجبي حلا شنو قصدج .
حلا : شنو شنو قصدج اي قابل جذب لج هو بس ايشوفج ايصير مثل الاثول ذاك اليوم بقة صافن عليج ايريد ايخلي شكر لچاي حط الملح وشربة وهو ساكت ومحس على نفسة الا من رحتي الاثول وصعد عندة الضغط ابيومهة سودة علية.
ايمان : شنوو هههههههههه لا والله اوووي سودة علية.
حلا: هاا اووي يعني خفتي عليه مو ادري بيكم واحد معجب بالثاني متحجون واتخلصونة واتخلصينة منة النهار كلة امراقبني وماعندة شغلة غيري عالأقل يلتهي بيج وهم اتصيرين جنتنة وتبقين يمي فديتج.
ايمان : انتِ گولي هيج اتريدين تخلصين منة واتذبي ابراسي وانتِ اتصيعين على راحتج يا كلبة.
حلا : ولج مو هيج بس الله عليج انتِ متحبي اعترفي بنات منو ايأيدني صح لو لا اتحسون ابهذا الشي ابينهم همة لثنين.
البنات : اي صح احنة املاحظين هالشي.
ايمان : ولكم بنات كافي والله خجلتوني.
حلا : اعترفي لعد.
ايمان : اي احبة بس هذا اخوج غبي ولا يفهم ولا يحجي شنو ايريدني اني اگلة.
حلا : معليج منة والله لا اخلي يعترفلج بسيطة الا اموتة واحرگ قلبة حتى يحجي.
ايمان : اشراح اتسوين ولج.
حلا : معليج عوفيهة علية.
ايمان : الله يستر منج.
نادين : بنات اني خابرت اهلي وگتلهم ع طلعتنة هاهي مو اتروحون؟
البنات : اي انروح.
سارة : اني هم دزيت لبابا وقبل.
حلا : اني هسة دزيتلة لهذا وشافهة وغلس بس اروح وياكم عادي.
ايمان هم اتروح وياهم واتفقوا يطلعون وايغيرون جو ويبتعدون عن الدراسة اشوية .......