قطة في عالم الذئاب ...الجزء 1-2-3... للكاتبة فاطمه الألفي...

الفصل التاسع عشر

الفصل التاسع عشر 

قطة فى عالم الذئاب 

جلست ديما مع فيدرة وفدوة وتعرفت عليهم ...
فيدرة .شرفتينا ياديما
ديما .ميرسى انا مبسوطة انى معاكم وممكن تعتبرونى اختكم
فدوة .لا طبعا ماينفعش تبقى اختنا
فيدرة .فدوة خفى شويا ياحببتى
فدوة .ماهى لو هى اختنا بالعقل كدة مش هتتفع تتجوز أخونا ولا أية
ديما .هههههه أية
فيدرة. بصى ياديما فدوة طاقة والاحسن ماتركزيش معاها
ديما .هههه دمها خفيف
فدوة .قوللها والله انتى عسل واناخلاص هخطبك لاخويا
ديما . ههههههه
فيدرة .بتدريسى ولا اتخرجتى
ديما . انا درست تجارة انجلش وبشتغل فى شركة بابى وانتى يافيدرة بتدرسى اية
فيدرة. لا انا درست لحد ثانوية عامة وانا بشتغل حاليا فى ورشة ميكانيكا
فدوة .بتشتغل صبى معلم زى بلية إللى بيطلع فى الافلام كدة هههه
فيدرة. فدوة تافة واخدة الموضوع هزار عندها أن البنت ماينفعش تشتغل الشغلانة دى
ديما .بس دة لا عيب ولا حرام بس تقدرى تكملى جامعة وانتى لسة بتشتغلى عادى وكمان تدخلى هندسة نفس مجال شغلك أية يمنعك تكملى
فيدرة. مش شرط أكمل وادخل هندسة انا ناجحة فى شغلى واقدر اكبر فى شغلى انا الحمد لله عندى خبرة اكتر وتجارب اكتر انا اقدر اصلح اى عربية ومن نظرة واحدة اعرف عيبها أية وان شاء الله فى دماغى مشروع وناوية انفذة
ديما .هايل انتى عندك طموح وهدف انك تكملى فية ودة شئ كويس ربنا يوفقك وانامعاكى لو محتاجة اى حاجة احنا اخوات ماتتردديش
فيدرة. اكيد طبعا
ديما .انا طلبت من فادى اتعرف عليكم بنفسى وانا بجد سعيدة انى قابلتكم
فيدرة. احنا اسعد والله واضح ان فادى عرف يختار صح
ديما بكسوف. ميرسى
فيدرة .أية رائيك نتمشى شويا فى المزرعة
ديما .ياريت
فدوة .طب انا وضعي أية فى القعدة دى ماليش نصيب معاكم
فيدرة. لا كملى مذاكرة انتى ياقمر
فدوة .ناس ليها الكتاب وناس لية الروقان
ذهبت ديما وفيدرة فى جولة حول المزرعة وبدات فى التحدث فى أمور عملها وايضا فيدرة تتحدث عن عملها وانها تعشقة رغم انة صعب ومتعب على فتاة ولكنها تعشقة وعلمت انها عانت كثيرا بسبب بعد شقيقهم وتاكدت أن فادى معة كل الحق لكى يعوضهم عن ما مرو بية..
وأعجبت ديما بشخصيتها وقوتها
ديما .تعرفى انك قوية وجدعة وعندك عزيمة كمان ياريت اكون فى قوتك دى
فيدرة. مش لدرجادى مش أول بنت بتشتغل وتساعد أهلها فى بنات كتير كدة بصى الظروف إللى بنواجهه فى حياتنا هى إللى بتفرض علينا حاجات كتير ممكن عمرنا ما كنا نتخيل اننا نعملها بس بنطر نعملها وكمان البنت زى الراجل وكمان مش بيقولو فى بنت بميت راجل يعنى نقدر تشتغل زى الراجل وتحقق نجاحها بردو
ديما بإعجاب . مش بقول نفسى اكون زيك طب ليكى حلم خاص بيكى نفسك تحققية
فيدرة. طبعا كلنا عندنا حلم وانا حلمى زى ماقولتلك عايزة مشروع خاص بية انا اكون اسم كبير والورشة الصغيرة تكبر وتبق مصنع كمان أقدر اجمع العربية وياريت يكون فى تصنيع فى مصر هو طموح كبير جدا بس بعون الله اقدر اوصل واحدة واحدة وكمان فرحتى بنجاح فدوة وأنها تدخل الجامعة إللى بتحلم بيها وربنا يسعدها فى حياتها وتتجوزا لإنسان اللى يستاهلها ويقدرها ويحافظ عليها ويكون فى بينهم احترام وحب ومودة ويكون لها الامان والسند ف حياتها ويكون فرحتها كدة هتكون فرحتى كملت بسعادتها
ديما .وانتى فين بقى مش نفسك تلاقى الحب والامان والسند ولا أية
فيدرة. مافتكرش انى هلاقية هههه
ديما .ربنا يحققلك حلمك يارب واشوفك بقى احسن عروسة بالفستان الأبيض
فيدرة بتوتر. المهم عندى اختى طب تعالى نرجع المزرعة بقى
ديما .طب فادى لسة زعلانة منة هو قلى علىةالخلاف إللى بيتكم
فيدرة. لا طبعا احنا اتصالحنا
ديما .امال لية ماجبتيش سيرتة
فيدرة. يمكن عشان جديد على حياتنا و لسة مش واخدة علية بس هو مهم كمان بالنسبالى هو اخويا الكبير وعندى بعد بابا
ديما .وهو إللى هيوصلك لعريسك وكمان فدوة
فيدرة بتغير الموضوع. قوليلى بتحبى فادى
ديما بكسوف .اوى هههه
فيدرة بهزار. ومالقتيش غير فادى هههههه ربنا معاكى
ديما .ههههه عبقالك حددنا الخطوبة كمان اسبوع
فيدرة .الف مبروك ربنا يسعدكم
.......
وقضت اليوم معهم

وبعد فترة اخذها فادى وودع البنات وعادو مرة أخرى إلى القاهرة ...
***************
فادى. ها أية انطباعك الاول عن اخواتى
ديما بابتسامة .بصراحة انا حبتهم اوى
فادى. طب فيدرة بتعاملك ازى
ديما .انا حبيت فيدرة اكتر من فدوة كمان وقربت منها جدا هى طيبة اوى وحنينة وحتى أحلامها بتشاركيها فيها فدوة اختك دى عسل وبجد هتكون أختى انا كمان وفدوة عسولة خالص
فادى. الحمدلله عبقال الراس الكبيرة بقى لم تحبهم
ديما .هههه تقصد طنط نجوى
فادى .هو فى غيرها
ديما . انا واثقة لم تتعرف عليهم وتقرب منهم هتحبيهم ماتقلقش بس انت كمان حاول تقرب بينهم
فادى. ازى بقى
ديما .يعنى قول لطنط نجوى أن البنات نفسهم يشفوها بيسالو عليها وهكذا عند البنات عشان مايقفشوش منها اهم يعرفو انك بتحاول تكون على الحياد وتقرب بينهم البنات طيبة اوى محتاجين لحد يفهمهم ويقدر احساسهم ومشاعرهم
فادى. ربنا يستر من إللى جاى
عايزك تكونى دايما مع ماما ممكن تعاملهم وحش خلى بالك منهم اصل انا عارف ماما مش هتتقبل الوضع بسهولة وهم مش ناقصين كفايا حزنهم على والدتهم
ديما .هى طنط لسة ماشفتهمش
فادى. لسة بتقول فى الخطوبة ربنا يستر بقى
ديما .يارب خير
*************
فى المزرعة بعد مغادرة فادى وخطيبتة
ظلت تتمشى بالمزرعة
وجدها من بعيد قرب اليها ليتحدث معها فهذة فرصة مناسبة وهى وحدها
اسلام .احم مساء الخير
فيدرة باستغراب . مساء النور
اسلام .انتى ماشية لوحدك لية الوقت متاخر
فيدرة. متأخر أية لسة الساعة ٨
اسلام .اصل هنا مش زى القاهرة يعنى الناس بتنام بدرى
فيدرة. انا حابة اتمشى بقى لوحدى عن اذنك
اسلام .طب ممكن اتكلم معاكى مش هأخرك هنتمشى واوصلك البيت
فيدرة. اتكلم خير
اسلام .بصراحة من ساعة ماشوفتك وانا معجب بيكى وأتمنى انك تشاركينى حياتى انا عايز اتجوزك وقولت اخد رائيك الاول وبعد كدة اكلم حد من اهلك
فيدرة باستغراب . تتجوزنى هو حضرتك تعرفنى ولا شوفتنى كام مرة وعايز تتجوزنى
اسلام . انا فعلا اتشديت ليكى وانا مستعد احكيلك تاريخ حياتى وانتى كمان تعرفينى على نفسك
فيدرة.ببرود .لا احنا هنوفر التعارف انا مش عايزة أتجوز ماشى ولا عايزة اتعرف على حد حلو الكلام سلام
وتركتة مصدوم من رد فعلها الغريب ودخلت بيت المزرعة ....
اسلام لنفسة .اية البت الغريبة دى هو انا اترفض كدة هى تطول دة انا دكتور ماشى يافيدرة بكرة تندمى على رفضك لية
*****************
دخلت الجنينة وجدة ينتظرها بعيون يملائها الغضب..
أوس .ما لسة بدرى كنتى فين كدة
فيدرة بتوتر. ودة تحقيق ولا أية انا حرة
أوس بغضب .حرة والله انا هعرفك يعنى أية حرة
فيدرة.ببرود .وهتعمل أية بقى ان شاء الله
قرب منها أوس بغضب وهى توترت وغادرت من امامة بسرعة وصعدت إلى غرفتها
أوس . وربنا ما انا سايبك بقى خارجة تقابلة اسلام يافيدرة ماشى
صعد بعصبية خلفها ودخل غرفتها دون استئذان.
فيدرة بخضة. اية داخل كدة لية مافيش حاجة اسمها استئذان
أوس بغضب .لا مافيش ودلوقتي حالا عايز اعرف كنتى فين يافيدرة دلوقتى ومع مين انطقى دى آخر مرة أسئالك
فيدرة بخوف من نظرات الغضب من عينها فأول مرة تخاف امامة. دة والله الدكتور إللى جى قبل كدة انا شوفتة صدفة وهو وقفنى يكلمنى وبس
أوس بعصبية اكتر .قالك أية
فيدرة .عايز يتجوزنى
أوس بصدمة . نعم وانتى قولتى أية
فيدرة. رفضت وسبتة ومشيت بس والله
أوس بهدوء .اممم وقرب اليها وانتى رفضتية لية
.فيدرة بتوتر .مش عايزة أتجوز انا حرة
أوس بابتسامة. انتى خايفة ولا أية
فيدرة بتوتر .لا مابخفش
أوس. بجد طيب قرب اليها اكتر وأصبح أمامها ونظر إلى عينها بحب وهمس بجانب اذنها. بحبك وانتى ملكى انا وبس ومش هتكونى لحد غيرى ياقطتى...
......يتبع