قطة في عالم الذئاب ...الجزء 1-2-3... للكاتبة فاطمه الألفي...

الفصل الثامن

  الفصل الثامن

قطة فى عالم الذئاب 

مر يوما أخر فى حيرة على الجميع
فى المستشفى
الجميع منتظر ويتقرب أسترداد ليث وعية وصحتة ..
*****
فى منزل فيدرة
القلق بدأ يدق قلب الأم فمنذ أن تركتهم فيدرة لن تعلم عنها شيئا
فدوة .مالك يا ماما حاسة بتعب ولا حاجة
سمية بتعب .أختك قلبى وأكلنى عليها ولا حس ولا خبر من ساعات ماقالت مسافرة حتى ولا اتصال
فدوة .ماهى نسيت موييلها هنا ياماما اطمنى بتحاول تطمن والدتها وهى أيضا تشعر بالقلق على شقيقتها فهذة المرة الأولى التى تبعد عنهم ولا تحاول ان تطمئن عليهم وهذة ليست عادة شقيقتها
سمية .لا مش مطمنة مش مرتاحة اختك عمرها ماعملتها دى بتبق فى الورشة وتتصل تطمن على صحتى اكتر من مرة
فدوة .طب اعمل اية اكلم عمى حمدى
سمية .أيوة خلى الاسطى حمدى يجى عايزة اتكلم معاة
فدوة .حاضر يا ماما
*************
فى الفيلا المهجورة
كانت مازالت على وضعها حبيسة الغرفة والقلق ينتأبها على والدتها المريضة وشقيقتها الصغرى فهم بأمس الحاجة اليها .
فيدرة لنفسها .ياترى ماما عاملة اية وفدوة من غيرى اكيد ماما هتكون قلقانة علية انا عارفة يارب هون عليها وطمن قلبها هى مش متحملة يارب وانت عالم بحالها يارب ردنى إليهم يارب ..
******
فى المشفى
أوس . بابا انا عندى مشوار مهم لازم اعملة ولو فى جديد بلغنى
عاصم .ربنا معاك يابنى
سوسن .اوع تتاخر علينا
أوس. اطمنى هوصل مشوار قريب وراجع علطول
تركهم أمام غرفة العناية
واتصل على فادى تابع معة امور الشركة وتأكد من سير العمل ..
بعد عدة دقايق كان يصف سيارتة ويترجل منها بسرعة ووصل إلى ممرر الفيلا .
صعد إليها وهو يعلم انها سوف تنهار أمامة وتطلب منة العفو والمسامحة ولكن عندما فتحت باب الغرفة وجدها .
تجلس على الارضية ولكن قوية مثل ماتركها رغم انة تعمد ان يتركها يوما كامل لكى تنهار قوتها ويكسر عنادها ولكن تفاجاة
بصمودها وقوتها لن تنهز ومازالت تنظر الية بجمود وعناد
فيدرة. أهلا وسهلا شرفت بيتك ومطرحك بردو
أوس ببرود. يعنى عاجبك قعدتك هنا بقى الحكاية داخلة دماغك بقى ولا وخدها هواية زى بلية صبى الميكانيكى
فيدرة بقوة .شغلى مش هواية شغلى دة بتعب وبشقى فية وبيطلع عينى فى كل عربية بيصلحها عشان انتو تركبو وتعيشو من غير ماتهينو نفسكم وفى الاخر مافيش كلمة شكر توحد ربنا لكن الاهانة ماشاء الله ماتتوصوش فيها وجرح الكرامة كأنها عادة أو مزاج عندكم حتى نظرة التقليل بنخدها نفسى أعرف لية عشان انا بنت لازم اتاهن بنظراتكم وعدم الاحترام لية يعنى بتبصو علية كانى شئ ملوش وجود مليش لازمة فى الحياة انا فضلت اشتغل على انى اكمل دراستى انا هديت حلمى عشان اجيب علاج امى واكلنا وشربنا ودراسة اختى شوفت كتير وقليل شوفت الفلوس بتترمى قدامى بإهانة من بية محترم طبعا ماالغنى لازم يدوس على الفقير ازى هيتكرم ويدنى حسابي فى أيدى لازم إهانة بتعرض لمواقف زبالة بس مش بسكت عن حقى انا إللى يديس علية افرومة إللى يهين كرامتى مابسكتلوش باخد حقى وانا قدامك اهو لو ليك حق عندى خدة
بس وحياة امى واختى انا ماعملتش عربية أخوك ودة آخر كلام هتسمعو منى
أوس بشرود.. انتى اية ازى لسة بالقوة دى انا كنت فاكر هاجى الاقيكى منهارة عياط وصويت وعايزة تخرجى من هنا انا قولت اكيد هتترجينى وتتزللى عشان اخرجك من هنا انتى غريبة كدة لية انا اول مرة كلام يهزنى بالشكل دة ومن بنت كمان أنتى حكايتك اية لم ببص فى عنيكى بحس انى قدام قطة وديعة عنيكى ليها سحر علية وتأثير من اول لم شوفتهم لون عنيكى زى عيون القطط لوم غريب وجذاب بحس بنظرة ضياع فيهم .. فاق من شرودة على رنة الهاتف
أوس. الو ايوة يا بابا
اية فاق طيب انا جاى حالا
سلام ..
أوس يرسم قناع القوة .ليث فاق الحمدلله وهو هيقرر مصيرك يا قطتى ههههه سلام
فيدرة بصدمة. والله ماعندك دم داهية لا ترجعك ياشيخ
أوبا لا داهية ترجعك امال انا هخرج ازى يارب صبرنى وخلى ليث ينطق يارب وبعد كدة يموت يتحرق هو وأخوة بس اخرج من هنا عشان امى واختى مش عشانى يارب يارب ....
**********
بعد أقل من نصف ساعة كان امام غرفة العناية وعلم بأن تجاوز مرحلة الخطر ..
داخل العناية كان الطبيب المعالج يفحص ليث ليتأكد من جميع اعضاء جسمة الحيوية ويتأكد ان الغيبوبة لم تصيب شئ..
الدكتور .أسمك اية
ليث بتعب .ليث
الدكتور بتأكيد .ليث اية
ليث بتعب وألم . ليث عا صم الملكى
الدكتور بارتياح. تمام حاسس باى حاجة
ليث بتعب .جسمى كلة متكسر
الدكتور باطمئنان.من أثر الحادثة هى كانت كبيرة الحمدلله انت انكتبلك عمر جديد ماتقلقش الجبس هتفضل فى شهر وتبق زى الفل
ليث بتعب. جبس أية
الدكتور .رجلك الشمال كلها متجبسة
ليث .بس انا مش حاسس برجلى اصلا
الدكتور بقلق .مش قادر تحرك السليمة ولا حتى صوابع رجلك حاول كدة تانى
ليث بتعب .مش حاسس بحاجة
الدكتور بقلق .طيب استريح دلوقتى اطمن من أثر المخدر بس انا هطمن اهلك برة
******
خرج الطبيب من غرفة العناية
توجة الية أوس بفرحة وعاصم وسوسن ليطمئنو على ليث
الدكتور .هو الحقيقى اصل
أوس. أصل اية اخويا فية حاجة
الدكتور .هو عدة مرحلة الخطر
الجميع .الحمدلله
عاصم الف حمد وشكر ليك يارب
الدكتور .بس للاسف
أوس بسرعة .للاسف اية انطق فى أية
الدكتور. واضح ان الحادثة اتسببت فى ضرر فى العمود الفقرى ودة سببة فى شلل نصفى بس هنعمل كل الاجراءات والفحوصات اللازمة
كانت الكلمة كفيلة ان تدخل الجميع فى حالة من الصدمة والذهول فى أن واحد
عاصم بحزن .الحمدلله على كل شئ
سوسن بدموع .يعنى ابنى اتشل خلاص
عاصم .قولى الحمدلله ابنك كان بيموت وربنا نجاة من الموت
(قُل مَن يُصِيبنا إلا ما كَتبة الله لنا )
أوس بحزن. انا هسفرة برة مصر يتعالج ومش هيرجع غير وهو وماشى على رجلة
الدكتور .بس دلوقتى لسة حالتة مش مستقرة
أوس. انت مالكش دعوة انت تنفذ وبس المطلوب منك وانا هعمل اجراءت السفر
سوسن بدموع .وانا مش هسيبة لوحدة هسافر مع ابنى
أوس. ماما انا إللى هسافر
سوسن برجاء.مش هسيب اخوك انت فاهم خليك هنا مع والدك وتابع الشغل
عاصم .ندخل نطمن علية وبعدين نتكلم
الدكتور .هو لسة مايعرفش حاجة بس لو سأل ممكن تفهموة وضعة بهدوء عن اذنكم لو محتاجين حاجة انا فى مكتبى
..................
دخل عاصم وسوسن ليطمئنو على ولدهم الحبيب وذهب أوس لإجراء بعض الاتصالات وعمل أجراءت سفر شقيقة للعلاج خارج البلاد
..............
فى غرفة العناية
جلست سوسن بجانب ولدها تقبل جبينة وتبتسم بوجة وتدارى دموعها عنة .
عاصم .سلامتك يابنى
ليث بحزن .الله يسلمك يا بابا
دخل أوس يرسم ابتسامة. سلامتك ياوحش الف سلامة وقعت قلبنا ياراجل حرام عليك
ليث بتعب .أنا آسف
أوس. المهم انك بخير ومعانا بس مافيش تهور تانى
سوسن .اياك ياليث ترجع لسباقات دى تانى
ليث .اطمنو شكلى مش راجع ومش بمزاجى انا شكلى اتشليت مش حاسس برجلى خالص ولم سألت الدكتور هرب منى وانتو كمان عنيكم بتهرب منى ومش دى نظرة فرحة انى بخير
اكيد احساسى صح حد يقولى حاجة بلاش تسكتو
أوس. وفيها اية الحادثة أثرت على رجلك لكن هتخف وتبق كويس أوعدك هعمل المستحيل عشان أشوفك واقف على رجلك تانى فاهم
عاصم .قول يارب يابنى وربنا مش هيسيبك ولا يخذلك أبدا
سوسن . ان شاء الله هترجع أحسن من الاول
عاصم. بص يابنى دى محنة وبلاء من ربنا لازم ترضا بية وربنا قال أنا ((عند ظن عبدي بى فليظن بى ماشاء ))
دايما يابنى اتمنى الخير وربنا كبير اوى اكبر من الكل وقادر على كل شئ ودة اختبار لصبرك اصبر واحتسب وقرب من ربنا اوع تفكر ان دة غضب من ربنا لا تبق غلطان ربنا لم بيحب العبد بيبتلى فى مال او مرض أو عيال او أى متاع من متاع الدنيا عشان ربنا بيحب نفضل قريبين منة ونطلب منة ونستعين بة فى كل هم وضيق يدخل قلبنا ربنا بيكون مستنى يسمع صوتك ودعوتك وتقربك لية دة اختبار عشان ربنا يخفف عنك أى ذنب ويبدل لك سيئاتك حسات *نحن اقرب اليك من حبل الوريد*
فهمت يابنى يعنى أنت فى فضل ونعمة احسن من غيرك كتير محمد ربنا ونشكر فضلة عندك وقت تراجع حساباتك مع الله وتقرب وتبق افضل وتبعد عن أى حاجة ترجعك لطريقك القديم انت كنت ماشى فى طريق ضلمة وربنا نورلك بصيرتك دلوقتى ابعد عن أصحاب السوء إللى ماحدش شاف وشهم يجو يطمنو عليك عشان تعرف انهم مش صحاب أى كلام الصاحب الجدع مش سيب صاحبة فى زنقة ولا ضيقة ولا محنة بيكون واقف فى ضهرة زى ضلة مش يبعد عنة وهو محتاجلة عشان تعرف دول صحاب فلوسك صحاب مصالح وبس الحمدلله انك وسطنا دلوقتى وربنا قادر يشفيك بس خلى عندك يقين بلاش تفقد الامل فى ربنا حتى لو العلاج طول افضل مع ربنا وخليك قوى وارجع افضل من الاول
ليث بتعب .اوعدك يا بابا طول ماعيلتى جنبى هفضل قوى واستمد القوة منكم وربنا موجود انا فعلا بعدت عن ربنا واهتميت بحاجات تافة بس اوعدك هكون ليث إللى تفتخر بية وتنسى ليث المستهتر دة خالص
عاصم .اوعد نفسك الاول مش توعد غير ليث انة يكون افضل
أوس ينظر إلى والدة ويفكر فى حديثة مع شقيقة وفجاة جاءت صاحبة عيون القطة وتخيلها امامة وتذكر انة لم تفعل شئ إلى شقيقة وفجاة نطق
أوس .ليث مين لعب فى سرعة العربية
استغرب ليث من سؤال شقيقة وتذكر حديث فيدرة وشعر بالالم والعجز و...
.........
حضر حمدى إلى منزل فيدرة
وجلس فى غرفة والدتها
حمدى .خير يا ام فيدرة
سمية .قولى يااسطى هى فيدرةهتتاخر انا قلبى مش مطمن وخايف عليها وكمان نسيت الموبيل هنا
حمدى بقلق .ماتصلتش من امبارح الصبح
سمية بحزن .لا والنبى بس عايزة اقولك امانة تنفذها لو جرالى حاجة
حمدى .بعد الشر عنك خير رقبتى دة غلاوة البنات عندى زى غلاوة عيالى وربنا العالم
سمية .عارفة وعشان كدة بوصيك على فيدرة وفدوة لو اخوهم مش خدهم يعيشو معاة وخاف من والدتة تخلى بالك من البنات
حمدى .انتى اتكلمتى معاة
سمية بحزن .اتكلمت ووصيتة على اخواتة وهو وعدنى مش هيسيبهم بس من ساعتها ولا حس ولا خبر اكيد والدتة رفضت وجود عيالى اصلها مش اول مرة تعملها ربنا يهديها
حمدى .معقول حد يسيب لحمة كدةهو جر اية فى الدنيا
اطمنى ياختى البنات فى عنية وماتحمليش هم حاجة وربنا يخليك ليهم وانا لو فيدرة ماجتش من هنا لبكرة هسافر بنفسى أشوفها مش تقلقى فيدرة دى بنتى إللى مخلفتهاش
سمية .كتر خيرك يااسطى
فدوة .اتفضلو احلى كوبيتين شاى إنما اية عجب
حمدى .من يد مانعدمها
*************
تابع فادى اعمالة بالشركة وقرر الذهاب إلى المشفى بعد أن علم من أوس ان ليث استرد وعية .
خرج من شركتة وتوجة إلى سيارتة لكى يصل إلى المشفى...
***********
قرر أوس سؤال شقيقة ويريد الاجابة ولكن من الواضح أن شرود شقيقة جعلة يتأكد من ظنونة ..
........

يتبع