قطة في عالم الذئاب ...الجزء 1-2-3... للكاتبة فاطمه الألفي...

الفصل التاسع والعشرون

  الفصل التاسع والعشرون

متاهة عشق
بقلم فاطمة الألفي

استيقظ إيان على صوت والدته الحنون ، وفتح عيناه بارهاق ولكن عندما وجد والدته امامه .
اسرع لاحتضانها بفرحه ويقبلها بشده .
استغربت فيدرة فى بادء الامر ولكن استوعبت فرحه طفلها عندما أخبرها بمسامحه لفرح والان هو يشعر بالسعاده ..

فيدره بفرحه. بجد يا حبيبي ربنا يسعدك يارب يا قلبي ، طب ها ناوي على ايه أخلي بابا يكلم خالك

إيان بجديه . لا يا ماما مش دلوقتي انا مش مستعد ، لم أبدأ شغلي وافتح الورشه وأكون قادر أفتح بيت انا هكلم خالي بنفسي

فيدرة . مش قادره اقولك حاجه غير
ان فخوره بيك وربنا يفرح قلبك عشان عارفه ومتاكده من عنادك وارثه عن مين هههه
إيان . حبيبتي انتي
فيدرة . قوم افطر بقى ، صحيح لاقيت ورشه مناسبه
إيان بابتسامه . أيوة وانا بشطب فيها ، هى محتاجه شويا شغل
فيدرة . مش محتاج ماما في حاجه
إيان قبل يدها . وانا اقدر استغني يا ست الكل

جاء صراخ عاصم من غرفته .

فيدرة . طب اجهز انت على ما اشوف المجنون دة بيصرخ ليه .

غادرت الغرفه ودلفت الغرفه عاصم

عاصم . يا ماما فين الحظاظه
فيدرة باستفراب . حظاظه ايه قول صباح الخير الأول
عاصم . صباح الخير يا عسل فين بقي الحظاظه بتعتي انا سايبها هنا امبارح على الكوميدينو

فيدرة اخرجت يدها ووضعتها أمام اعينه . تقصد الانسيال دة
جحظت عين عاصم فوالدته هى التى ترتدي حظاظته .
عاصم . انتي بتسرقيني ولا ايه يا ماما هو احنا فينا من كده
فيدرة بضيق . اسرقك دة بتاع بنات وانا فكرتك جيبهولي
عاصم . انا حيلتي حاجه لو نفسك فيه خلى اوس باشا يجبلك هو معاه فلوس كتير لكن انا غلبان يا حرام هاتي بقى
فيدرة بابتسامه . يا واطي مستخسر البتاع دة فى ماما
عاصم . هاتي يا مامي بقى دة لازوم النيو لوك الجديد مش فنان
اخرجت ما بمعصمها واعطتها اياه . اتفضل بس بلاش تقلد اي حد وخلاص
عاصم . طب الحق بابا قبل ما يخرج بقي

فيدرة . بس بابا خرج من بدري
عاصم . طب ايدك بقي يا جميل على خمس تلاف
فيدرة بصدمه . وهتعمل ايه بالمبلغ دة بقي
عاصم . هشتري جيتار يا ماما محتاجه عشان ادرب عليه فى البيت كمان
فيدرة بضيق. يا ربي هو احنا ناقصين صداع فى البيت كمان
عاصم بحزن مصطنع . اسقط يعني ، عاوزة ابنك يفشل يا فيدرة ، ترضي مستقبلي يضيع اه يا ميلت بختك يا عاصم
فيدرة بصدمه . ولد بطل تمثيل
دلف إيان لغرفه شقيقه بعد.انتهى من ارتداء ملابسه استعدادا للنزول .
إيان . صوتك عالي ليه على الصبح
عاصم . حبيبي تعالي انجدنى ينوبك ثواب فى اخوك حبيبك
إيان . تعالي اوصلك في طريقي
عاصم . محتاج فلوس الأول ايدك بقي يا ماما
إيان . تعالي هديك إللى انت عاوزة
عاصم . انا عاوز خمس تلاف
إيان . ايه المشكله هدهملك انت مستقل باخوك
اسرع إليه عاصم يقبل وجنته . العفو يا كبير ، يلا بينا
إيان . محتاجه حاجه يا ماما ، هوصله المعهد بتاعه واشوف الورشة