مساء الخيرات طبعا من اول جزء اكيد يصير عدكم توهان بالاسماء ثاني جزء كلشي يصير عدكم واضح اهم شي عدم الحكم من المقدمة مجرد تعريف لشخصيات الابطال وتصرفاتهم ...
#قصة_واقعية_قصيرة_بعض_احداثها_حقيقة_وبعضها_خيال_ممزوجة_بالفكاهة_والجدية
#لمة_بنات
● من كتابات #زهراء_العراقية ●
الجزء (1)
●بقلم زهراء العراقية ●
السلام عليكم اليوم قصتنا راح نتحدث عنها احنة المجموعة بنات .. ابوية وعمي اخذوا امي وخالتي يعني الاخوان اخذوا الخوات .. وخالتي الثالثة ازوجت ابن عمهم وصديقهم وبالاساس ابوي وعمي هم اولاد العم لامي وخالتي يعني يمشون على مبدأ بت عمي مااتروح للغريب .. ابوية وعمي يسكنون بنفس قطعة الارض لكن قاسميها بيناتهم بيوت على كد الحال يعني احنه وبيت خالتي او عمي بيت على بيت .. اما خالتي الثالثة لا بيتها خلف بيتنا يطل على الساحة ...
راح نبدي وياكم من كان عمري 17 عام بحيث كان عمر :-امي ايمان عمرها 50 سنة معاونة في احد المدرسات الابتدائية
ابوية :- رشيد عمرة 54 سنة مقاول
عدهم اربع بنات واثنين ولد
نعمان :- عمرة 30 عام متزوج من بنت اسمها زينب نفس اسم اختي ودوم من انصيح زينب الاثنين يجن لحد ما ملن ومحد كامت تجي من انصيح عليهن !!!
زينب :- عمرها 25طالبة تربية رياضيات
راسبة بالمدرسة لهذا بعدها ما متخرجة وسنة رابعة الها. هي هادئة اتبين لكن عدها سوالف ومقالب لا تعد ولا تحصى ومرات احسها تشتغل علينا دور الاخت الكبيره وهي ماشاء الله عقلها يوزن بلد والمستشار مال ماما لكن بداخلها طفلة تحتاج الى حب وحنان لكن مع الاسف ماما ما مطيته الها الانها الكبيره لكن والدي الله يحفظه كان يعزها اكثر وحده بينا وهي غير مرتبطة ... طولها 153 جسمها رشيق لحد النحافة عدها رصعات وحنطاوية على بابا وضايجة من وزنها تحسب نفسها ضعيفة واني اشوفها صاكة ولو القردة بعيون اختها غزال !
عثمان :- عمرة23 سنة وطالب صيدلة
ورد :- عمرها 22سنة طالبة جامعية قسم علوم سياسية . تدرس شي وهي هوايتها شي ثاني تعشق الاشعار ومتابعة الشعراء من كثر قرأتها اصبح عدها الهام وصارت تكدر تكتب ابيات جميلة ومنظمة . هي هادئة لكنها حساسة بشكل ومرات تصرف تصرفات خرقاء بوقت العصبية وتندم بعد ثانية قلبها جدا طيب
طولها 169 واضوج منه حارمها من الكعب .. شعرها اشوية نازل على متنها مو طويل بيضة على امي وعدها شامه يم عينها الوسيعة وتكره خشمها وعده عقده منه رغم اني اشوفه عادي
نيفين و بروين :- ذني توأم متماثل بالقوة الا نميز بينهن عمرهن 21 عام سر أسمائهن وهو صديق والدي كردي الروح بالروح .سماهن وكان جدا متعجب من والدي عنده هالقدر من الاولاد بأعمار متقاربة مايدري امي مشغلة الغيرة مالتها من خلاتي ويتغالبن بالخلفة ..
بروين جدا طيوبة ومدنفشة شعرها كاريه دائري على وجها الكمثري الابيض وخديداته حمر سبحان الله يخلي الاسماء متوالمة مع الاشكال الي يشوفها يظنها فعلا كردية ..
اما نيفين هي تشبه بروين لكن نحيفة وشعرها تحت خصرها ودائما اضوج من يقارنوها بتؤامها والنحف مسوي بيها عقده .. لكنها طيوبة وفكاهية
