اعادة نشر #لمة_بنات ٢
الاخير
زهراء
..............
السيارة عطلت
"ها اوك. لعد من تصلح صحيني
سألني متعجب "اتنامين واحنه اهنا وحدنا بطريق مقطوع ما اتخافين
" مو انت وياي
سمعته ضحك بس حقيقتا التعب اخذ من حيلي غمضت بس ما نمت ...
جالس جنبي كدام المقود ... حسيت باطراف اصابع تتلمس وجهي ..فتحت
"ما نمتي ؟؟
" ما توقعت بيوم اتيه وياك
"هذا الموقف قريته براوية قريبة على قلبي
ضحك
واني تسألت اني كتبته بالقصة الي قراها لو لا ناسية احداثها!!
" اشوكت يطلع النهار و اتنام النجوم ..
كنت اباوع من الجامة للظلام الي يحيطنا
" النهار موجود . بس مو يمنا لا تخافين يطلع الضوة علينا
فركت جبيني
" فتح الجكمجة شفت قطع شوكولاتة فاخر
"اكلي منه جديدي طاقتج
اخذت قطعه .تستليذيته وهذا الاحساس هاجرني فترة وهو الاستلذاذ بمأكل او مشرب
اجت عيني على كتيب صغير ...
اخذته ... طلع كتاب اذكار المؤمن ..
ضليت اقرأ واخذ من قطع الشوكولاتة .
عطشانه اضاهر اكلت اهواي حلوة
ضحك عليه وسحب كلينس وقربة على حلكي
" ها
اخذته منه منحرجه مثل الطفلة اضاهر مدمرة روحي ..
" عشطانة مو؟
"اي
شغل السيارة وانطلقنا
"عجيب طلعت معطلانه
" وطلعتي ما فاقدة الحياة مثل الكل متوقع
" اني فاقدة نفسي ..
" مو صحيح ...انت مثل ما انت زهراء الي تتحول طفلة صغيرة بس تقدم الها قطعة كاكو
............
زينة
خلصنا عشا وبابا طلع مع عمي .
و ماما كعدت مع مرت عمي و وسن و اسراء و وئام بالحديقة يم المسبح يسولفن
.....
اسراء ...
من ضمن المواضيع الي اتحدثنا بيها استطرقت وسن كدامي موضوع تيم
" اي انت اجازتك 10 ايام اتحلحي و خلي الرجال ينتبه الج
وئام " اشبيج ما لاحظتيه اليوم اشلون سلم عليه .. و مبين عليه بدأ يعجب بيه
سألتها
"وانت ؟؟معجبة بيه
" هههههه بلا هذا سؤال .ليش بيه شي ما يعجب ..بس افلوسه كفيله بأن اتخلي الف وحده تسعى اله .. بصراحه انتي مو عندج خوات وينهن عنه
" خواتي ما يدرون افلوس وبصراحه ما يكدرن مثلي يعيشن برة العراق . وحده ازوجت اهناك و زهراء لو لا قدر الله جان هسة مزوجة وبيت زوجها .
....
زهراء وصلنا من الباب الخلفي للبيت
رجعت الكتاب ..
ردت انزل ...
تذكرت
"تيم شكرا
هز راسه
" على شنو
" على عل على الصرخات !
سديت الباب ونزل هو فتح الي الباب الخلفي ودخلني وراح يصف سيارته بالكراج ...
واني دخلت للمطبخ ...شفت الخدامه تغسل مواعين .. ما انتبهت الي الا لمن وصلت يم الباب
رجعت للثلاجه طلعت بطل ماي ورحت .. كأني غارقة بهذا البيت الكبير ...رحت لمكتبة عمي ضليت اختار كتاب ..
"محد يكلب هاي الكتب غير ابوية واني و مرات تيم
التفتت
شفت خالد
ابتسم " بنفسج مكانج جانت توكف ورد وتكعد ادور على كتاب عاطفي ما تلكة ..
باوعت للكتاب الي بأيدي اشعار عاطفية ..!
"هذا الركن اني ترسته كتب من الي اتحبهم من غير ماتدري ..
اتقربت جنبة
" بعدكم اسولفون مع بعض كصدقاء
صفن بوجهي
"اي اي ادري لا عبالك اني تايه بعالمكم وكلشي ما ادري ...ترة مكالمات ورد وياك فوق راسي كنت اسمعها .. بطلوها واتخذوا خطوة اجرئ لا انت صديقها انت اتريدها وهي اكثر ...
على طاري الحب ...ترة ورد ما تقرة لهذا الشاعر .. انطيته الكتاب وصار تيم بوجهي ..
رحت وعفت تيم بلسانه كلام ما انطيته مجال ..
..............
اسراء
الله يسعد سعيد بسعيدة .. اباوع لبرة من الصالة
لأن طلتها على الحديقه بس جام وبرادي مفتوحه
اشوفلك وئام تتمشى مع تيم ..
ونجح مخطط وسن من كالت لأختها اطلبي منه مساعده وحسسيه انه بس هو يكدر يساعد هو وبس وانج بحاجته وضعيفه و انثى ماعندج غير انوثتج.وبس هو الرجل الكفأ وخطتهن اتروح تطلب منه ازور مستشفى من غير ماتدري عود وسن لأن شاكه بنفسها مريضه مثل مرض امها مدري صدك مدري جذب عود امها اصابت بشابها بالمرض الخبيث اللهم اكفنا شره وسوت نفسها اشوفه شهم وراح يكدر يساعدها من غير مايعرف ايسر واختها ..
وشفتها طلعت وياه ...وعمتي احتركت حرك بيومها دخلت لغرفة وسن اتعدواصف و وسن كامت تبجي و عمي شاف دموعها و ما رضى على مرته .. وصاحها للغرفة .. اعتقد صار خلاف بين عمي ومرته بسبب وسن لأن طلعت من الغرفة وجها ما يتفسر اتريد تبجي وراحت لناهد ....
........
زهراء ...
كنت كاعدة اكتب وادون احاسيسي و آلمي بالاوراق ..
