#لمة_بنات
●من كتابات زهراء العراقية ●
7
نورة
صفنت بوجهة ياربي شنو اسراء مفتنة يمة مع هذا ما افضح نفسي ابسرعة فكلت بحدة
:- ليش ؟
تيم:- ماكو بس ... يعني محد ..... يعني محد مخبرك يعني قصة حقيقة وانتي سردتيها او من الواقع يعني هيج شي قصدي
:- احم لا من خيالي المطلق ..
تيم:- اها جيد جيد !!!
:- تيم ليش تسأل ؟؟
تيم:- لا هيج انسي ...
بس خطك جدا جميل وحتى اسمك مكتوب ب..
بلعمت وقاطتعه بخوف
:- اشبيه اسمي ؟؟؟؟؟
:- كأنه مخطوط بخط خطاط
كنت شابكه ادية ببعض وابتسمت من مدح خطي ...
اضطريت اخطه مثل خط الخطاط. حتى لا يقارن خطي العادي بخط زهراء ..
تركني واكفه وغرق بالقراءة عجيبة ماكنت اظن واحد قضى عمرة بالملاكمة والعنف و العمل الجاد بشركة احد رجال الاعمال الخليج يهتم لهيج اشياء لا وبعد نساني واكفة امامه!
،عفته ودخلت لجوة . شفت ذياب كاعد بالهول من الشباك ابتسمت وكلت بلكت هذا حاط عينه عليها ويفكني منها خل الوف من ممر المطبخ حتى لا اخرب عليهم الجو . رحت يم خالتي كعدت، دك عليه رقم غريب فتحت خط واني ساكته اريده يحجي وجان يجيني صوت مروة
مروة:- ولج نورة الووو اني مروش ثول دحجي
اني:- هلا بالرفيجه المشغولة لج اشلونج
مروة:- تمام حبيبي هذا رقمي الجديد ماما اشترت الي تلفووون باااركيلي
حطيت ايدي على حلكي وكلت :-كككلوش
صلواات امج واخيرا فتحت كيسها
:- عيب ترة ماما مو بخيلة غير تخاف علينا بس من شافتني كد الثقة انطتني هدية لج امي فد فرحانه بيه وين ما اتروح بتي راح تدخل طب هههههه ما مصدكه
:اكلج ماتجين اني ببيت اسراء
صاحت مروة :-ماما نورة اتكول تعاي خطيه دتبجي عليه
كلت :- ثول ذبيتيها براسي !
:-لج اش وافقت ماما حنجي اني وياها يلا بايكوا خلص رصيدي
:- ام افليس ههههه باي
..................
أسراء
كنت بالهول اقلب بالقنوات ومحد بالبيت من الولد غير تيم وذياب وابويه نايم بغرفته
وامي بالمطبخ ..
اجاني ذياب و كعد على شمالي ما أعرته اهمية
:- اسراء كملت ديوانك
باوعت اله هذا عن شنو يتكلم ؟؟؟
:- يا ديوان هذا ؟؟؟؟
:- يا هذا
وحط امام اعيوني سجل ورد من خرب حظي نسيت سالفته اصلا !!
:- اها جيبه لعد
ردت اخذه منه
سحب ايده وكال
:- انت عندك احساس كلش قوي فد كلماتك مؤثرة .. بس كولي انت عندك حبيب بعيد
كالها وابتسم واني اتنرفزت وكتله
:- نعمممممم ؟؟؟؟؟؟
:- هههههه اشبيج راح اكتليني غير انت كله اشعارك يا بعيد عني ويا بعيد
كلت بكلبي خرب هاي ورد اضاهر كاتبته من كان خالد مسافر
تنهدت وكتله
:شوف يا ذياب حبل الكذب قصير لا اني كاتبه هذا ولا اعرف شي بالشعر
كلته وابد ما مهتمه بشنو راح ينظرلي ما يهمني
باوعلي بستغراب وضيق نظرة علية وكال
:-اهااا
لعد ليش كلتي الي ؟؟؟
