#لمة__بنات
● من كتابات #زهراء_العراقية ●
الجزء 2
أسراء
اجمل ايام العمر هي اول طلعه النا انحس نفسنا معلقين بأطراف ثوب الطفولة و لابسين من فوك روح الشباب و نشاطة؛؛ كنا مثل الشعلات المضيئة ؛ اي شي يخطر ببالنا نجربة وما نحسب حساب العواقب نعيش كل لحظة بلحظة بيومها مروة اول وحده طلعت من الدوري وشردت يم خالتي حتى لا تعمل الشرط . بقينا اني ونورة نصارع من اجل الفوز طبعا كرة قدم مو عبالكم مصارعة تعادلنا وعلت الاصوات مع كل هدف نسجلة،؛؛؛ اني مشجعتي زهراء فقط ! اما نورة كل خواتها وياها حتى أية و رشا مع هذا ما فازت عليه صرنا نلعب جزائات واخذت الدوري وفزت وكمت اركص واغني :- وبحب الناس الرايقة
نورة انغلت غلي :- اااااااه خرب خرب
اني :- شنو الشرط ها وها
"- عادي ولا يهمني وهاي راح ابلش منا انزع منا من اوصل للحديقة
ضحكنا ضحك عليها كامت تمشي وتنزع ركضت وراها زينب اختها سحلتها ما خلتها تنزل كانت واصله للتيشيرت مالتها . ومرت هاي الايام كأنما سفينة عمرنا وكفت يم جزيرة الاحلام بسماها الصافية و بثمارها الناضجة وكانت من اجمل محطات العمر ؛؛ كل يوم نبات ببيت وحده بينا مو عبالكم بس اني لا كلنا حتى خواتنا رجعنا مثل قبل الأمتحانات نقضيها رقص وطربكه . ابصراحه كنا نورة واني و رشا واية و نيفين راقوصات درجه اولى هاي نورة اتقلد رقصات الاجانب وصاير جسمها يتمطى وتهز خصرها مثل السحر . ... بس زهراء والزينبات ورود خلاط ويرعش من يركصن زونبي ارحم منهم يركص ،
.........
نورة :- كنت بالبيت اسمع واشوف اهواي امور مو كل عائلتنا تعرفها عن بعض .. مثلا زيادة لسالفة حب زينب اختي مرة مثل عادتي ادخل من غير استأذان للغرف . دخلت على زينب شفت نعمان حاظنها وهي تبكي انسطرت ومارحت ابسرعه . كانو جالسين على الطرف الاخر من السرير و ضهرهم عليه ما حسوا بيه ؛سمعت
شهقات وهي اتكول اله :- تعبت حيل ما اتحمل بعد . وهي حاطة راسه على صدره ويسكت بيها
، ردت ادخل وأسأل اشبيها زوز حيل احبها يمكن اكثر من اختي زينب لأنها كانت احن علية منها ! . لكن خجلت وخاصه من الموقف ورحت . هاي اول مرة اعرف اخوية هيج حنين اوي عيني . رحت لغرفتي واني اتخيل المشهد . مراهقة ما عليه عتب .. بس ليش زينب تبجي ..يعني ليش هي اتكول تعبانه اكيد موضوع الحمل هاي الناس مزعجة واذا اتأخرت سنتين اوف ؛ عرفت هاي معاناته
ومرة كنت نايمه بالصالة الساعه ب 11 باليل على صوت اخويه فزيت شفته يسولف مع ماما
امي :- ليش اتأخرت عثمان والله اقلق عليكم من تتأخرون .
:- اخذتنا السوالف يمة انت ليش اشغلين بالج نامي وارتاحي .
:- شسوي ما اكدر اضل اتخيل صابكم مكروه
ضحك وكال :- نعمان شو ما تنتظريه بس اني .
:- هههه ولك هذا مرته تنتظرة اني شكو بعد سلمته الها ؛ ويوم الي الك واسلمك لمرتك
:- هههههههه امين
:- صدك عثمان ترة اني عروستك ضامتها الك.
:- يمة شضمين واني بعدني اخذ مصروفي منكم
:- قابل اني كلت هسة ولك انت بس اتخرج
:- الله كريم اني ضامها لنفسي يمه ارتاحي اكو وحده ببالي ..
:- شنو ؟؟
ولك اني اريد الك روشاية
اشبيك عكدت حاجبك لا يكون ماعاجبتك ؟
:- شنو ؟ يمه رشا مثل اختي
:- يا .....
عرفت اني امي اتريد اتريح اختها من همها خنب مالكت غير هاي المغرورة ..
طبعا مسوية نفسي نايمه حتى استمع الهم
امي:- شوف الك وحده من بنات خواتي لغيرهن انت ماتطلع .. عدنا كومه بنات وتاخذ غريبة
ضحك عثمان ومسح على راس امي بخفة كان واكف يريد يروح ينام وكال
:- لا تخافين ما اطلع ...
هو كال هيج واني طفرت من مكاني من راح على امي
:- ماما يا ترى منو هاي
امي اخترعت من فزيت هيج عليها وكعدت على يدة القنفة دفعتني وكالت
:-غضب الله انت عليه ولج خرعتيني ..
ما اجوزين من سوالفج روحي نامي ...
رحت واني أسأل منو هاي من ضحك عثمان يعني وحده من بنات خالاتي لان ما ضاج من كلام ماما ممممم اشتغل محقق كونان الي بداخلي ترى حاط عينه على اختها اية بس رشا احلى اشعجب . زين منو مممم بس لا شهد يبووو . اخاف زهراء . يا هاي اكبر منه وعكرة مم منو منو عااا اسراء ههههههه لو مروة ما بقن غيرهن اصلا عثمان دوم يكول اريد وحده خريجة مثلي وذني الي بعدهن يدرسن ويناسبن عمره ... لوتي رشا اخته زين اذا مروة هي اختها يعني مثل اخته يبووو بس لا اسراء هههههه الله يكون بعونك اذا صدك ..
