#لمة_بنات
●من كتابات زهراء العراقية ●
9
نورة
كلشي ما كال بس عافني وراح لبيت عمي اني ابكي بحرقة مفرطة وكان جزء مني انقلع وفعلا اهم صفة بية سقطت الصدق ..
رحت لغرفتي وشافتني ورد
:- اشبيج نورة ليش تبجين هيج ؟؟؟؟
ما جاوبتها وروحي انعصرت عصر
.................... . .
عن لسان خالد هذي الحادثة يكول طلعنا للكهوة بعد حفل الخطوبة هو و عثمان وذياب بس
دوم اكو شخص يضوج من عثمان وهو من المنطقة هم ، لا ذاك يسلم على عثمان ولا عثمان يسلم علية .. اني تعودت على المنطقة وعلى ناسها كأن هذا البلد عشت بيه من اول ما نولدت على الألفة الي حسيتها ...
كنا نلعب طاولي والشباب ناصبين علية لان دخلت عش الزوجية برجلية ...
دخل هذا المدعوا كاظم او كويظم الي يبغض عثمان . الغريب اجه ناحيتنا وسلم علينا ردينا السلام احنه وكاعدين ..
بس ما راح باوع لعثمان وكال لصديقه
:- لم خواتك ولك سويلم دايحات بابو نواس لك ضايع
عثمان طلعت روحه اهنا لان يحجي ويباوع عليه
عثمان:- لك دون شنو تقصد
كاظم :- مو كلنا سويلم لو هو الي بعبة طلي يمعمع
سويلم واحد مخربط على البركه وماعنده خوات اصلا وهذا دا يبسمر بعثمان الي وكف اله
واحنه نهدي بيه
كويظم :- اي الك الحجي لو بس بالكهاوي تتمرجل بيك خير لم خواتك
اتخبل عثمان وهد على كويظم
كويظم : دتعال اخو الزقجة بيك خير لمها للزقجه واكتل صاحبها وصارت عركة من عركة احنه عددنا قليل بس ثلاثة وهو جماعته وعثمان من اضارب ويه كظومي احنه بالبداية حاولنا نفكاك لكن جماعته استلمونا !!!
...............................
زينب
كنت امشط شعري توني غاسلته وطالعه من الحمام تدرون مكياج وعود سويت تسريحه تالي ضليت بالحجاب . شفت نعمان وكف خلفي كان لابس فانيلة حربيه وبنطرون حربي نص مو كامل وحاط ايد بجيبه وايد يلعب بسكسوكته ومنتكأ على الحايط.كان يباوع لغرابه الي من المراية .
:- زينب
: شنو ؟
:- شبيج هليام ؟؟ وجهج ليش ثكيل عليه ؟
ابتسمت بغضب وكتلة :- مابيه قابل انت سويت الي شي حتى اثكل عليك
برطم بفمه وكال :- ما اعرف كل ما اتقرب منج تبتعدين ؟
:- نعمان
:- نفس نعمان
بلعت ريقب ونظرتله من المراية
:- اريد طفل
:- تعالي لحظني اسويلج احلى طفل
واجه حط ايديه على متني يفرك بيه
:- احجي صدك نعمان اريد طفل
:- شنو بيدنا خليها على الله
كلت بنفرزة
:- والنعم بالله نعمان بس لازم انراجع
:- شوفيلج طبيبه تفتهم وروحي
ابعدت ايده عني وكلت
:- حللت اكثر من مرة ما بيه شي
دارني عليه وكال وهو يباوع بوجهي
:- والمطلوب
:- روح انت نعمان حلل
سد حلكي وكال :- هشششش
وراد يطلع
:- وين رايح نعمان
" لا تفتحين هذا الموضوع مرة ثانية زينب والا اشوفين شنو يجرة
:-نعمان اني تعبت من كلام الناس روح شوف نفسك حتى اخلص
ضل صافن واعيونه تجدح غضب
اني نفسي ما ادري كيف لساني طاوعني وكلت هيج كنت كابته زعلي منه بداخلي ..
:- انت عقلج وين يعني كل همج يطلع السبب بيه؟؟؟؟؟؟ .
رجع وكف يمي وكال :- ما طايق اشوفج مع الاسف والله ..
التفت وراد يطلع سمعنا صوت عبود يصيح
:- عمووو . نعمان عثمان انكتل نعماااان
