#لمة_بنات
●من كتابات زهراء العراقية ●
3
مروة
امي كالت الي خل انروح نسلم عيب وهم اربي ذني طايحات الحظ اشلون يغافلني ويطلعن من غير اذني تقصد رشا و أية
لبست جبة اسلامية فوك ملابسي مال البيت وعدلت شالي ورحنا .. دخلنا اني وامي اني كنت خلف امي على اي شخص اسلم هي اسلم اني وراهه ؛؛ولد عمي ابو تيم سلام جماعي عابر بس ع البنات خاص ... شفت نظرات امي النارية على خواتي اشلون لابخات وجهن رادت تحركهن بالاخص رشا طالعه اجنن فوك ما هي جميلة حظي كعدني يمها طلعتني كسر . همست اسراء بأذني وانتبهت هاي هم كاعده بصفي
اسراء :- ولج مروش شوفي العضلات اشلون متكبرة ..
ابتسمت عرفت قصدها .. رفعت عيني بخجل وشفته اشلون نافخ نفسة وجالس يسولف بصوت خافت مع نعمان يطلع هو من عمر نعمان .. هو هذا الملاكم الي خبصوني بيه صح وسيم بس اكيد ما يتخير عن اخوانه او نعمان و عثمان ليش خبصونه بيه ... انتبهت على ناهد كانت اسولف مع عثمان .. مادري ليش ما ارتاحيت الها . كانت محجبة بس نص شعرها المصبوغ احمر ناري طالع ....
صارت لمة حلوة بعد الفراق . امي رادت اتروح حتى الاخوان يرتاحون مع بعض وخاصة هي خايفه على بناتها يكلك ولد عمي راح ياكلونا ..
اصلا ولا رفعوا نظرهم علينا وهذا تيم الي خبصتنا بيه نورة يا يابة اشكد حسيته متكبر وانفة يحجي بالقوة شنو الكلام بفلوس والله لو من نعمان ولا احجي وياه واعبرة .. خالتي ايمان رفضت نطلع قبل لا نتغده وياهم وشاركنا البنات باعداد الغداء
........
ورد :- سروش اشوكت تجي زهوري من الدوام ليش راحت جان ضلت حتى اتشوف عمي فشلة
نبزت نورة وكالت
:- على اساس همه ميزوا بينا اف اشكثرنا حتى ابو عضلات ما باوع بوجهنا لا يدوووخ
تغدينا وكنا نموت ضحك وخاصه سروش و انوير كاعدات وناصبات على الشاب .. شافنه كيف ما اكل دولمة و دخل على البانية بشراهه اضاهر حبها اذا خالتي ايمان تطبخ بنفس طيب اكو واحد يكدر يكول لا . بس الدولمة زينب سوتها وطلعت منتبها ما اكل منها حقدت عليه هههههه اقصد زينب اخت نعمان مو مرته ...
كعدوا الرجال بالاستقبال واحنه بالهول هوسة و ضجة
اهنا صاح عمي ابو نورة
:- يا ابنيات جاي بعد جاي
اهنا صارت المعجزه من نورة طفرت وكالت وهي ملهوفة لأمها :- ماما اني اصب الهم دور ثاني ..
شكل خالتي ايمان صار مثل شكل عبلة كامل بمسلسل ريا وسكينة من تصفن . ما مصدكه هاي بتها !!!
...................
نورة
دخلت شفته ماهو" عااا وينه هذا عشقي تيومي
اخذت استكاين الشاي الفارغه وطلعت .. صبيت دور ثاني ...
:- دخلت للاستقبال بس الصينية والله ثكيلة ترة متت وايدي ترعش؛ شفته جاي جالس يم عثمان اضاهر كان يغسل من فديت هاي العضلات فدي فدي فدي
سرحت بيه وبجماله بغباء ،سحر حضورة خلة رجليناتي وخطواتي تهفوا اله واتروحلة لا أراديا
حطيت الصينية كباله هو واخيرا رفع راسه ااااااي رفع راسه وصارت عينة الحادة النظر والجامده بعيوني الولهانه اااااافييييش بس كان بعيونه الاستغراب وجان اخترعت على صوت ابوية خرق الي مسامعي
:- ولج بابا غير عمج الكبير تبدين
هم فشلة وهم رزالة وهم الكل انتبه وهم كدام تيم يعني حجم الاحراج بذيج اللحظه يموت
والي زودهم عليه من نطق المحبوب بجمود
:- ما اشرب شاي مرتين
اني كال هيج لو متت اي متت العرق صار يكت ليكلك البخ عماله حديت اسناني ساحبه بيهم شفتي السفله بلعت الفشلة ورفعت ضهري بعد ما كنت محنيه عليه اريد اروح لعمي خلاص ما اشوف عمي اعيوني زغللن وجان تكمل وياي واعمل عملة تقضي على مستقبلي الانوثي الرائد .....
يمكن هاي شارة اسراء بيه اهتز من الخجل وتسقط الصينية كلها مني توكع كدام الولد من خرب حظي عاط بيه عثمان
:-هسه ما لكيتوا غير هاي الفاهية ..
كبت العيطه الشاي كله وكع على الارض وصوت التكسر مال استكاين امي وصللها صوت انذار سقوط بغداد مو كزاز اوي ..
بس اني مدري احتار بالموقف لو اخاف من الي اجتي تركض لو اشعر بالذنب احد الولد طفر عليه شاي جواه وابو عضلات هم كأنه ما متأذي بس توسخ بنطرونه
ابوي :-خو ما ياذيك روح غسل عمي
ذياب :- لا لا
خطيه باوعلي وضحك واني واكفه صنم وحاطه اديه على حلكي .. وامي دخلت انصعقت على المنظر الطقم غالي واثري مال عرسها ما اطلعه غير بالمناسبات والعزايم الفخمة
الشي الحلو ماكدرت تنطق ولكم ايمان سكتت افتشلت من عمامي وكالت
:-زينب جيبي المكرافة وتعاي لمي الكزاز لا احد يتأذى انوب باوعت للزولية خرب عدمتها عدام المهم طلعت وشردت .....
شفت الزينبات يتراكضن يطمن عملتي ... ضليت بالغرفة الوب واني اذكر صوته وكيف فشلني عاااا
............
أسراء
فرحت بداخلي الله الي رده الها هههههههه حان وقت انروح لبيتنا خرب ورحنا كلمن لبيته وبقو بيت عمي ابو تيم ببيت عمي كبير العيلة ابو نعمان ..
