#لمة_بنات
●من كتابات زهراء العراقية ●
5
مروة ...
عرفت بتيم اجه وكمت ارجف ما اعرف اكمل لبس لو البس ملابسي لو اختل لو شنو اسوي اروح منا واجي منا بالغرفة ... شفت يدة الباب اتحركت ...
..............
زهراء
وكفت خلفة وصحت
:- تيم اوكف
رخى ايدة عن الباب وباوع الي مستغرب اني اصلا ما اوجه اله كلام اثنينا ما نستطلف بعض
كال بصوت هادئ :- نعم
باوعت لمحت ذني المصايب خلفي واكفات خلف المحجر ويباوعن ويظمن راسهن لا تيم يلكفهن
كنت الهف من صعدت الدرج ركض اصلا اني بيه علة بعدين افصح عنها مو انوب اركض واني توني جاية من الدوام ..
:- وين داخل !!!!!
رفع حاجبة المتين الأسود وكال
:-نعم !!!
اني :- احم
بلعت ريقي واني عاقده حاجبي حكيت جبيني وكلت اله
:- اريدك بموضوع
باوعلي وعقد اديه على صدرة
: ما اعتقد بينا مواضيع
ورجع لزم يدة الباب
اني اهنا عصبت ودي ادفعه او اضربه او اي شي اوصل بي اله غضبي ..
لكن اتجاهلت اعصابي الثايرة وكلت بغيض
: تعال لازم تسمعني لو سحمت
رفع راسه وهو يباوع للباب كأنه تنهد وما صغى الي وراد يدخل
زهراء :- لا تفتح
صحت حيل خليته يلتفت الي بوجه غاضب
:- شنو تردين ..
:- نتحدث بس جوة مو اهنا
:- اللهم طولك يا روح
مشى من يمي وراتاحيت ونزلت خلفه وسمعت صوت رجلين تهرول اكيد ذني المجنونات دا يراقبني
....
مروة
اول ما نزلوا طلعت من الغرفه واني لابسه ثوبي فوك ملابس تيم من التوتر وركضت والثول صابني مادخلت لغرفة زهراء لا نزلت لجوة لغرفة خالتي
نورة :- امريوة ماااا لكفووج
اسراء ماتتت من الضحك هي وشهد
نورة :- اوف شخلصنا من زهراء هاي حقنه ولئيمه
مروة :- اي والله ما سمعتنهم اشلون يحجون معلك سوة ..
....
نورة -
طلعت من الغرفة ورحت اصنت عليهم همه بالهول
جانت كاعده متوترة وتحك بجبينها
تيم :- شكو زهراء
زهراء:- اني اني اريد اااايي اكولك شي احم اريد
اريد بس يعني اشلون اشرح الك
وبدت تحك بأذنها من خلف شالها وتعدل بنظاراتها وتيم ينتظرها تنطق شي مفهوم
زهراء:- اني بس ردت يعني ....
بغضرسة وبرود
تيم :- اذا كنت تردين تعتذرين فاني اصلا ما منتظر منك اعتذار ومو بالي .
وكف ابسرعه وكام من يمها واني ركضت للغرفه وقفلتها قفل اليوم قتلي بالنعال على يد زهراء
راح صعد وزهراء كاعده بمكانها
........
زهراء
هذا شنو يظن اني ليش اعتذر منه ..
منو يظن نفسه هذا المزعج
..
نورة
دكت الباب علينا زهراء
:- افتحن افتحن
نورة : اوعدينا ما اسوين النا شي
زهراء:- افتحي ما اسوي
اني:- وعد
زهراء:- وعد
فتحت الباب اشويه اشويه ودخلت زهراء بعد مادفعتها واتباوع الي اتريد تخنكني وفعلا نزعت نظاراتها ولزمتني معطتني اتمعط اجيبني منا واتردني منا صرت مثل خرخاشه الطفل
كلت كوة واني انعصر :- مو وعدتيني
صكت على اسنونها كانت متحولة شريره وكالت
:- وعد نسوان عيني مالي كلمه اني ودفعتني و لزمت مروة وعضتها لعل هذا يخف من غيضها
