#لمة_بنات
من غير تدقيق أملائي
الجزء 13 و 14
على السحور
زينب من كعدت لكيت نعمان ماكو .. سبحت ونزلت لكيت البنات ملتهيات باعداد السحور ريحة البيض ولا طقتها ...
خالة كالت :- زنوبة يا هلا برجعتج لمطبخج روحي هدري الجاي ...
وكفت يم زينب حماتي ع الطباخ ..ريحة البيض كلش زفرة لزمت معدتي وعفت القوري يغلي ورحت لسطل النفاية يم السنك ذبيت الاول والتالي .. الفطور لهسه ما مهظوم بمعدتي طلعته كله
نيفين :- زنوب ياا فد نوب انت شنو مستبرده بهالبرد
ورد :- خطية كافي راح ازوعين معدتي
خالة رجعت دخلت للمطبخ وبيدها برطمان العسل
كالت :- ياا زنوبه لعبت روحج لو شنو
وكفت يم السنك وغسلت .. كتلها
:- البيض ريحته مدا اطيقها حروح خاله اعذريني
خالة :- يعني من البيض توها لعبت نفسج
:' اي
كلتها وكشولت اريد اهج من المطبخ خالتي وكفت بطريقي
:- صارلها اشكد غايبه ؟؟؟؟
صفنت عليها اني صدك ناسيه ذيج الشغلة ابد ما اجت ع عبالي حتى تيهت الحساب
:- ما اعرف والله بس هي يمكن جزة موعدها
ضحكت خاله وكالت مبشر بخير همزين عندج اعراض حمل لو اضل ع احسابج اتوه علينا السالفه .. العصر اخذج نحلل الج
فرحت حيل شجيب العصر ياااربي ...
طلعت بالهول شفت ست الحسن ناهد كاعده واعيونها مورمه و زينه تقرة قرأن و امهن هم تقرة ..
عفتهن وكمت لغرفة البنات ..
دخلت شفت زهراء غافية .. كانت نايمه على بطنها وايدها جواها والمخده على راسها فتحت الضوة وكعدت فوك راسها ...
كمت اكركش بيها اتوخر بيدي هي ونايمة .
زهكتها كالت بنعاس
:- ما اريد اسمم
لزكت اكركش
:- دقيقه وحده بس
:- ههههههه ثول زهراء شسوين بهاي الدقيقه كومي الغفي بعدين يدكج الجوع
عدلت نفسها على ضهرها وتفرك بعيونها
زهراء:- انوب فاتحه الضوة يمعوده ما صارلي ساعه من نمت
اااخخ راسي
اني :- انت لو اتنامين من وكت لو اجريها فد جرة لان هيج مكدرين تاكلين...
:- مادري نمت على روحي .. اكلج شنو مسوين سحور
:- بيض و كبة تمن و بورك و خير الله
:- اريد جبن اني لو بيذنجان
:' الكبر شي ما يشبه شي جبن وبيتنجان اشجاب لجاب
:- احم منورة البيت عودك
:- اي اي منورة اكيد اني بس تعالي اشرحي الي شنو علي واشبيه نعمان اجاني مثل الثور
لمت زهراء كفشتها واثاوبت
:- جذبت عليه كلت على اساس علي يتودد الج وهذا رجلج اتخبل وراح جابج بكفشتج بعد شتردين خليته بنفسه يروح يجيبج
كرصتها وكلت :- ولج زين ما كتلني
:- اااخ
حكت مكان الكرصه وكالت :- لا سوي خير شر ما يجيك فوك ما خليتها ترجع .. بعدين تعاي لهنا اشو الرجال ما اعتقد مد ايده عليج لا عيني
شفته طلع من الحمام واني داخله انام وغمزت الها
ضربتها بخفة وكفشت شعرها حليته
:- ولي ما جنت محضرة نفسي يعني الوحده لازم تعمل تلحيظات
:- امممم اروح اكل والله يرزقني بواحد كيكة مثل نعومي
