ضمن فقرة قصص للتسلية
بناء على طلبكم اعادة نشر الجزء الثاني
من غير تصحيح أملائي جميع الفصول ما صححتها لهذا تغاضوا عن الأخطاء
مختصر الجزء الاول من قصة #لمة_بنات
بنات خالات متجاورات بالسكن تجمعهن صداقه عميقة
أبهاتهم متزوجون من خوات لهذا هنه بنات عمام والخالات في نفس الوقت
الخالة ايمان عندها من الاولاد " نعمان و زينب و ورد و عثمان و التؤام بروين و نيفين و اخر العنقود نورة
نورة و ورد الي متمركزة الاحداث عليهن من هاي العائلة
الخالة ام زهراء " بناتها زهراء و شهد واسراء و ولد صغير عبود
زهراء واسراء متمركزة عليهن الاحداث من هاي العائلة
الخالة ام زينب " عدها سبع بنات المذكورات في القصة زينب و مروة و رشا و اية فقط
احداث الجزء الاول وهي كانت عبارة عن بنات من عوائل متيسرة الحال يقضن اجمل ايام العمر في بيوت متجاورة
حياتهم عادية وروتينية بعض الشي ..لكن فجأ تتغير من يرجع عمهم من السفر بزيارة صيفية الهم هو وعائلته والي يصير هو " تيم الابن البكر للعم تتعلق فيه المراهقة نورة بينما هو في اعماقه حب قديم لبنت خالتها زهراء .....!!!
ورد تنخطب لأبن عمها خالد ويحاول بكل الطرق اخذها معه للخارج في عمان
ناهد تعجب بأبن عمها نعمان وتحاول اخذه لجانبها وتفتعل مشاكل لزينب زوجته؛؛ لكن تنتهي هذه المشاكل لأن حب نعمان لزينب اكبر من ان تخربه دخيلة
اما زينة البنت المقعده الطيوبة تساعد اخوتها في علاقاتهم العاطفية
ذياب يعجب بأسراء ويتزوجها وبأتفاق مسبق معها ان تم الزواج تسافر معه وفعلا تم وسافرت وياه
اما ايسر يحاول اخوه تيم يقنعه يتزوج شهد
وهو زير نساء ما تفرق عنده شي اذا ازوجها ودخل براسه تيم اذا راد يزوج .. يزوج عراقية افضل اله
اما زينب بنت ايمان بعد ما يخذلها زميلها في الدراسة وما رضى يتقدم الها بعد قصة حب دامت خمس سنوات اتقدم الها شخص من معارف امها المعاونه والام موافقه وبس ازكي بي لأن تعرفه من عائلة طيبة وصاحب اخلاق وجاهز للزواج لكن زينب تنصدم من اشوفه ...شكله ابد ما عجبها وتأجلت سالفتها بعد عرس ورد لكن ايمان اعطت موافقة مبدئية للناس
ومروة يردونها لعثمان
...
الفصل الاول
وصلنا بيه من تيم حبس زينه بالاستقبال وشبعها كتل
مروة :-
بعد التوسلات قبلت امي اروح لبيت خاله امونة وحدي لفت على فرعهم و وصلت لبيتهم ..اااه اني ليش كوة امشي واحس الناس اتباوع الي وكأني بس اني بنية دا امشي ؟؟ يمكن هذا بسبب الحماية الي دوم تمشي وياي من اطلع ..
دكيت الباب . فتحته بروين وهي تضحك
اني:- صباح الخيرات
بروين :- صباحك فل تعاي تعاي ولج ناهد حصلت كتلة معدلة !!!
اني :- هاا شنو ؟؟؟؟؟؟
دخلت وصار كبالي تيم وجهه ما يتفسر وطلع من البيت
واسمع صوت وحده تبكي بالاستقبال ..
رحت للمطبخ ورة بروين شفت الزينبات كاعدات ونعمان واكف يحجي على زينب
:- اني حسابي وياج بعدين
خله وطلع من شافني
اني :- السلام عليكم
ردن السلام بذهن شارد
بروين :- هههههاااي حصلت كتلة من التمام
زينب اختي :- اووف شو كلبي وجعني اني شنو سويت غير تلزمني من شفتني عصبية
بروين روحي صيحي زهراء
بروين :- زهراء راحت لبيتهم و كانت تبكي اكلج شنو سالفه الاشاعه مال ناهد ؟؟؟؟؟؟
زينب بغضب :- انتي كلتيها اشاعه مالها صحة خوش .....
