#لمة_بنات
●من كتابات زهراء العراقية ●
6
نورة
رجعنا بذاك اليوم تعبانات واني رجعت لبيتنا ما رحت مع اسراء ..
......
الساعة ب 8 بالليل ..
اسراء :- كنت مع شهد نحضر العشا مع امنا . عفت الزلاطه على نص ورحت صعدت لفوك . بلعت ريقي وضليت متراجعة . اهنا انفتحت الباب بوجهي قبل لا اروح جمدت بمكاني وصفنت بوجه ذياب البشوش
حس بخجلي وكال
:- اشبيج يمعوده هيج اني حلوة و وسيم شدهتك
طنكرت ملامحي وكتله :- يا يا جمال هذا .. اني بس اريد . ا اريد احجي مع تيم
كلتها بتوتر
:- هنياله عم تيم
تيم تيم يردوك الجماعة ياحظك
وعافني ونزل ذياب . اشكد مزعج ليش يضحك هذا ؟
طلع الي تيم و اديه بجيوب سرواله الصحرولي وفانيله سوده ربع بارزة عضلاته
اسمرت واني كبالة ياربي هذا عنده كارزما غريبه ليش يخلي الواحد يلصم ومايعرف يحجي نضراته احسه ثاقبة للي بداخلي
تيم:- خير اسراء ؟؟
اني:- ها ها بس بس ردت اشكرك
اشو هذا ابتسم بعذوبة اوووويلي على ابتسامته تاخذك للمحيط الهادي برزانتها
تيم:- على شنو .؟؟؟
اني :- احم
حكيت ذقني واني حانية راسي وكلت :- على الي سويته لليوم تعبناك.وهم اعتذر نيابة عن اختي على اسلوبها وياك ..
تيم :- كولي يا .......يا .........عفوا شنو اسمك
حك بين حواجبه محاول يستذكر اسمي
باوعتله بتعجب وعتاب
هو حس وكال :- ترة اتيه بينكم يمكن بس نورة اميزها بينكم
خرب عود هو يريد يبرر لاصها اكثر اختنكت من تصريحه بس ست نورة يميزها طبعا اذا هي مثل البهلاوان بسبب لطلطتها عليه
كلت بجفاء:- اسراء اسمي واختي الي جبت جنطتها زهراء واختي الثالثه شهد .. احنه بس ثلاثه وعدنا اخ اسمه عبود ..
:- اي اسراء اني مامتظر منك او من غيرك لا شكر ولا اعتذار
باوع لتلفونه ودخل واني ضليت مثل البومة واكفه لا كال عن اذنج لا شي كانه طردني بنهي الحوار بهاي الطريقه لا والله هو مو صوج صوجي اني تستاهل اسلوب زهراء وياك .
نزلت واني بس الوم بنفسي وربي ضربت نفسب راشدي على غبائي وانوب اكو شي داخل الانسان ما اعرف شنو صوت ضمير لو شيطان يكعد يذكرك ويلومك على تصرفاتك فوك ماانت مغثوث يغثك بالزايد دا انزل واني شارده البال انوب درجنا البايات عاليات وماحس غير نفسي اسقلبت اريد اسيطر لزمت المحجر اهنا كنت مثل المسطحة على ضهري ورجليه مفترقات وايد لازمه بيها حدايد المحجر والثانيه ردت انهض نفسي بيها اهنا اني احس ضهري وخصري اتكسرن .. وما اشوفلك غير ذياب كبالي منطاح حظي .. ابسرعه لميت رجليه وحاولت اكوم
الولد ابسرعه صعدلي
ذياب" سلامات سلامات يمعوده اشوكعج
:- اي ضهري ااااخ
اتقرب اني مدري اشبيني من الوجع كتله كومني ماكدر انهض . وهو هم مد ايده ولزمته حيل ودا اريد اكوم
مرت امي من يم الدرج وشافتنا
:- اشجاي اسون
اني يكلك مسويه عمله انتبهت على ايد ذياب وهديتها
ذياب :- عمة بس ردت اساعدها خطية وكعت
امي غسلت شراعي كدام الولد وطلعت فضايحي كالت اله هاي اذا ما يمر اسبوع وما تتشقلب بالدرج ما ترتاح وحتى بالشارع دومها مفشلتنا اهنا كمت كعدت بالهول وضايجه من الموقف .
