#لمة_بنات
●من كتابات زهراء العراقية ●
11
زينب مرت نعمان
بيومها اني ما طلعت من غرفتي كنت مرهقة فكريا ما اكدر اشوف دجاجة الماي ابد جابتلي زينب حماتي العشا لغرفتي خالتي كايله الها لا تنزل تاكل بغرفتها اووف صاروا يعاملوني كاني مريضه نفسيا ...
................................
نورة
بالمطبخ ضليت اطحر اشلون اتلوك ناهد لامي وتتقرب منها وهي كالت لامي خطية زينب بلا عشة خل نعزل الها والله ضايجة عليها خالة ما اعرف ليش خالة ببالها بيني وبين نعمان شي وهو مثل تيم واعز كولي الها وفهميها خالة واذا اتريد اعتذر منها
طريقة كلامها وتحايلها جنني امي كالت
:- لا اتخلين ببالج يمة هي زنوبة على نياتها وطيبة انت هم لا تتقربين لنعمان هيج افضل
:- تأمرين خالة
من خلصنا عشا ردت اروح لتيم بعدين كلت اشو هو هليام ما يسأل عليه ولا يخابر خل اثكل اشوية مو دوم لازكه اله
.....................
ورد
بالليل
كنت العب بشعري ومطروحه على سريري وأجاني اتصال من خويلد يمة حبيبي اهتز كلبي ويه الرنة من فديته ..
:- الو حبيبي
همست بثاني كلمة واني اشوف نورة اتحوس بنومها
:- يا عمر حبيبج . مشتاقلج بكد رحمة ربج
:- تشتاقلك الجنة
:- افندم هو هذا الرد
:- هههههه اقصد معنى ثاني واكيد وصلك
:- دكولي بمكان هاي الجريده عتيتي كلبي
:- هههه اخاف خواتي الصغار يسمعن
................
بروين
احنا كلنا نايمات سوة بالغرفة تدرون انتم بعد لان الغرف وحده لامي وحده لعثمان ووحده لنعمان شفتوا الانصاف بالله نعمان مزوج الا عثمان عيني بغرفة وحده واحنه خمسة بنات بغرفة وامي حاطة النا اسرة طابقين حتى لا نحس بنات خالتي ام زهراء افضل منا . اني جوة انام وتؤامي نيفين فوكاي
ورد اتنام فوك نوره ههههه على اساس نورة فوك بس هاي بس تتكلب واتهز بالسرير نعلت ليلة ورد بيومها واتبادلن اما زينب عدها سرير صغير خاص بيها ومكتب ابصفه كلنا بيه ابصراحه .. وعدنا كنتور كبير طابقين من تحت مجرات لكتبنا وغراضنا من اكسسورات وهيج امور وفوك الابواب هو ست ابواب عراض كل وحده الها خانة بس ما تكفي لهذا عدنا بالممر حاطة امي كنتور ابو ثلاث ابواب لملابس الدوام مالتنا بس كنا نعاني من شي وهو اخت اسمها نورة كلنا منظمات وحتى من انريد نستعير شي ناخذ اذن من بعض الا نورة اوف اضلين ادورين على ساعتج قرن وبعدين تطلع بيد الست نورة حتى ملابس داخليه تاخذ عادي عدها وخانتها دوم مقلوبه رأسا على عقب وزينب اختنا دوم اتعدلها الها وهاي تجي اتخربط اتكول ارتاح نفسيا من اشوفهم هوسه ومخربطات من يسفطن يصيرن اشويه .. !!! مبدا غريب والاغرب الصبح تفرش باي فرشه اشوفها كبالها وتاكل وهي فاتحه الثلاجه وامي اتعيط عليها وتدخل بحذائه للبيت وتزعجنا ؛؛؛
المهم بالليل من كانت اتخابر ورد.وتلعب بخصلات شعرها كنا احنه حاطين ضوة التبلام اخضر لان الست نورة اتحبه ويكلك مزار كنا كاعدات ونلعب بخصل شعرنا اييي محد نايمه وردود ورد لخالد عيشتنا بعالم وردي ومدري ليش من يتغزلون ببعض من يمنا تنشق أبتساماتنا بس زينب اشو طلعت من الغرفة ..
ورد :- اوف اختي طلعت كاعده وطلعت خطيه اني ازعجتهم بصوتي خلودي حروح
كالتها بمياعه كلمة حروح
:- لج اي روحي للسطح ابسرعه عندي كلمة الج
:- يا هههه يلا حكوم
كامت وودنا نكوم وراها .
طلعت للسطح .
....................................
ورد
طلعت اول ما فتحت الباب شفته كبالي
:- هلا بالورد كله
خجلت وكلت :- اشجابك اهنا
باوع للحايط وضحك خرب طافرلي من بين عمي
:- ههههههههه بالله واحد شافك هههههههعه
