ကမ်းနံဘေးမှခဏထွက်သွားသော Lucas ကို ကမ်းခြေတွင် Jungwoo ထိုင်စောင့်နေသည်။
ဒူးနှစ်ဖက်ကိုရင်ထဲထည့်ပိုက်ကာ လှိုင်းလုံးများကို ကြည့်နေသည်။
နေရောင်စူးစူးက တစ်ကိုယ်လုံးကို ပူလောင်စေသည်။
အုန်းရွက်ဖြင့်လုပ်ထားသော အရိပ်ထဲဝင်ထိုင်ကာ တိုက်လာသော လေက်ို ကြံ့ကြံ့ခံလိုက်သည်။
သို့သော်လည်း ဆံပင်များ ပြင်မရအောင် ဝေ့ဝဲသွားသည်။
ခဏကြာတော့မှ အနားရောက်လာသော Lucas ကို ကြည့်ကာ ထိုင်ရန်လက်ပြလိုက်သည်။
Jungwoo ဘေးတွင် ဝင်ထိုင်ပြီး နေရောင်ဟပ်နေသော ပါးလေးကို နမ်းလိုက်သည်။
"Lucas မင်းဘယ်လိုဖြစ်နေတာလဲ.. ဒီမှာ လူတွေအများကြီး ရှိတယ်.."
ပြုံးကာကြည့်၍ ဆံပင်များကို ဖွလိုက်သည်။
လက်ထဲမှ ခရုခွံများကို Jungwoo ဆီ ပေးလိုက်သည်။
Jungwoo လက်ဖြန့်ကာ ယူလိုက်ပြီး ပြုံးလိုက်သည်။
"မင်း ဒါတွေ သွားကောက်တာလား.."
"ဟုတ်တယ်..မင်းအတွက်..."
"ငါနဲ့ အတူကောက်လည်း ရရဲ့သားနဲ့.."
ဆူပုတ်ကာပြောနေသော Jungwoo မှာ အတူတူခရုကောက်ချင်နေခဲ့သည် ထင်သည်။
လှိုင်းလုံးများဝေ့တက်လာသည်ကို ကြည့်ရင်း Jungwoo လက်ကို ကိုင်လိုက်သည်။
Jungwoo နားမလည်ဟန်ဖြင့် ကြည့်လိုက်စဉ် ပင်လယ်ဆီသို့ လက်ဆွဲခေါ်ကာ ပြေးသွားနေပြီ ဖြစ်သည်။
ပင်လယ်ထဲသို့ ထိုးဆင်းကာ ကူးခတ်တော့သည်။
ပျော်ပျော်နေတတ်သော Lucas မှာယခုပင်လယ်ထဲတွင်တော့ ရှိသမျှ အကြွေးများကို မေ့ထားပြီးဖြစ်သည်။
အနားမှ ချစ်ရသူ Jungwoo ဆိုသည့်ကောင်လေးနှင့် အတူထိုပင်လယ်ထဲ ပျော်ရွှင်စွာ ကူးခတ်ချင်သော စိတ်ပင်ရှိသည်။
"ပျော်လား Jungwoo.."
"Omm..."
Jungwoo ကိုပျော်အောင် လုပ်ပေးနိုင်သည်ကိုပင် ပျော်နေမိသည်။
