ပိတ်ရက်တွင် အိမ်မှာ အေးဆေးနေကာ Game ဆော့နေသော Lucas. တစ်ဒုန်းဒုန်းထုနေသော တံခါးမှ ဆူညံသံများကို နားကြပ်ဖြင့် ကာကွယ်ကာ ဥပေက္ခာ ပြုထားသည်။
လာသမျှ အကြွေးရှင်များအော်ခေါ်နေသော အသံများသည် TV မှ Game သံထက်ပင် ကျယ်လောင်နေသည်။ သို့သော်လည်း Lucas မဖြုံ။ Volume ကိုအကျယ်ဆုံးထားကာ နားကြပ်တပ်၍ ဆော့လက်စ Game ကို ထိုအကြွေးရှင်များကြောင့် အရှုံးမခံပေ။
Game ထဲစိတ်နှစ်ထားသော Lucas မှာ ဖုန်းလာနေသည်ကိုပင် မကြားနိုင်တော့ပဲ တောက်တစ်ခေါက်ခေါက်နှင့် အလုပ်ရှုပ်နေတော့သည်။
နောက်ဆုံးနိုင်သွားပြီ ဆိုမှ သက်ပြင်းတစ်ချက် မှုတ်ထုတ်ကာ နားကြပ်ကို ဖြုတ်လိုက်သည်။
"Wong YuKhei!!!"
နားကြပ်ဖြုတ်လိုက်သည်နှင့် စတင်ကြားရသော အသံမှာ အကြွေးရှင် အဒေါ်ကြီး၏ စွာကျယ်စွာကျယ် အသံပင်ဖြစ်သည်။
မပြန်သေးပါလား.....
Lucas စိတ်ညစ်လက်ညစ်ဖြင့် နားကြပ်ကိုပြန်တပ်ကာ ဖုန်းကိုဖွင့်လိုက်သည်။
ခေါ်ထားသော Jungwoo ဆီမှ Missed Call ကိုတွေ့မှ ပြာပြာသလဲ ထရပ်ကာ နားကြပ်ကို ကုတင်ပေါ်လွှတ်ချရသည်။
အဆက်မပြတ်ခေါ်နေသော အပြင်မှ အကြွေးရှင်အဒေါ်ကြီးကို ဘယ်လိုဖြတ်ကျော်၍ ထွက်ရမည်မသိ။
Jungwoo ဆီကိုတော့ ပေးထားသည့်ကတိအတိုင်းရောက်အောင် သွားမှဖြစ်မည်။
ကျောင်းပိတ်ရက်များမတိုင်ခင် စာမေးပွဲနောက်ဆုံးနေ့တွင် Jungwoo ဆီမှ အဖြေကို ရရှ်ိပြီးသော Lucas သည် ဒီနေ့ သူနဲ့အတူ အပြင်သွားကြမည်ဟု ပေးထားသော ကတိအားမေ့နေခဲ့သည်။
Lucas ဘာလုပ်ရမှန်းမသ်ိ ခဏတာပြာသွားသည်။
နောက်မှ Jungwoo ဆီဖုန်းပြန်ခေါ်ကာ "Jungwoo sorry ပါကွာ... ငါ.. ငါ့အဒေါ်ဆေးရုံတင်ရလို့ လိုက်သွားရတာ အဲ့ဒါကြောင့်မင်းဖုန်းခေါ်တာမသိလိုက်တာ.. ငါအခုလာခဲ့မယ်နော် Jungwoo မင်းအိမ်မှာပဲမလား.."
"တော်ပါပြီ ငါမင်းဆီပဲလာခဲ့မယ်လေ.. ဘယ်ဆေးရုံမှာလဲ.."
အကောင်းတိုင်းရှိနေသော အဒေါ်ကိုပင် ဆွဲထည့်ကာ ဆေးရုံပို့လိုက်သော Lucas မှာတော့ အခုအခက်တွေ့တော့မည်။
