سوء تفاهم

الفصل الأول

رويدا:يا بنتى قومى بقى متجننيش معاكى
ريماس:استنى شويه
رويدا:يا ريماس حرااام عليكي انتى كل سنه ع القرف دة طب انتى دلوقتى وصلتى كليه اعتمدى على نفسك بقى
ريماس:يوووووه .. عايزة ايه .. ايه يا رودى
رويدا:عيزاكى تقومى يا حبيبتى و تفوقى كدا عشان الساعه 8 و حضرتك عندك محاضره الساعه 10 و انهارده اول يوم
ريماس:حاضر قايمه اهو
رويدا:اتفضلى
" ريماس بنوته جميله اووى و رقيقه و قلبها ضعيف جدا و كسلانه بعض الشئ عندها 19 سنه و اليوم اول يوم ليها في كليه التجارة .. رويدا اخت ريماس الكبيره و جميله زيها لكن متحملة المسؤليه عندها 21 سنه في الفرقة الثالثة من كلية التربيه .. والدهم و والدهم متوفين من وقت ما كانت ريماس في اعدادى و مالهمش غير بعض ، و بيحبوا بعض جدااا و ريماس بتعتبر رويدا في مكانة أمها و مش بتخبي عنها اي حاجه لكن اوقات بتخاف منها في حجات  " ....
قامت ريماس تلبس كانت رويدا جهزت الفطار .. خلصت ريماس لبس و فطرت مع رويدا و نزلوا علي كليتهم " جامعة القاهرة " ....
دخلت ريماس كليتها و كانت لوحدها و بدأت تستكشف المكان و تتفرج على الناس .. و رويدا وصلت ، و اول ما دخلت شافت شخص وقفت قدامه و أتكلمت ....
رويدا:مااجد اززيك
ماجد:الحمدلله يا ستى
رويدا:ايه مالك
ماجد:ماليش كويس خالص
رويدا:في ايه بجد
ماجد:هو مش المفروض اننا اصحاب من اول ما رجلينا خطت باب الجامعه دى
رويدا:طبعا
ماجد:اومال مش بتسالى ليه ولا بتعبري حد فى الاجازة و موبايلك غير متاح
رويدا:استنى بس افهمك
ماجد:اتفضلى
رويدا:اولا موبايلى اتسرق فجبت موبايل تانى و كل الارقام راحت من عليه فمعرفتش اكلمك و بردو بالطبع انى غيرت الخط عشان كدا انت بتلاقي الموبايل غير متاح عشان اللى اخده رما الخط هتقولى و النت هقولك و الله كنت مشغوله جدا و بنزل الشغل و بروح انام من التعب و مش بلحق افتح نت خااالص ولا كنت عامله نت على الفون و ..
ماجد بضحك:خلاص خلاص خلاص ايييه إذاعة رويتر انا غلطان انى سألت
ضحكت رويدا و ردت ....
رويدا:اديك جربت اوعى بقى تسالنى ع حاجه تانى
ماجد:لا خلاص توبه
رويدا بضحك:المهم بقى قولى انت عامل ايه؟
ماجد:انا تمام الحمدلله انتى ايه اخبارك
رويدا:اهو الحمدلله .. هى المحاضره امتى ؟
ماجد:كمان نص ساعه
رويدا:تمااام
ماجد:احكيلى بقى عملتى ايه في الاجازة
رويدا:تعالى نقعد في الكافتيرا النص ساعه دى و نحكى ع كل حاجه
ماجد:يالا
" ماجد شاب جميل جدا و محترم و عاقل عنده 22 سنه في مع رويدا في نفس الفرقة و الكلية ، من محافظه تانيه غير القاهرة بس مقيم في القاهرة عشان الجامعه .. عنده اخ  واحد و اخت اكبر منه و متجوزة ، الصديق المقرب لروايدا تقريبا ماعندهاش صحاب غيره من أول سنة في الجامعة " ....
راحوا قعدوا في الكافتيريا يتكلموا و بعد نص ساعه ، انتبه ماجد للوقت و أتكلم ....
ماجد:يالا نطلع بقى
رويدا:يالا
طلعوا و خلصوا اول محاضره و نزلوا يتكلموا تحت .. و ريماس حضرت اول محاضره بردو و نزلت قعدت لوحدها فتحت الفيس بوك و فضلت تقلب في الجروبات و دخلت جروب فيه اختها رويدا و ناس كتير تعرفهم لقت بوست من البوستات المعتاده .. " مين هنا بدال الزهق دة نتكلم شويه " دخلت ردت بتلقائية ....
ريماس:انا اهو
رد محمد صابر " صاحب البوست " ....
- منورة
ريماس:دة نورك
محمد:ازيك
ريماس:الحمدلله و انت
محمد:تمام
ريماس:يدوم
محمد:ميرسي
عبرت ريماس ب smile و سكتت ، فأتكلم محمد ....
محمد:ممكن طلب ريماس
ريماس:اتفضل
محمد:ممكن نتكلم خاص .. بدال الكلام على البوست كدة
ريماس:مممممم اووك بس من غير اضافه
محمد:تمام مفيش مشكله
سكت محمد و بعت لها مسدج على الخاص ....
محمد:اسمك ريماس الحقيقي
ردت ريماس ....
ريماس:ايوا .. معلش ممكن تمسح البوست بس عشان في ناس اعرفها هنا
محمد:اوك انتى تؤمرى
ريماس:ميرسي اووى
دخل محمد مسح البوست و رجع كلمها تانى ....
محمد:مسحته خلاص
ريماس:شكرا بجد
محمد:العفو مافيش حاجه
عبرت تاني ب smile لأنها مش لاقية حاجه تقولها .. فحاول يفتح محمد موضوع جديد ....
محمد:ممكن اتعرف بيكي
ريماس:اها .. انا ريماس 19سنه اولى تجارة جامعه القاهرة عندى اخت واحده و بابا و ماما متوفين و انت ؟
محمد:ربنا يرحمهم .. انا محمد 22 سنه 3 علوم جامعه دمنهور
ريماس:اهلا بيك .. معندكش اخوات
محمد:عندى 2
ريماس:ربنا يخليهوملك
محمد:يارب و يخليلك اختك و يخليكى
ريماس:ميرسي  
محمد:منين بقى من القاهرة
ريماس:...
           .....................................
- انا مش فاهم حاجه
رويدا:مش فاهم ايه يا هشام
هشام:يعنى فين ريماس دلوقتى فين اختك دى
رويدا:موجوده
هشام:انا اعرفك بقالى كتير و مسمعتش عنها ابدا
رويدا:هقولك
هشام:قولى
           ....................................
خلص اليوم و روحت ريماس و بعدها روحت رويدا .. و لما شافت ريماس أتكلمت ....
رويدا:جيتى امتى
ريماس:من ساعه كدا
رويدا:اوك .. اكلتى ؟
ريماس: لسه
رويدا:خلاص هغير هدومى و احضر الاكل عشان نتغدى
ريماس:اووك .. و انا هقعد على النت شويه
رويدا:ماشي
دخلت رويدا تغير هدومها و تحضر الغدا .. و دخلت ريماس اوضتها و فتحت الفيس لقت محمد باعت لها مسدج ....
محمد:قفلتى ولا ايه ؟
ريماس:سورى يا محمد كان عندى محاضرة و بعدها روحت لسه وصله البيت من شويه
محمد:ولا يهمك ..حمدالله على السلامه
ريماس:الله يسلمك
محمد:ينفع ابعت ادد و تقبليه عشان نبقى اصحاب
ريماس:مممممم
محمد:لو مش موافقه عادى بس ياريت توافقي دى مجرد صداقه و لو ضايقتك اعملى بلوك
ريماس:مممم اوك ابعت
محمد:اوووك .. بعت اقبلى
ريماس:حاضر
أستمروا في الكلام لحد ما رويدا حضرت الاكل .. قامت ريماس اتغدت معاها و رجعت تانى تكمل قاعده على النت ، و رويدا كلمت ماجد على النت شويه و نامت و بعدها نامت ريماس ....
و جه تانى يوم الصبح ....

#بسمه_ممدوح