وقفت رويدا مصدومة أول ما وصلوا ، و أتكلمت بإستغراب ....
رويدا:أيييه ده !
ماجد:أنتى شايفة أيه
رويدا:مكتب مأذون شرعى
ماجد:طيب الحمدلله .. يالا بينا بقى
رويدا:هتعمل أيه يا مجنووون
ماجد:هتجوزك
رويدا:نعم ! ازاااى ؟
ماجد:هو أيه اللى إزاى .. هطلع أقول للمأذون عايزين نتجوز .. هيشوفلنا أتنين شهود و نكتب الكتاب و تبقى ملكى و في حمايتى يا كل حياتى
رويدا بتفكير:ازااااى دى تبقى مصيبة
ماجد:رويدا حبيبتى أنتى دلوقتى أهلك متوفين ، انا هتجوزك عشان احميكي من الدنيا و تبقى ملكى و مراتى قدام ربنا
رويدا:و عمى ! دة يقتلنى
ماجد:مش هنقول له ، انا هتجوزك عشان أحط أهلى قدام الأمر الواقع و بعد ما نخلص السنة دي هيجوا غصب عنهم يطلبوا لى أيدك من عمك
رويدا:لا انا خايفة
ماجد:ماتخافيش ، لو بتحبينى ماتخافيش
سكتت رويدا و بصت في الأرض بتفكير ، و ماجد كمل كلامه ....
ماجد:يالا بقى مش عايزين نضيع وقت انا بحبك أوووي بجد
رويدا بقلق:ماشي .. بس لو حصل أى حاجة أنت المسؤل
ماجد:طبعاااا أومال هتجوزك عشان مابقاش راجل معاكى ولا أيه !
رويدا:لا ماقصدش
ماجد:طيب يالا
رويدا:يالا
طلعوا للمأذون .. و أول ما وصلوا ماجد أتكلم ....
ماجد:السلام عليكم يا شيخنا
المأذون:و عليكم السلام أتفضلوا
ماجد:شكراً
المأذون:عايزين تحجزوا مش كدة ؟
ماجد:لا عايزين نكتب الكتاب دلوقتى
المأذون:إزاى يا أبني ؟ لوحدكم !
ماجد:اها عادى
المأذون: من ورا أهاليكم ؟
ماجد:لا ، أهالينا الله يرحمهم ، إحنا مالناش حد و مش هنستنى أكتر من كدة
المأذون:متأكد يا أبني ؟؟
ماجد:اها طبعاً
المأذون:موافقة يا بنتى ؟
رويدا:اها
المازون:خلاص اللى تشوفوه اتفضلوا
قعد ماجد و قصاده رويدا و كتبوا الكتاب ، و اتفقوا مع المأذون على ميعاد إستلام القسيمة و مشيوا ، و أول ما طلعوا من المكتب رويدا صرخت بضحك أول ما ماجد شالها ....
رويدا:يا مجنوووون نزلنى
ماجد:لا خلاص انتى بقيتى مراتى
رويدا:مش في الشارع عشان خاطرى يا ماجد بقى
نزلها ماجد و ضحك و أتكلم ....
ماجد:صعوبتى عليا اتفضلى .. يلا بينا بقى
رويدا:على فين ؟
ماجد:هوريكى شقتى
رويدا بإندفاع:لاااااااااا انا متأخرة و ريماس هتشك .. فكك منى خالص
ماجد:لا و الله
رويدا:اها و الله .. و هات من الأخر هتروحنى ولا أروح انا
ماجد:لا يا أختى هروحك ، اتفضلى قدامى
رويدا: يا أختى ! ههههههههه مسخرة و أنت متعصب
ماجد:أمشي ابت و انتى ساكتة
رويدا:حاضر حاضر
ماجد:أبو شكلك
بصوا لبعض هما الأتنين و ضحكوا ، و أتكلموا في صوت واحد ....
_ بحبك
..........................................
هشام:و اتجوزتيه !!
رويدا:للأسف
هشام:و ليه عملتى كده؟
رويدا:ظروفي كدة
هشام:أتصدمت
رويدا:كدة مش هقدر أكمل
هشام:لالا أنتى لازم تكملى
رويدا:نظرتك ليا أتغيرت
هشام:لا مش للدرجه .. بس ياريت تكملى
رويدا:حاضر هكمل .. و ربنا يستر
هشام:.....
........................................
روح ماجد رويدا لحد البيت و مشي .. طلعت رويدا و فتحت الباب و دخلت و بدأت تمشي بهدوء و بصت على أوضه ريماس لقيتها نايمة .. أخدت نفسها و أتكلمت بصوت واطي ....
رويدا:اوووف الحمدلله .. الواحد حاسس أنه عامل مصيبه
سكتت و دخلت اوضتها غيرت هدومها و نامت و صحيت تانى يوم الصبح و راحت علي أوضه ريماس ....
رويدا:سيموووو يا سيمووو .. بت يا سيمووو
فتحت ريماس عنيها و أتكلمت بإستغراب و ضحك ....
ريماس:الللللله أيييه يا بت الحنية اللى على الصبح دى
رويدا:أيه بلاش
ريماس:لا طبعاً ياريت تبقي كده على طول
رويدا:طب يالا بقى قومى عشان نفطر سوا
ريماس:حاااضر روحى يالا حضرى الفطار و انا قايمة أهو
رويدا:من عووونيااا
ريماس:يا سلام يا سلام اموووت و أعرف أيه اللى حصلك
ضحكت رويدا و أتكلمت بسرحان ....
رويدا:اصلي حلمت حلم حلو أوووي فا قايمة مبسوطة بقى و كده
ريماس:هيييح ، و الله .. و حلم أيه ده بقى
رويدا:حلم عااادى مش فاكراه بس كل اللى فاكراه انه حلو
ريماس:ممممم بقت كده ماشي ماشي
رويدا بضحك:يالا يا بت قومى لحد ما أحضر الفطار
ريماس:حاااضر
مشيت رويدا و راحت تحضر الفطار و قامت ريماس و فاقت و قعدوا فطروا مع بعض و بعدها قعدوا يتفرجوا على فيلم مع بعض و بعد ما خلص كل واحدة فيهم دخلت على اوضتها كالعادة تقعد على النت ....
بعد شويه موبايل رويدا رن .. مسكته و ردت بسرعة أول ما شافت رقم ماجد ....
رويدا بفرحه: الو ، أيه يا ماجد
ماجد:وحشتينى يا قلب ماجد
رويدا:و أنت كمان يا روحى
ماجد:نفسي أشوفك بقى
رويدا:ما أنت شوفتني أمبارح
ماجد:لا أمبارح حاجه و النهارده حاجة
رويدا بهزار:كيف ده يا أبوي
ضحك ماجد جداً على كلامها و أتكلم ....
ماجد:عايز أشوفك بقى الله ، تعالى عشان خاطرى نقعد مع بعض
رويدا:لالا
ماجد بعصبية:بجد و الله !
رويدا بضحك:بهزر يا رمضان ما بتهزرش
ماجد:ههههههه ماشي بهزر .. يالا بقى هتيجي أمتى
رويدا:و الله بفكر ما أجيش
ماجد:اخلصي بقى
رويدا:طيب طيب هلبس و أجي .. بس هنتقابل فين
ماجد:تعالى عندى في الشقه نتكلم شويه و بعدين انزل افسحك
رويدا:ممممم بجد هتفسحنى و لا بتضحك عليا
ماجد:و الله هفسحك .. هو انا عمرى كدبت عليكي في حاجة ؟
رويدا:الصراحه لا
ماجد:يبقى هكدب المرة دي
رويدا بضحك:لا و الله
ماجد:ههههههه هبلة ، يالا يا بنتى أخلصي
رويدا:حاضر هعمل الغدا لريماس و البس و أجي
ماجد:و هي نوغه مثلاً !
رويدا:هههههه أختى بقى معلش
ماجد:طيب ماتتاخريش
رويدا:حاضر بالكتير ساعة و هنزل
ماجد:ماشي يالا سلام يا حبيبتى
رويدا:سلام يا روحى
دخلت رويدا المطبخ جهزت الغدا و راحت اوضتها لبست و طلعت الصاله و هي بتنادي على ريماس ....
رويدا:ريماااااس يا ريمااس
خرجت ريماس من اوضتها و هي بتتكلم ....
ريماس:أيه يا رودى
رويدا:بصي انا عملت الغدا هتلاقيه جاهز على البوتاجاز لو جوعتى كلى عشان انا نازله
ريماس:نازله رايحه فين ؟
رويدا:هشوف شغل كدة
ريماس:شغل أيه ، نازله تدورى على شغل !
رويدا:اها عشان إحنا في الأجازة و كفاية مصاريف الدراسة على عمك و فلوس أبوكي بتخلص مش هتقعد
ريماس:طيب ماشي ماتتاخريش بقى
رويدا:وقت ما أجي بقى يا ستى ماتقلقيش مش هتخطف
ريماس:ماشي أنتى حرة
رويدا:اووك يا موزتى يالا سلام
ريماس:سلام
نزلت رويدا و دخلت ريماس اوضتها تكمل قاعده على النت و شويه و محمد قفل النت و اتصل بيها ....
ريماس:الو
محمد:أيوه يا روحى ، وحشتيني
ريماس:و أنت كمان ، عامل أيه
محمد:الحمدلله يا حبيبي
ريماس:يارب دايماً
محمد:انا و انتى يارب
ريماس:يارب .. محمد انا نفسي أشوفك اووى
محمد:و انا كمان ، حلم حياتى أنى أشوفك
ريماس:طب و هو أحنا هنقعد نتمنى كدة و بس
محمد:لا طبعاً انا هاجى القاهرة في أقرب وقت إن شاء الله عشان أشوفك
ريماس:بجد يا محمد
محمد:اها و الله بجد
سكتت ريماس ثواني و محمد كمل ....
محمد:بحبك اووى يا رموستى
ريماس بكسوف:و انا كمان بقى
....................
وصلت رويدا عند بيت ماجد .. و أتصلت بيه ، رد بسرعة و أتكلم ....
ماجد:الو
رويدا:أيه يا ماجد
ماجد:أنتى فين
رويدا:انا تحت البيت بس ماعرفش أنت الدور الكام
ماجد:التالت يا حبيبتى
رويدا:أنهى شقة
ماجد:هى شقة واحدة مافيش غيرها
رويدا:اوك .. انا طالعة
ماجد:اوك سلام
رويدا:سلام
طلعت رويدا لشقة ماجد و أول ما وصلت ، وقفت مصدومة و ....
#بسمه_ممدوح
أنت تقرأ
سوء تفاهم
Romanceالروايه بقلمي ، تابعه لصفحه " روايات بسوم " عبر الفيس بوك ..... تحكي الروايه عن عواقب سوء الإدراك و التسرع .. و عن ما ممكن أن يحدث نتيجة سوء الظن الذي يلى سوء التفاهم دون إعطاء فرصة للفهم.. الروايه غامضة ، رومانسيه ، حزينة ، ينعمق بها الحب الصادق ،...
