سوء تفاهم

الفصل الثامن عشر

ريماس: محمممممد !!
عمر:مالك يا انسه في ايه بس ؟
ريماس:محمممد ازااى .. دة اسمه ماجد
عمر:لا محمد مكتوب عندى في بطاقته محمد صابر
ريماس:انا مش فاهمه حاجه خالص
ماجد:انا هفهمكوا كل حاجه
عمر:هتفهمنا ايه
ماجد:هحكى على كل حاجه و هقول ايه اللى وصلنى انى اقتل رويدا
ريماس:احكككككى
عمر:هاا اتفضل
محمد:انا من دمنهور و ليا اخ توأم اسمه ماجد
ريماس: .. !!
محمد:هو كان في تربيه جامعه القاهرة و انا كنت في علوم جامعه دمنهور اخويا كان بيحب بنت معاه في الجامعه اللى هي رويدا و انا اتعرفت على بنت على النت اللى هي ريماس من جروب في اخويا و اصحابه مش صدفه انها تطلع تعرفهم بس الغريب انها تطلع اخت البنت اللى بيحبها اخويا ولا انا اعرف ولا هى تعرف ولا اخويا يعرف .. اخويا اتجوز اختها في السر بس جواز رسمي عشان ابويا و امى مكنوش موافقين و ف مرة اتصلت بيه
.....................فلاش باك..................
ماجد:ايه احماده ازيك
محمد:بخير يا جوده وحشنى و الله
ماجد:و انت كمان و الله وحشنى اوى
محمد:مش ناوى تيجي بقى
ماجد:عند امك و ابوك ! لا مش ناوى
محمد:ليه بس ؟!
ماجد:ما انت عارف يا عم انى متخانق معاهم
محمد:طب بقولك ايه
ماجد:قول
محمد:انا بحب واحده من تجارة عندكوا في القاهرة و نفسي اقابلها و انا معرفش حاجه في القاهرة الا بيتك فهجيلك اشوفك و بالمرة تاخودنى و نروح لها
ماجد:تمام بس في حاجه عايزك تعرفها
محمد:ايه
ماجد:انا اتجوزت رويدا
محمد بصدمه:ازااى تعمل كدة !!
ماجد:كان لازم اعمل كدة و دى حياتى و محدش ليه فيها
محمد:اتجوزتها عرفى !
ماجد:لا طبعا رسمى
محمد:اهاا
ماجد:المهم خلينا في المهم
محمد:ايه قول
ماجد:انا هقولها تقول لاختها و كدة عشان تبقى عارفه و يوم ما انت تيجي و تقابل حبيبتك نتفسح كلنا مع بعض ايه رايك ؟
محمد:موافق
ماجد:طب بقولك ايه .. تعرف تنزلى بكره ؟
محمد:ماشي
ماجد:هتقول للبنت دي ايه ؟
محمد:لا انا مش هقولها غير لما اوصل عندك هستعبط و اعرف منها العنوان و نروح ناخدها من هناك عشان تبقى مفاجأه
ماجد:عادى كدة ؟
محمد:اها عادى
ماجد:اووك .. انا هقفل بقى عشان هنام و هستناك بكرا
محمد:اوك تصبح على خير
ماجد:و انت من اهلوا سلام
محمد:سلام
............................................
عمر:و البنت دي كانت ريماس دى
محمد:ايوه
عمر:طب و بعدين كمل
محمد:نزلتله تانى يوم و روحت قعدت في الشقه عنده لحد ما راح الكليه و اتفق مع مراته انها تقول لاختها و جالى و الساعه 5 نزلنا و كنا تحت بيت رويدا دى الساعه 6 الا 10 كدة في الحدود دى
عمر:ها و بعدين
......................فلاش باك..................
ماجد:انا طالع هتقعد هنا ولا هتيجى معايا
محمد:لا اطلع انت انا هكلم البت استفسر منها على العنوان عقبال ما انت تنزل
ماجد:يا عم اطلع معايا اعرفك علي رويدا و اختها
محمد:يا حول الله ياربي يا ماجد ما انت نازل و كدة كدة هشوفهم و هتعرف عليهم ولا هى شغلانه
ماجد:ماشي انا غلطان .. يالا سلام
محمد:متتاخرش بس
ماجد:مش هتاخر
محمد:سلام
........................................................
محمد:و طلع و انا فضلت قاعد و اتاخر حوالى ربع ساعه كدة او اكتر شويه و انا قاعد في العربيه كل شويه ابص على البيت
عمر:مممممم كمل
محمد:و فجأه و انا ببص على البيت لقيت بنتين بيجروا جري مش طبيعي و البواب بينده عليهم و هما مش بيردوا و في ناس في العمارة بتبص على حاجه معينه .. شكل باين ان في مصيبه
عمر:و حصل ايه ؟
محمد:انا نزلت من العربيه جريت نحيتهم لمحت واحده فيهم اللى هي ريماس اللى انا كنت حافظ شكل صورها اكتر من اسمى و استحاله اتوه عنها و كان هدوم البنت اللى معاها فيها دم اول حاجه عملتها اتصلت بالبوليس و قولتله الطريق اللى مشين فيه و قولتله اساميهم و جريت طلعت على العمارة شفت منظر فظيع
عمر:ايه !
محمد:باب الشقه مفتوح و اخويا مرمى قدامه جوا سايح في دمه و بيطلع في الروح و ناس كتير واقفه بتتفرج عليه
عمر:سكت ليه كمل ؟
محمد:هكمل اهو
......................فلاش باك....................
محمد:ايييييه .. انتوا ايييه اللى موقفكوا كدة هي فرررجه كل واحد يرووووح على مكااانه
واحد من الناس:احنا اسفين .. يالا يالا كل واحد على شقته .. و دخلوا كلهم و محمد دخل الشقه و قعد جنب ماجد و حضنه
محمد:ايه اللى عمل فيك كدة
ماجد بصوت مقطع:ريماس اخت رويدا
محمد:ريماس !! طب لييييه ليه عملت كدة
ماجد:مش عارف فضلت تقول كلام غريب و ضحكت علينا و لعبت بمشاعرنا و كداب و خاين لحد ما زقتها جت رويدا تمسكنى بزوقها لقيت ريماس ضربتنى بحاجه
محمد:طب اسكت خلاص متتكلمش ... و اتصل بالاسعاف و ادالهم العنوان و قفل
محمد:انا اتصلت بالاسعاف و هتيجي
ماجد:مفيش وقت خلاص .. المهم
محمد:المهم انك تسكت عشان متتعبش
ماجد:ملهوش لزوم .. خدلى طارى
محمد:طااار ! ازااى هما هيتعاقبوا بالقانون
ماجد:و احنا في عيلتنا ما بنتكلمش بالقانون
محمد:انا مش فاهم حاجه
ماجد:مش لازم المهم تجبلى حقي
محمد بعياط:ماجد متقولش كدة انت هتعيش و هتفضل معايا انت عارف انك نص روحى التانيه ده احنا اخوات و توأم مينفعش تسبنى و تروح لازم زى ما جينا مع بعض نموت مع بعض .. و حضن ماجد جامد
ماجد:دة قدر الحمدلله متنسانيش و ادعيلى .. اشهد ان لا إله الا الله و اشهد ان محمد رسول الله
محمد:ايه انساك دى انت هتعيش هتعييييش يا ماجد انت سكت لييييه مش بتتكلم ليه .. ليييه وقعت اديك رد عليا يا ماجد رد عليا، انت هتسبنى ليه لازم تاخدنى معاك زى مجبتنى معاك احنا جينا الدنيا سوا يا ماجد يا ماااااااججججججججججد
....................................................
عمر:و بعدين
محمد:جت الاسعاف اخدته و طلع مات فعلا و اللى اعرفه ان بعدها ريماس اتحبست و اخدت سنه واحدة
عمر:اها عرفت من بطاقتها
محمد:فضلت احوم حولين رويدا اختها و ابعتلها في رسايل تهديد بس مكنتش بعرف اوصلها عشان اخد حق اخويا و لما جه يوم فرحها انتهزت الفرصه انى اعرف اخد حق ماجد بس في الزحمه
عمر:ممممممممم طب و مقتلتش ريماس ليه ما هى اللى قتلته
محمد:لا هى موتت اخويا فكان لازم احسسها احساس ان اختها تروح منها
عمر:و والدك و والدتك عرفوا كل ده
محمد:اكيد و ابويا مات بعد موت اخويا بشهر مكنش قادر يصدق و خصوصا انه مات و هما زعلانين من بعض
عمر:ممممممم و والدتك اخبارها ايه
محمد:جالها جلطه بس حاليا بقت احسن بس السكر بقى معاها .. ربنا يشفيها
عمر:هو دة السبب اللى خلاك تموت رويدا بس
محمد:اها و مكنش ينفع اموت ريماس لانى حبيتها بجد و لحد دلوقتى بحبها و مقدرش اشوف فيها حاجه وحشه او انا اللى ائزيها بأيدي
ريماس: بتعيط
عمر:عندك كلام تانى عايز تقوله
محمد:لا انا حكيت كل حاجه
عمر:ماشي .. اكتب يا ابنى يحبس المتهم 15 يوم على زمه التحقيق
محمد: بص في الاوض و.سكت
عمر:خدوه على الحجز .. اتفضل يا محمد
محمد:ماشي .. و اخده العسكرى على الحجز
ريماس: بتعيط
اسلام: يا بنتى بتعيطي ليه ؟
ريماس بعياط:مش قادرة اصدق مش قااادرة
هاشم:خلاص يا ريماس اللى حصل حصل
ريماس:قتلته باديا ظلم ظلممممم و مكنش بيلعب بيها كان بيحبها بجد و محمد مكنش بيضحك عليا
حضنها عمها اسلام .....
هاشم:مفيش حاجه هترجع اللى راح يا ريماس
ريماس:دة كدة كله راح سوووء تفاااهم سووء تفااهم يا هاشم سووء تفاهم دمر كل حاااجه و لوث ادينا بالدم موووت واحد ظلم و اختى بتموت بسببي مش قادرة خلاص مش قادرة
هاشم:بالله عليكي تهدى عشان هنروح لرويدا دلوقتى مش هينفع تروحى كدة ابدا
ريماس و بتحاول تهدا: حاضر انا هاديا اهو
هاشم و بيمسح لها دموعها:كفايه الدموع دى و يالا بينا نروح لها
ريماس:يالا .. و مشيت مع اسلام و هاشم و طلعوا على المستشفى و اول ما وصلوا .....

#بسمة_ممدوح