سوء تفاهم

الفصل التاسع عشر

هناء:حمدالله ع سلامتكوا .. مالك يا بنتى مالك يا ريماس ؟
ريماس بنهنها:مفيش يا طنط .. انا عايزة اشوف رويدا .. هى فين ؟
هناء:هى عملت العمليه امبارح و طلعولها الرصاصه
ريماس:و هى فين دلوقتى ؟
هناء:في العنايه المركزه محطوطه على الاجهزة
ريماس بعياط:يعنى مش هينفع اشوفها
هناء:مش عارفه بس هو هشام عندها جوا هخليه يطلع و يدخلك من غير ما حد يحس
ريماس:ياريت
هناء:استنى
راحت هناء ندهت هشام و قالتله و طلعت اخدت ريماس و خلتها تدخل مكان هشام ... دخلت ريماس و هى منهارة من العياط و راحت قعدت جنب رويدا على الكرسي
ريماس بعياط:انا خايفه اووى يا رويدا .. انا خايفه بجد .. انتى لو جرالك حاجه انا هتبهدل من غيرك .. في حجات كتير حصلت يا رويدا مكنش لازم تحصل .. ياريت اللى راح يرجع تانى ياريت نقدر نغير اي حاجه حصلت .. قومى بقى نفسي اتكلم معاكي .. و حضنتها
دخل الدكتور
الدكتور:اييييه دة .. انتى دخلتى هنا ازااى و ازاى حضناها كدة
ريماس بخوف:انا اسفه و الله انا اسفه بس انا خايفه عليها
الدكتور:لا متخافيش انتى اللى بتعمليه ده هو اللى هيموتها
ريماس:لالالا بعد الشر عليها
الدكتور:طيب ما تخافيش هى يوم بالكتير و هتفوق ممكن بقى تطلعى دلوقتى
ريماس:حاضر حاضر
و فضلت ماشيه ريماس و هي بتبص على رويدا لحد ما خبطت في الباب .. فتحته و طلعت لقت هشام واقف بييص على رويدا من برا و قفت جنبه و فضلت تبص عليها ......
عدا يوم .. تانى يوم ..........
هشام:طالع يجرى من العنايه لانه بيكون قاعد مع رويدا على طول
منار:في ايه يا هشام بتجرى كدة لييه !
هشام:فاقت فاقت يا ريمااس فتحت عنيها و الله و قفلتها
ريماس:بجججد
هشام:اها و الله .. تعالى معايا
ريماس:جايه .. دخلوا هما الاتنين عند رويدا .. قعد هشام جنبها و مسك اديها
هشام:روودى حبيبتى ردى عليا
رويدا:بتفتح عنيها و تقفلها
ريماس:رويدا قومى بقى يالا عشان خاطرى
هشام:حبيبتى قومى .. يا رودى وحشتينى اوى
رويدا:بدأت تمسك ايد هشام جامد
رويدا بخطرفه:ماجد ماجد .. ماجد ما متش 
قام هشام وقف و ساب اديها ....
ريماس:مالك يا هشام
هشام:مفيش
ريماس:هى على فكرة مش بتقول ماجد يعنى وحشها ولا كدة انت مش فاهم .. هى مصدومه انه ما متش بس
هشام و الوان وشه متغيره 180 درجه:عارف عارف .. انا هطلع بس اجيب الدكتور
ريماس:ممممم بجد ؟
هشام:و الله
طلع هشام و قعدت ريماس جنب رويدا و فضلت رويدا تخرف شويه لحد ما جه الدكتور عطاها حقنه تفوقها و ربع ساعه و فاقت عادى و بعد ساعه نقلوها الغرفه و رويدا بدأت تتكلم عادى ......
ريماس:وحشتينى اوى
رويدا:ربنا يخليكى ليا
هشام مسك اديها و باسها:انا كنت هموت عليكي
رويدا:بعد الشر عليك يا هشام
هشام:الحمدلله انك بقيتي كويسه يا حبيبتى
رويدا:ربنا يخليك ليا يارب
هشام:و يخليكي ليا يا اغلى حاجه في حياتى
ريماس:الله الله الله .. نحن هنا يا عم انت و هى
هشام:ههههههههههه البت دى فصيله اووى .. عبو رخامتك يا شيخه
رويدا:ههههههه مش هتتغير
هشام:ههههههههههه مش مهم المهم انتى معايا يبقى ميهمكيش من حد تانى
رويدا:ايوة صح المهم اننا مع بعض
ريماس:اييه يا عم انت و هى و انا مليش لازمه يعنى ولا ايه
هشام:ايوة طبعا و دى عايزة كلام
ريماس:رخم اووووى
هشام:مش ارخم منك
ريماس:هههههههه ماشي ماشي .. يالا قوم بقى عشان عايزة احكى لرودى ع اللى حصل بقى
هشام بعصبيه:مش وقته سبيها ترتاح
رويدا:لالا انا عايزة اعرف
ريماس:اوعى بقى و بعدين ما انت كمان لازم تعرف معاها
هشام:طيب
هاشم:ايه ازاعه رويتر
ريماس:بالظبط
هاشم:طب اخلصي يا اختى
ريماس:ماشي
قعدت ريماس حكت لرويدا و هشام على كل اللى حصل و على كل حاجه قالها محمد .. و طبعا رويدا و هشام مصدومين جداااا ......
ريماس:دة كل اللى حصل
رويدا:انا مش قادرة اصدق انا مصدومه
هشام:و انا كمان
رويدا:و هو دلوقتى عمله معاه ايه ؟
ريماس:15 يوم على زمه التحقيق
رويدا:ممممم .. انا حاسه انى بحلم
ريماس:و انا كنت زيك بس لازم نستوعب بقى
رويدا:ربنا معانا
ريماس:انا عايزة اطلب منك طلب و نفسي توافقى
رويدا:ايه ؟
ريماس:انتى بقيتي كويسه و احنا اللى موتنا اخوه الاول .. تعالى نجيبله محامى و نتنازل عن القضيه عشان يطلع
رويدا:ممممممم
ريماس:بتفكرى في ايه مش محتاجه تفكير دة الحل الوحيد للتكفير عن ذنبنا
رويدا:اها
ريماس:انتى خايفه من هشام صح ؟
هشام:لا طبعا تخاف منى ليه .. على فكرة انا موافق حتى لو هى موافقتش انا هساعدك يا ريماس و هنخرجه
ريماس:بجد
هشام:اها و الله
رويدا:خلاص و انا كمان موافقه
ريماس:ينفع تروح دلوقتى يا هشام انت و هاشم بالله عليكي تشوفوا المحامى
هشام:عادى .. هتيجي معايا يا هاشم
هاشم:اها هاجى
هشام:طب يالا بينا
هاشم:يالا
ريماس:ابقى طمنا ها
هشام:حاضر .. يالا سلام
ريماس و رويدا:سلام
و نزل هشام و هاشم يشوفوا محامى .....

#بسمة_ممدوح