سوء تفاهم

الفصل الخامس

أول ما صحى .. مسك موبايله لقاه فاصل شحن حطه في الشاحن و فتحه لقى 13 مكالمة من رويدا قبل ما الموبايل يفصل و 98 ميسدكول و 7 رسايل ...
-انت مش بترد ليه ؟
-هو في حاجه ولا أيه !
-انا قلقت عليك كده على فكرة
-انت قفلت الفون ليه أنت بتهزر بقى كده يا ماجد
-انت مش عايز تكلمنى عشان بتتهرب صح
-خلاص براحتك مش عايزاك مش هتحايل على حد
-انت نهيت كل حاجه بطريقتك دى ، كنت صارحنى من غير الطريقة دى و على العموم شكراً أوى
أتصدم ماجد من الرسايل و أتكلم مع نفسه بصدمة ....
ماجد:أيه كل ده !! إيه الكلام ده !
سكت و أتصل برويدا بسرعه .. 8 مرات و مش بترد ، قفل و بعت لها رسالة ....
-رويدا ردى عليا ضرورى أنتى فهمتى غلط ، ماتظلمينيش انا عايز أتكلم معاكى انا مخنوق اووى .. و على فكرة انا جيت القاهرة .. لو كنت غالى عندك هتردى عليا و تكلمينى و الله انا بحبك ....
عند رويدا ....
قاعدة في اوضتها بتعيط سمعت صوت تنبيه الرسايل ، مسكت الموبايل و فتحتها و شافت كلام ماجد ....
ضحكت بدموع أول ما قرت الكلام .. و مسحت دموعها و قبل ما تتصل بماجد لقيته بيتصل .. ردت عليه بسرعه ....
رويدا:ايوه
ماجد:أيه يا رودى كل دة يا حبيبتى .. قلقتيني عليكي
رويدا:انا بردو اللى كل دة .. شوف مكلماتى و رسايلى و قفلت الفون و جالك منى كام ميسدكول
ماجد:شوفت كل ده و الله بس أنتي مش فاهمه حاجه
رويدا:فهمنى
ماجد:رودى انا في القاهرة ألبسي و تعالى في الكافيه اللى بنقعد فيه نتكلم
رويدا:نتكلم هنا
ماجد:لا معلش عايز أتكلم معاكى و أنتي قدامى
رويدا:مممم مااشي هلبس و نص ساعه و أكون عندك
ماجد:اوك و انا هظبط نفسي و أنزل على طول
رويدا:اوك سلام
ماجد:سلام
لبست رويدا و خلصت و راحت عند ريماس أوضتها .. ريماس أول ما حست بيها قفلت شات محمد علي طول و أتكلمت ....
ريماس:ايه يا رودى
رويدا:أيه بتعملى أيه ؟
ريماس:بكلم صحابي في الجامعة
رويدا:اوك .. بصي انا هنزل عندى مشوار مهم مع واحده صاحبتي و مش هتأخر
ريماس:هتروحى فين ؟
رويدا:هنجيب كتب و حاجات قولتلك مش هتأخر
ريماس:ماشي
رويدا:يالا باااي
ريماس:بااى
نزلت رويدا .. و ريماس فرحت جداً أنها نزلت عشان تعرف تتكلم مع محمد في الموبايل ....
وصلت رويدا الكافيه لقيت ماجد قاعد ، دخلت و راحت له .. و أول ما وصلت قدامه أتكلمت ....
رويدا:اتأخرت عليك
ماجد:لا أبداً يا حبيبتى .. أقعدي
قعدت رويدا و أتكلمت ....
رويدا:في أيه بقى !!! كنت فين و مش بترد ليه و قفلت موبايلك ليه ؟
ماجد:كل الحكاية أنى صحيت بدرى و كلمت بابا و ماما عشان كنت ناوى أول مكالمة منى ليكي تفرحك
رويدا:و بعدين
ماجد:ممممم
رويدا:ما تتكلم يا ماجد
ماجد:انا حاولت بكل الطرق و رفضوا و مروة أختى كلمتهم بابا شتمها و زعق لها و رفض و انا لميت حاجتي و اتخانقت معاهم و سيبت البيت و رجعت القاهرة و مش هرجع تانى عندهم ، روحت نمت بهدومى من الزعل و التعب و ماحستش بمكلماتك و أما صحيت لقيت الموبايل فاصل لأنى كنت سايبه 7% فتحته شوفت مكلماتك و رسايلك و كلمتك على طول
رويدا:بجد
ماجد:و الله العظيم هى دى كل الحقيقه
رويدا:طب هو ليه أهلك رفضونى أيه السبب ؟
ماجد:هما عشان أرياف و كده رافضين موضوع القاهرة .. عقليات ضيقه !
رويدا:طب و أنت ليه ماحاولتش معاهم ؟!
ماجد:أقسم بالله حاولت و هتصل لك باختى تكلمك و تقولك
سكت و مسك موبايله ، بس رويدا أتكلمت ....
رويدا:لالالالا ماتتصلش انا مصدقاك
ماجد:عشان تتأكدي بس 
رويدا:من غير ما أتأكد انا واثقه فيك و في كلامك كويس أوي
ماجد:رويدا طب انا دلوقتى بحبك و عايزك و مش هتجوز غيرك
رويدا:ولا انا ، مش هتجوز حد غيرك انا ماليش غيرك أصلاً
ماجد:بحبك يا رودى
رويدا:و انا كمان
ماجد:تعالى معايا
رويدا:على فين
ماجد:هقولك أما نوصل .. يالا بس
رويدا:ماشي ماشي
مسكت في أيديه و مشيوا على طول .. أخدوا نص ساعة في الطريق و نزلوا قصاد مكان أول مره تشوفه .. أول ما شافته أتكلمت بإستغراب ....
رويدا:أيه دة يا ماجد
ماجد:هيكون أيه .. تعالى بس
رويدا:طيب أعرف
ماجد:هتعرفي .. بس يالا
رويدا:حاضر
شد ماجد رويدا من أيديها و دخلوا الشارع و مشيوا لأخره و أول ما وصلوا ، وقفت رويدا مصدومة و ....

#بسمه_ممدوح