سوء تفاهم

الفصل الثامن

عدت عليهم أيام كتير و حالهم زى ما هو ، ريماس مرتبطه بمحمد و هتموت و تشوفه و رويدا كل يوم مع ماجد أو يوم و يوم عشان ريماس بدأت تشك فيها و حياتهم مش بتتغير على كدة .. مر شهر كامل و بدأت الدراسة و في يوم .....
ماجد:اتأخرتى ليه يا ستى
رويدا:عقبال ما صحيت الأستاذة ريماس و فطرنا و نزلنا و جيت
ماجد:انا بعد كدة مش هسيبك تيجي لوحدك هاجى اخدك ، مش كل ما تيجي لوحدك تتأخري
رويدا:في أيه يا ماجد ، أنت بتشك فيا ؟
ماجد بصدمة:أشك فيكي !! أنتي مجنوونة ؟ .. انا بس بخاف عليكي ، انا عمرى ما أشك فيكي ، انا بحبك أوووي و أنتي عارفة كدة كويس و بثق فيكي أوي
رويدا:طيب
مسك ماجد أيديها و بصلها و أتكلم بحُب ....
ماجد:خلاص بقى
بصت رويدا بعيد و ردت بزعل ....
رويدا:أوعى كدة
ماجد:قولت خلاص ، لو فضلتى مبوزة كده هشيلك قدام الناس
بصتله رويدا بصدمة .. ضحك ماجد جداً و أتكلم ....
ماجد:هههههههه أفردي وشك بقى
رويدا:ماشي
ماجد:ياا بت
رويدا:نننعم
ماجد:بحبك
رويدا:ثبتنى بقى
ماجد:لا مش بثبتك بس انا و الله بعشقك
رويدا بخجل:و انا بموت فيك 
ماجد:عايزك في موضوع بقى
رويدا:اتفضل
ماجد:عايز أقابل أختك و أتعرف عليها
رويدا بإستغراب:ليييه !
ماجد:عشان صراحتنا معاها و وجودها معانا هيفرق كتير
رويدا:في أيه ؟
ماجد:أولاً لو عمك موافقش مثلاً تقدر تساعدنا و أى مشكله تحصل كون أنها عارفه من الأول هيبقى حل المشكله أسهل
رويدا بتفكير:ممممم تفتكر !
ماجد:اها و الله
رويدا:خلاص ماشي اللى أنت عايزه
ماجد:طيب فهميها بقى النهارده و بكره هاجى اخدكوا و ننزل نتفسح أحنا التلاته
رويدا:اشمعنا !
ماجد:عشان تحب الوضع ده و لو مش عايزة أو هتغيري خلاص بلاش
رويدا بإندفاع:لا طبعاً عااايزة و بعدين هغير ليه دى أختى الصغيره ، أنت مجنون !
ماجد:ماحبتش أعمل حاجة هتضايقك
رويدا:لا مش هتضايقني طبعاً
ماجد:تماااام
رويدا:انا هفهمها النهارده .. انت بكره هتجيلنا أمتى ؟
ماجد: علي الساعة 6 كدة
رويدا:اشطاااا
ماجد:بقولك أيه بقى
رويدا:أيه
ماجد:ماليش مزاج أحضر محاضرات ماتيجي نروح
رويدا بتفكير:ماشي يالا
مشيوا و وصلوا عند بيت ماجد .. أول ما وصلوا وقفت رويدا و أتكلمت ....
رويدا:أيييه اللى جبنا هنا يا أستاذ
ماجد:الله ، مش ده بيتنا
رويدا:لا لحد ما الناس تعرف دة بيتك أنت و انا دلوقتي عايزة أروح بيتى
ماجد:أنتى هبلة يا بت !
رويدا:اها روحنى بقى
ماجد:الساعة لسة 11 ، ليكى عليا 6 تكونى ف البيت
رويدا:متأخر أوى كده يا ماجد معلش روحنى
ماجد:ما باقتيش تحبينى زى الأول !
رويدا بإندفاع:لا و الله بحبك أووى
ماجد:خلاص يبقى يالا أطلع معايا
سكتت رويدا و بصتله بتردد .. و هو أتكلم ....
ماجد:يالا
رويدا بتفكير:ماشي
أبتسم ماجد و مسك أيديها و طلعوا مع بعض ....
في البيت عند ريماس .....
بتتكلم ريماس مع محمد في الموبايل ....
محمد:مش بتردى ليه يا سوستى كل ده
ريماس:ماكنتش سامعه الموبايل كان في الشنطة
محمد:اهااا
ريماس:ماتزعلش بقى
محمد:مش زعلان يا حبيبتى .. وحشتينى
ريماس:و أنت كمان وحشتنى أوى
محمد:نفسي أشوفك أووى بقى
ريماس:و انا كمان .. أمتى بقاااا
محمد:قريب يا حبيبتى إن شاء الله
ريماس:ياااارريت 
محمد:...
عدا اليوم و ماجد روح رويدا البيت الساعه 6 زى ما قال و رجع البيت أكل و نام و اتغدت رويدا مع ريماس و ناموا ، و جه تانى يوم الصبح و أول ما صحوا ، راحت رويدا تكلم ريماس ....
رويدا:سيموو
ريماس:نعم
رويدا:عايزاكي في موضوع
ريماس:أيه ؟
رويدا:.....

#بسمه_ممدوح