موبايل رويدا بيرن، ردت على طول وأتكلمت:
رويدا:ايوة يا هشام
هشام:ايه يا روح قلب هشام
ضحكت رويدا بخجل، وهشام اتكلم تاني:
هشام:وحشتيني
رويدا:وانت كمان
هشام:عاملة ايه؟
اتبدلوا السلامات، والسؤال على حال بعض، وبعدها هشام اتكلم باهتمام:
هشام:بقول لك
رويدا بانتباه:نعم؟ قول
هشام:انا كلمت عمك من شويه واتفقت معاه اننا هنتقابل عندكوا النهار ده بليل عشان نحدد ميعاد الفرح
رويدا:بججد؟
قالتها رويدا بفرحة، فرد هشام:
هشام:اها والله
رويدا باندفاع:هتيجوا امتى؟
هشام:على الساعة ٧ كدة
رويدا:الحلق بقى اجهز نفسي
قالتها رويدا بمرح، فضحك هشام، واتكلم:
هشام:ماشي هسيبك بقى تجهزي نفسك
انتهت المكالمة بينهم، وقفلت رويدا موبايلها، وقالت لريماس، وجهزوا نفسهم والبيت والساعة ٦ وصل عمهم عندهم، والساعة ٧ الباب خبط.. اتكلمت رويدا وقتها بصوت عالي:
رويدا:يا بت انتي مش سامعه الباب بيخبط؟
ريماس:اعملك ايه يعنى؟
قالتها ريماس ببرود، فزعقت لها رويدها بضحك، وهي بتقول:
رويدا:هتعملى ايه يعنى!! روحى افتحي الباااب
ريماس:طييب اهووو .. مالها دى
ضحكت ريماس، وخرجت من الاوضة، وراحت تفتح الباب لقت عمها فتح ودخلهم.. دخلت تقعد معاهم، واتكلمت:
ريماس:السلام عليكم
هشام وهناء وسيد ردوا في صوت واحد:
-وعليكم السلام
ريماس:وانت ساكت ومش بترد ليه يعني إن شاء الله
قالتها لهاشم بضحك، فبصلها واتكلم بعدم فهم مصطنع:
هاشم:انا!
ريماس بضحك:ايوة انت اومال انا؟
هاشم:اهو كيفى كدة
ريماس:و الله
هاشم:اها وربنا
ضحكوا كلهم على اللي بيحصل، وبعدها قعدت ريماس.
.............
في اوضه رويدا.. بتتكلم رويدا مع نفسها بغيظ:
رويدا:الحيووااانه فتحت وما جتش .. ماشي يا ريماس
راحت رويدا على المطبخ تجيب عصير وراحت الصالون واول ما دخلت هشام اتكلم:
هشام:تؤتؤ انا عروستى تشيل كدة برضه
قام وواخد منها الصنية، ورويدا اتكلمت بضحك:
رويدا:عادى يعنى
هشام:لا مش عادى انتي عروسة اوعى اشوفك بتعملي حاجة ابدا تانى
رويدا:ليه يعنى
هشام:اهو كدة وخلاص
ضحكت رويدا بكسوف، وهاشم اتكلم بهزار:
هاشم:ايييه قدامنا كدة .. يالا بينا يا جماعه احنا لازم نمشي
ضحكوا كلهم، وبعد كده هشام اتكلم:
هشام:بس ياض .. يالا يا رودى تعالي اقعدى جنبي
رويدا:لالالا جنبك ايييه في ناس قاعده اووعى كدة انا رايحه اقعد جنب ماما .. خدينى جنبك يا ماما
هناء:تعالى يا حبيبتى
ضحكوا، وقعدت رويدا جنب هناء، وهشام اتكلم بضحك:
هشام:ايووووة على النداله .. بقت كدة!
رويدا بهزار:اها
هاشم:شكلك بقى وووحش اووى
هشام:بس يالا وانت مالك انت
هاشم:صح ما ليش انا ساكت اهو
سيد:خلاص بقى كفايه اقعدوا عشان نتكلم في المهم
سكتوا كلهم، وسيد كمل:
سيد:عايزين نحدد ميعاد الفرح يا استاذ اسلام
اسلام:ما فيش مشكله
سيد:طيب عايزينه امتى؟
اتكلم هشام في اللحظة دي:
هشام:انا بقول يبقى الجمعه أول الشهر الجاى
سيد:اللى كمان اسبوعين دى؟
هشام:اها هو
سيد:طيب قولته ايه؟
اسلام:انا عن نفسي موافق المهم هما
ريماس بمرح:انا مش موافقه
هاشم:بس ابت يا ام لسانين انتي
هشام:بس اولا انت وهى الله
ضحكوا كلهم، وبص هشام لرويدا واتكلم بمغازلة وهو بيغمز لها:
هشام:ايه رايك يا قمر انت؟
رويدا:..
هشام:رودى؟
انتبهت رويدا وردت:
رويدا:نعم؟
هشام:بسالك ايه رايك؟
رويدا:انت كنت بتكلمنى انا؟
هشام:ايوة طبعا هو في قمر هنا غير!
اتكسفت اوي، فضحك هشام واتكلم:
هشام:طب موافقه بقى ولا لا؟
رويدا:انا موافقه طبعا .. خد رأى ماما بس الاول
هناء:انا عن نفسي موافقه المهم انتوا تكونوا جاهزين ومبسوطين
هشام:احنا جاهزين ما فيش حاجه ناقصه
هناء:خلاص تمام
سيد:على خيره الله
هناء:مبرووووووووك يا ولاد
قالتها هناك وانطلقت بعدها في الزغاريد هي وريماس.. ضحكت رويدا وقتها واتكلمت:
رويدا:ما بتصدقى هيصه انتي يا سيمو
ريماس بضحك:ايوة الله فرح اختى مالك انتى؟
ضحكوا كلهم، وكملوا كلام وهزار.. خلص اليوم وروحوا.
عدت الايام، خلصوا فرش الشقه وجهزوا كل لوازم الفرح وحجزوا المأذون وبقت كل حاجه تمام.. وعدا اخر كام يوم على خير وجه يوم الفرح الصبح..
#بسمه_ممدوح
أنت تقرأ
سوء تفاهم
Romansaالروايه بقلمي ، تابعه لصفحه " روايات بسوم " عبر الفيس بوك ..... تحكي الروايه عن عواقب سوء الإدراك و التسرع .. و عن ما ممكن أن يحدث نتيجة سوء الظن الذي يلى سوء التفاهم دون إعطاء فرصة للفهم.. الروايه غامضة ، رومانسيه ، حزينة ، ينعمق بها الحب الصادق ،...
