سوء تفاهم

الفصل السابع

طلعت رويدا لشقة ماجد و أول ما وصلت وقفت مصدومة لما لقت ماجد فاتح الباب و واقف عليه .. و أتكلمت ....
رويدا:أنت واقف كدة من أمتى ؟
ماجد:من أول ما قفلت معاكى
رويدا:طب و أيه اللى موقفك كدة
ماجد:مستنيكي عشان خايف عليكي
رويدا:يا سلام
ماجد:يا سلام سلم كمان
رويدا بضحك:حلوة
ماجد:و الله ما في حاجه في الدنيا حلوة غيرك
رويدا بكسوف:طب بس بقى
ماجد:بحبك بقى
رويدا:و انا كمان بقى
ماجد:تعالى بقى ندخل جوا عشان أوريكي حاجة
رويدا:يالا
دخلت رويدا مع ماجد الشقة و أول ما دخلت وقفت للحظات مصدومة و أتكلمت ....
رويدا:اييه دة يا ماجد ؟
ماجد:ايه دة أيه ؟ أنتى شايفة أيه !
رويدا:كل دى شمووع ده أنت ناوى تولع فينا
ماجد:لا طبعاً يا حبيبتى ماتخافيش و بعدين بقى انا فرحان أنك بقيتي مراتى و عايز أحتفل بيكي و افرحك و لا انتى مالكيش في الرومانسية بقى
رويدا بفرحة:لا طبعا ليااا أكيد
ماجد:طب تعالى
مسك ماجد أيد رويدا و بدأوا يعدوا من على الشموع بهدوء لحد ما دخلوا جواه و فضل ماجد ماسك أيديها و بيكلمها ....
ماجد:النهارده أحلى يوم في حياتى ، مش قادر أصدق انك بقيتى ليا
رويدا:و انا كمان مش قادرة أصدق و فرحانة أوى ، بس كان نفسي يكون قدام الناس كلها
ماجد:هيكون و الله ، انا بوعدك بس تخلص السنه دى و هعرف إزاى أعملك فرحك قدام العالم كله و افرحك بجد
رويدا:و أهلك ؟
ماجد:أهلى ساعتها مش هيقدروا يتكلموا انا خلاص حطيتهم قدام الأمر الواقع
سكتت رويدا و بصتله بتفكير ، و كمل ماجد كلام ....
ماجد:بتفكرى في أيه ؟ انا النهارده مش عايزك تفكرى خالص
رويدا:مش بفكر أهو
ماجد:طيب غمضي عينك
رويدا:ليه ؟
ماجد:كده بس غمضي
رويدا:حاضر أهو
غمضت رويدا عينيها و طلع ماجد علبة من جيبه و فتحها و أخد منها خاتم و مسك أيد رويدا و لبسهولها ....
فتحت رويدا عينيها و أتكلمت بفرحة ....
رويدا:اييه دة !
ماجد:دة خاتم عليه من جوا أسمى و أسمك مش عايزك تقلعيه لحد ما تلبسي الشبكه قدام الناس كلها
رويدا:انا فرحانة اووى ، دة جميل أوى
ماجد:أنتى اللى جميله أوى يا دودتى
رويدا:بحبك اووى
ماجد:و انا بعشقك اووى
سكت ماجد و سابها واقفه وراح شغل Music لأغنية رومانسية هاديه و راح لوريدا وقف قدامها و أتكلم ....
ماجد:مش نفسك ترقصي معايا سلو ؟
رويدا:نفسي طبعاً
ماجد:طب يالا
حضنته رويدا من رقبته و بدأوا يرقصوا سلو ....
            ........................................
الساعة 11:30 م
ريماس قاعدة في الصالة و مش عارفه تنام و بتتكلم مع نفسها ....
ريماس:يارب انا خايفة .. أول مرة رويدا تتأخر كدة ، انا ماليش غيرها يارب .. يالهووووى بقى اييه كل دة الساعه داخله علي 12 و كل ده موبايلها غير متاح ، يارب تكون كويسه بقى 
               .......................................
عند ماجد ....
رويدا:سيبني أمشي بقى الوقت اتأخر أوى
ماجد:يا بنتى أستنى هلبس و أوصلك
رويدا:لا مش هينفع أستنى الساعة 12و لو ريماس صاحية هتبقى مصيبة
ماجد:لا أن شاء الله مش صاحية ، و لو صاحية هتخافى منها يعنى !
رويدا:لا مش هخاف بس ماينفعش أهز ثقتها فيا و أخليها تشك فيا ، ولا أيه ؟!
ماجد:صح ، بس لو بتحبينى أستنى ديقتين هلبس و أوصلك
رويدا:ماشي بسرعة
ماجد:حاضر
دخل ماجد لبس و خمس دقايق خلص و أخد رويدا و نزل يوصلها ، و ربع ساعه و وصلوا ....
ماجد:حمدالله على السلامة يا حبيبتى
رويدا:الله يسلمك يا حبيبي
ماجد:يالا أطلعي بسرعة و طمنيني لما توصلي
رويدا:حاضر يا روحى.. بااى
طلعت رويدا و وقفت قدام باب الشقة بتردد خوف من أن ريماس تكون صاحية .. طلعت المفتاح و فتحت الباب بهدوء و دخلت الشقه بهدوء .. و فجأه لقت ريماس في وشها ، أتخضت و أتكلمت ....
رويدا:هيييه بسم الله الرحمن الرحيم
ريماس:مالك حضرتك شفتى عفريت !
رويدا:ها لالا انتىح بس فجعتيني اصلى كنت فكراكى نايمة
ريماس:هنام إزاى و إنتى لحد 12ونص بليل ماجتيش !!
ردت رويدا بتحاول تغير الموضوع ....
رويدا:يا حنينة
ريماس:كنتى فين كل ده ؟
رويدا بإستعباط:اهاااا ماتفكرينيييش .. سبينى أنام عشان تعبانة و هحكيلك الصبح
ريماس:ما تستعبطيش بقى
رويدا:استعبط !! لسانك طول ابت
ريماس:اها و هيطول بعد كدة لو ماجاوبتيش .. كنتى فين لحد دلوقتى ؟ و جايه وشك أصفر و مخطووف كدة ليه!
رويدا بحزن مصطنع:اهاااا
ريماس:في أيه مالك ؟
رويدا:جسمي واجعنى و إنتى مش حاسه بيا
ريماس:ليه مالك ؟
رويدا بتفكير:أصله يا بنتى انا كنت بشوف شغل زى ما قولتلك ، روحت دورت كتير و مالقتش و مشيت زعلانة روحت قولت اتصل بيكي اطمن عليكي و انا بتصل ..
ريماس قاطعتها:ما جاليش مكلماات منك خاالص
رويدا:يا بنتى سبينى أكمل هو انا لسه خلصت
ريماس:كملى طيب
رويدا:و انا باصه في الفون بقى و بتصل بيكي و بعدى الطريق ماخدتش بالى من العربية و اتخطبت و ..
ريماس بإستهزاء:و قوم أيه بقى فضلتي سليمة و قوم أيه برضه انا شربت الخطة الفكسانة دى
رويدا بجديه مصطنعة:يا بنتى الخبطة ما كنتش جامده بس الخضة بقى .. اغمى عليا و اخدونى الناس المستشفى ركبولى محلول و فوقت و جيت على طول حتى اللى خبطنى لسه جايبنى بالعربية لحد البيت
ريماس:و الله !
رويدا:ايوه يا بنتى حتى اسالى أى حد ، أسألي البواب كدة
ريماس:و الله هو البواب كان معاكى
رويدا:لا بس شاف اللى خبطنى و هو موصلنى
ريماس بتفكير:ممممم
رويدا:ممممم أيه ؟
ريماس:عادى هبقى أسأله بقى
رويدا بغيظ:و رحمة امك كدة !
ريماس:و رحمة أبوكي يا حبيبتى
بصت لها رويدا بقرف و ضحكت ريماس و أتكلمت بإستفزاز ....
ريماس:انا داخله انام بقى
رويدا:بتضحكى على أيه
ريماس ببرود:هما منعوا الضحك ؟
رويدا:لا بس تضحكينى معاكى
ريماس:بكره بقى ههههههههه تصبحى على خير
رويدا بغيظ:مستفزة
ريماس:هههههههههه ماشي
رويدا:غورى في داهية
ريماس:غايره 
مشت ريماس شوية ، و أتكلمت رويدا بصوت تمثيلي عالى ....
رويدا:اهااااااا يا رجلى يا أنى اهاااا
بصت ريماس وراها ، و أتكلمت بإستهزاء ....
ريماس:اييه ده فجأه كدة وجعتك يا عيني
رويدا بإنفعال:أبوشكل أهلك خشي جواااااااا
ضحكت ريماس جداً و أتكلمت رويدا بغيظ ....
رويدا:باااردة
ريماس:هههههههههه أحلى حاجه
رويدا:اوووووف
نفخت رويدا بغيظ و دخلت اوضتها ....
فضلت ريماس تضحك و دخلت على اوضتها و ناموا هما الاتنين ....
و عدت عليهم أيام كتير و حالهم زى ما هو ، ريماس مرتبطه بمحمد و هتموت و تشوفه و رويدا كل يوم مع ماجد أو يوم و يوم عشان ريماس بدأت تشك فيها و حياتهم مش بتتغير على كدة .. مر شهر كامل و في يوووم .....

#بسمه_ممدوح