وصلوا هشام و رويدا عند ريماس و رويدا بتخبط على باب الغرفة ، ردت ريماس من جوا ....
ريماس: أدخل
فتحت رويدا الباب و دخلت هي و هشام و أتكلمت ببهجة ....
رويدا:وحشتيني أوى
ريماس:و انتى كمان
رويدا:مالك قاعده كدة ليه ؟
(ريماس قاعدة و رافعه رجلها متنية قصادها و دفنة وشها فيها و حاضنة رجليها بايديها) .
رفعت ريماس وشها و أتكلمت ....
ريماس: مافيش حاجه ، عادى
رويدا:مالك يا بنتى بس قوليلي
ريماس: مافيش بس زهقانه من القاعدة لوحدى
رويدا:يا حبيبتى ما انا بجيلك كل يوم
ريماس بحزن:نفسي أرجع زى زمان و أكمل تعليمي و أبقى طبيعية ، بس خلاص كله راح
رويدا: مافيش حاجه راحت يا سيمو دة كله جاى لسه بس انتى خالى عندك تفائل و أمل في ربنا
ريماس:و نعم بالله .. يالا الحمد لله
رويدا بإنتباه:اوووبس شوفتي خلتيني أنسى الضيوف ازااى .. انا اسفه اووى يا هشام بجد سيبتك كدة واقف و اتلهيت في الكلام مع ريماس
هشام:ولا يهمك عادى ربنا يخليكوا لبعض
رويدا:يارب يا هشام و يخليك .. يالا بقى تعالى عشان اعرفكوا ببعض
رويدا:دى ريماس اختى اللى كلمتك عنها .. و دة هشام زميلى في الشغل يا ريماس
هشام: أهلا بيكي يا ريماس
ريماس: أهلا ، حضرتك منور
أتكلمت بصفرة و قرصت رويدا في رجلها .. ضحكت رويدا و هي بتحاول تغطي على الموقف و أتكلمت ....
رويدا:هههه هنفضل نقضيها حضرتك و بتاع .. لا أحنا عايزين نتكلم عادى ممكن بقى
هشام:يارريت
ريماس:مممم ماشي
( هشام:شاب عادى جدا كشكل حلو و شرقي الملامح عنده 29 سنه في الوقت ده اللى كانت في رويدا عندها 24 سنه مدرس كيمياء في المدرسه اللى بتشتغل فيها رويدا مدرسه لغه عربيه ، أتعرف على رويدا عن طريق الشغل عادى و بقوا اصحاب جداً و دايما مع بعض .. شخصيته قويه و عصبي شويه و في نفس الوقت متفاهم و عقله كبير ) .
هشام: أكيد طبعاً مستغربه زيارتى ليكي مع رويدا النهارده
رويدا:اقعد طيب
هشام:حاضر
قعد هشام و رويدا أتكلمت ....
ريماس:يعنى شويه مش مستغربه اووى
هشام:طيب ينفع أتكلم بصراحه و عادى
ريماس: أكيد اتفضل
و قبل ما هشام يتكلم وصلت رساله لرويدا .. أول ما شافتها صرخت ....
رويدا:هشااام
هشام بفزع:ايييه ؟؟
رويدا:بص ، مسدج جيالى مكتوبلى فيها ..
(اوعى تفكرى أنك هتتحمى منى في حد ، اخرتك على أيدى بردو مهما تهربي منى انا وراكى) .
أتكلموا هشام و ريماس بصدمه في صوت واحد ....
- أيييييه ده !!
رويدا:ماعرفش بس الرسايل اللى زى دى بتجيلى كتيير اووى
هشام بإستغراب:مش فاهم ؟
رويدا:ما انا نسيت اقولكوا و أما حكيتلك نسيت اقولك ان من ساعة موت ماجد و دخول ريماس السجن
في اللحظة دي بصت لها ريماس بصدمة ، و رويدا أتكلمت ....
ريماس:!! ممممم
رويدا:ريماس هشام عادى و كان لازم احكيله على كل حاجه ماتزعليش بقى
ريماس:مش زعلانه
هشام:كملى ..
رويدا:المهم ان من ساعة دخول ريماس السجن و انا بيجيلى على موبايلي و على موبايل ريماس رسايل تهديد زى دى كتيررر اوووى لدرجة أني ساعات مش بعرف انام من الخوف
هشام:ممممم طب و تفتكرى مين دة أو دى اللى بيبعتولك الرسايل ؟؟
رويدا:مش عارفه انا هتجنن
ريماس:انتى ليه ماقولتليش !
رويدا:في الأول خوفت تخافى أو تزعلى و بعد كدة نسيت خالص أنى أقولك
ريماس:ممممم ، بس انا خوقت فعلاً ، تفتكرى ايه اللى ممكن يحصل ؟؟
رويدا:الله أعلم
هشام:ماتقلقوش طول ما انا معاكوا ماحدش يقدر يجي جنبكوا .. بس في حاجة
رويدا و ريماس:ايه ؟
هشام:شرايح موبايلاتكوا تتغير النهارده خاالص
رويدا:حاضر
ريماس:موافقة
هشام:و تكبروا دماغكوا من الموضوع دة خااالص و ماتنسوش ابدأ انى معاكوا
رويدا و ريماس:تمااام
هشام:كنا بنقول ايه قبل المسدج الزفت دة بقى
رويدا:مش فاكرة
هشام:انا كنت بكلم ريماس مش كدة ؟
ريماس:اها فعلاً
هشام:اوووك .. بصي يا ستى
ريماس:نعم ؟
هشام: أولا انا شايف أنك كويسه و زى الفل يعنى أهو .. فانا هكلم الدكتور أنك تخرجى معانا انهارده .. ايه رأيك ؟
ريماس بفرحة:بجد ؟
هشام:اها و الله
ريماس:ياااريت نفسي اووى
هشام:و انا معاكى ، و ليكي عليا تخرجى النهارده يا ستى
ريماس:يااارب
هشام:كدة أحنا خلصنا أول حاجه
ريماس بفضول:ايه بقى تانى حاجه ؟
هشام:انا طبعاً جيتلك النهارده عشان أشوفك و اطمن عليكي و كمان كان عندى فضول أنى اتعرف عليكي .. بس في سبب تانى مهم لازم تعرفيه
ريماس بإستغراب:اييه هوو ؟
هشام:انى ......
#بسمه_ممدوح
أنت تقرأ
سوء تفاهم
Romanceالروايه بقلمي ، تابعه لصفحه " روايات بسوم " عبر الفيس بوك ..... تحكي الروايه عن عواقب سوء الإدراك و التسرع .. و عن ما ممكن أن يحدث نتيجة سوء الظن الذي يلى سوء التفاهم دون إعطاء فرصة للفهم.. الروايه غامضة ، رومانسيه ، حزينة ، ينعمق بها الحب الصادق ،...
