في يوم نزلوا الكليه عادى كالعادة .. و قابلت رويدا ماجد ....
ماجد:وحشتينى على فكرة
رويدا:يا سلام
ماجد:والله
رويدا:ما أنت بتشوفنى كل يوم
ماجد:بس كان أمبارح أجازة و كان وحش أوى من غيرك
رويدا:ميرسي على المجاملة دى
ماجد بضيق:انا مش بجامل على فكرة
رويدا:أمال أيه
ماجد:انا بتكلم جد
رويدا بتفكير:امممم
ماجد بإنفعال:بطلى بررود بقى
رويدا:برود !
ماجد:ايوه برووود عشان انا تعبت بجد و أنتي عارفة و متأكدة أنى بحبك
سكت ماجد و بصت له رويدا بصدمه لثواني و أتكلمت بإستغراب ....
رويدا:أنك أيه ؟
رد ماجد بحُب ....
ماجد:بحبك و الله العظيم بحبك
رويدا بعدم أستيعاب:أنت بتتكلم جد !!
ماجد:و هى دى حاجه فيها هزار !
رويدا بفرحة:أخيراً نطقت يا ماااجد استنيتك كتييييررر
ماجد:كان نفسي أتكلم من زماااان بس طريقتك كانت بتخوفنى و بتسكتنى
رويدا:طريقتى كانت كده لأنى عمرى ما جربت الحب و كنت خايفة
ماجد:لا .. معايا ماتخافيش انا هخليكى تحبي الحب و تحبي حياتك و تعيشي طول حياتك مطمنه و انا معاكى
رويدا:بجد يا ماجد
ماجد:و الله العظيم بجد
بصت له رويدا بحُب و ما أتكلمتش ، و هو كمل ....
ماجد:انتى بتحبينى صح ؟
رويدا بكسوف:آه
ماجد:قوليها
رويدا:لاااا أنسسى مش هقولها إلا في الحلال
ماجد:إزاى يعنى
رويدا:مش أنت هتخطبنى ولا أخر الحب ده أيه
ماجد:ها .. طبعاً هخطبك
رويدا:خلاص يوم خطوبتنا هقولهالك
ماجد بإندفاع:نعممم و انا لسسه هستنى
رويدا:ليييه هو بعيد للدرجة دي !!
ماجد:لا طبعاً قريب إن شاء الله
رويدا:خلاص أما يجى بقى .. يالا نطلع
ماجد بضيق:اووك يالا
طلعوا المحاضرة بتاعتهم و خلصوا و روحوا ، و كالعادة بتروح رويدا تلاقي ريماس جايه قبلها و أيامهم واحدة مش بتتغير ....
...............................................
هشام:كنتى بتحبيه ؟
رويدا:اها كنت بحبه جداً
هشام:طب و سبتوا بعض ليه
رويدا:ماكنش بأيدي
هشام:أومال بأيد مين .. هو ؟
رويدا:ياريت
هشام:طب مين السبب
رويدا:أقرب الناس ليا
هشام:مين !!!
رويدا:بالترتيب هتفهم كل حاجه
هشام:طيب بسرررعه لانى مابقتش فاهم حاجة
رويدا:ماشي
.................................................
فات أيام و رويدا مرتبطة بماجد و بيحبوا بعض جداً و ريماس زاد قربها من محمد و بقوا بيتكلموا طول الوقت .. و في يوم ....
رويدا:يالا يا سيمو
ريماس:أيه يا رودى
رويدا:قومى عشان الكلية
ريماس:لا مش رايحة النهارده
رويدا:لييه بقى إن شاء الله
ريماس:مش قادرة أقوم و مانمتش كويس و مافيش حاجة مهمة النهارده ، سبينى أنام بقى
رويدا:أنتى زهقتيني بجد
ريماس بزهق:أووف
رويدا:اتخمدي انا غلطانة
ريماس:طايب
لبست رويدا و نزلت كليتها .. و ريماس كملت نوم و بعد ساعتين صحيت ، قامت فطرت و فتحت الفيس بوك بس لقيت محمد قافل ، قعدت تتفرج على الصفحات و تقلب في البوستات و شوية و محمد فتح ، و بعت لها رسالة ....
محمد:حبيبي
أبتسمت ريماس جداً و ردت بفرحة ....
ريماس:صباح الخير يا محمد
محمد:صباح النور يا سيمو
ريماس بإستغراب:جبت أسم سيمو دة منين !
محمد:من مخى مش دة دلعك ؟
ريماس:تقريباً بس هو دلع نادر و مافيش حد بيندهني بيه غير أختى
محمد:شوفتي بقى أنى بحس بأكتر حاجة بتحبيها
ريماس:اها قلب الأم
محمد:هههههههه لا دة قلب محمد
ريماس:ههههههههه صح يا محمد هى دى صورك اللى على صفحتك ؟
محمد:اها ليه
ريماس:اصلها حلوة أوى
محمد:ربنا يخليكي أنتى أحلى
ريماس:انا أحلى إزاى بقى و أنت شوفتنى فين
محمد:كنت بدور في بوستاتك و شوفت ليكي كام صورة كده في الصور الشخصيه
ريماس:مممممم
محمد:مش هى دى أنتى برضه ؟
ريماس:اها
محمد:ما شاء الله عليكي بجد .. جميلة أوى على فكرة
ريماس:ربنا يخليك
محمد:و يخليكي ليا
شافت ريماس الرسالة و سكتت .. و بعت محمد رسالة تانية ....
محمد:ريماس انا عايز أقولك حاجة خبيتها عليكي بقالى فترة
أستغرب ريماس جداً .. و ردت بقلق ....
ريماس:حاجة أيه !
محمد:ريماس
ريماس:أيه ؟
محمد:ريماس انا بحبك
سكتت ريماس لثواني بتستوعب اللي قرأته و بعد محاولة أستيعاب بعتت علامات تعجب !! لمحمد و ما أتكلمتش ....
محمد:و الله بحبك و بقالى كتير مش عارف أقولك و خايف بس هي دى الحقيقة
ريماس بتفكير:ممممم
محمد:أنتى مش بتحبيني يا ريماس ؟
ريماس:لا
محمد بصدمة:لا مش بتحبيني !!
ريماس:لا طبعاً .. انا قصدي لا بحبك
محمد بفرحة:بجججد ؟؟
ريماس:اها و الله
محمد:ربنا يخليكي ليا
ريماس:و يخليك
محمد:انا نفسي أجي أتقدم لك .. ينفع أجي أتكلم مع أختك ؟
ريماس بإندفاع:لاااااا طبعااااااا
محمد بإستغراب:لييه !
ريماس:أولاً الكلام مع عمى مش أختى .. ثانياً انا لسة صغيرة عمى هيرفض ، أستنى لحد ما أنت تخلص السنه الجاية أكون انا خلصت سنه تانية عشان تتقدملى بقلب جامد
محمد بتفكير:مممم انا عايزك تبقى خطيبتى قدام ربنا
ريماس:هبقى إن شاء الله بس انا بعمل كده عشان ماتبعدش عنى ، عشان لو أترفضت هيمنعوني أكلمك فخلينا كدة دلوقتى أحسن
محمد:اووك يا حبيبتى اللى تشوفيه
سكتت ريماس ثواني .. و بعدين قعدوا يتكلموا كتير و بعد كدة قفلت ريماس و قامت قعدت شوية مع نفسها و مسكت ورقه و قلم و بدأت تكتب ....
من الحب ليه انا خايفة
بفكر فيه ليه مش عارفة
وجع في قلبي انا حساه
عقلى طاير رايح معاه
واحشنى دايما و انا وياه
بعيد عنى لكن شيفاه
تايهه و ضايعة و محتارة
بحبه و الدنيا غدارة
خايفة يسبني وسط الطريق
و من الناس انا أتدارى
و هي بتكتب فجاه رمت القلم و ماكملتش و بدأت تلف في الشقه و تكلم نفسها ....
ريماس:انا خايفة .. مش عايزة اتجرح آخر الحب بيبقى جرح .. هو انا خايفة ليه انا حاسة أنه بيحبنى بجد و هو قالى أنه عايز يتقدملى يعنى أكيد مش كداب .. طب انا هقول لرويدا .. لالالا ماينفعش ، ممكن تمنعنى أكلمه و انا بحبه اووى ، يارب طب أعمل أيه .. يوووه بقى انا محتارة لييه .. انا خلاص قررت ، انا هفضل مع محمد و مش هسيبه انا بحبه اوووى و مش هقول لروايدا أى حاجة غير اليوم اللى هخلص فيه سنه تانية و هيجي محمد يتقدم لى فيه ساعتها هقولها .. اها انا مش عايزة مشاكل
و هى بتتكلم باب الشقه اتفتح .. أتنفضت و أتكلمت بخضه ...
ريماس:رويدا
دخلت رويدا الشقة و أتكلمت بأستغراب ....
رويدا:أيه مالك
ريماس بإرتباك:ها لا ماليش ، بس فجعتيني جداً
رويدا:و أنتي أيه اللى موقفك في نص الصالة كده
ريماس:انا .. آه ، كنت بدور على كتاب و مالقيتهوش فكنت بفتكر هو فين
رويدا:بتفتكرى في نص الصالة !
ريماس:اها عادى في أيه
رويدا:لا مافيش .. خشي حضري الغدا عشان انا جاية تعبانة و مش قادرة أعمل حاجة
ريماس:اوووف بقي
رويدا:اوف عليكي يا اللى ماعندكيش دم .. أمشي يا بت أعملي الأكل بسرعة لحد ما أغير هدومي عشان جعانة
ريماس بإنفعال:طاايب
مشيت ريماس تحضر الغدا لحد ما رويدا تغير هدومها .. خلصوا و اتغدوا مع بعض و كل واحدة قعدت في أوضتها تذاكر شوية و تفتح النت شوية لحد ما ناموا .....
#بسمه_ممدوح
أنت تقرأ
سوء تفاهم
Romanceالروايه بقلمي ، تابعه لصفحه " روايات بسوم " عبر الفيس بوك ..... تحكي الروايه عن عواقب سوء الإدراك و التسرع .. و عن ما ممكن أن يحدث نتيجة سوء الظن الذي يلى سوء التفاهم دون إعطاء فرصة للفهم.. الروايه غامضة ، رومانسيه ، حزينة ، ينعمق بها الحب الصادق ،...
