سوء تفاهم

الفصل العاشر

أبتسم ماجد و أبتسمت ريماس ، و أول ما رفعت وشها و بصت علي ماجد ، أتصدمت .. بصت لها رويدا بأستغراب و أتكلمت ....
رويدا:مالكوا متنحين كدة ليه ؟
رد ماجد بعدم فهم ....
ماجد:مش عارف
و فجاة ، جريت ريماس على ماجد و مسكته من هدومه و هى بتتكلم بصوت عالي جداً ....
ريماس:يا خاااين يا كدااب قدرت تلعب بينا أحنا الاتنين
رويدا بإستغراب:في أييه ، اوعى يا ريماس أبعدى عنه
ريماس:اوووعى سبينى ، لعب بينا و بمشعرنا و ضحك عليكي و أتجوزك الخااااين الجبان
ماجد بصدمة:اوووعى كدة .. انا مش فااهم حاجة ، أبعدى عنى .. مااالها دى يا رويدا
رويدا بتوهان:ماعرفش ، انا كمان مش فاهمه حاجة
ريماس:مش فاهمه ايييه ، ضحك عليكي و اتجوزك و لعب بيكي زى ما كان عامل بيحبنى و بيضحك عليا انا كمان ، انا مش هسيبه
ماجد:اوووعى كده انا ماعرفكيش أصلا ، انا اول مرة أشوفك ، انتى مجنووونة
ريماس بأنهيار:ما طبعاا لازم تكدب ، انا هقتلك يا خاااااين
قام ماجد و زق ريماس وقعها على الأرض ، حاولت رويدا تدافع عن ريماس ، زقها بكل قوته و قبل ما يضربها قامت ريماس من ضهره و ضربته على دماغه بفاظة كبيرة لحد ما أتكسرت على دماغه
ساب ماجد رويدا و صرخ بكل قوته ، و رويدا أتكلمت بصدمة ....
ماجد:ااه اااه
رويدا:عملتى أيييه يا مجنووونة
ريماس بعدم وعى:قتلته
رويدا برعشة:هنعمل أييه في المصيبة دى
ريماس:يالا ننزل
رويدا:لا مش هنزل دة جووزى
ريماس بإنفعال:ياااالا كفاااية هبل بقى
شدت ريماس رويدا من اديها و نزلوا يجروا ، و رويدا بتتكلم بصدمة و عدم أستيعاب ....
رويدا:ليييه ، لييه عملتى كدة لييه
ريماس بدموع:ماعرفش ، بس كنت بحبه و خاني و خانك و استهون بمشاعرنا و لعب بينا 
رويدا:ازاى !!
ريماس:كان بيكلمنى على النت و عامل نفسه أسمه محمد و بيحبنى و علقنى بيه لحد ما بقيت مجنونة بحبه و في الأخر طلع كداب
رويدا:ازااى ، طب لما هو كداب اتجوزنى لييه
ريماس:عادى كان بيضحك عليكي و مش عايز يتجوزك قدام الناس و كان لازم يعمل عليكى خطط و حوارات
رويدا:طب ليييه ، انا حبيته لييه عمل فيا كدة .. طب و بطاقته ؟ تفتكرى مضروبه هى كمان !
ريماس:لا .. أكيد معاكى انتى بشخصيته الحقيقية و معايا انا بالوهمية اللى على النت و أكيد ماكنش يعرف أننا أخوات و ضحك علينا أحنا الاتنين ، انا الحب و انتى الجواز ، بيقضى وقته بقى
رويدا بإنهيار:كفاااية حرااام ، يااارب قلوبنا مش بالساااهل ، مش قاادرة اااه
حضنت ريماس رويدا و أتكلمت بوجع ....
ريماس:خلاص اللى حصل حصصل ، قوومى بقى ماتعمليش فياا كدة ، يااارب
نزلت رويدا على الأرض و هي مش قادرة تمشي ولا تتحرك ، و ريماس بتتكلم ....
ريماس:قوومى يا بنتى قوومى
رويدا:خلاص مش قادرة أقوم ، سبينى بقى سبييينى
ريماس:حرااام عليكي يا..
في اللحظه دي أتصدمت روايدا أول ما شافت عربية الشرطة واقفة قدامهم و نزل منهم ظباط ، و الظابط أتكلم بجدية ....
الظابط:انتوا بقى ريماس و رويدا  ؟
ردت ريماس بإرتباك ....
ريماس:ها .. آه ،  لالا ، آه
الظابط:يبقى انتوا .. هاتوهم
هجموا العساكر عليهم و اخدوهم و ركبوا البوكس و طلعوا على القسم ....         
.............................................     
هشام بصدمة:ازاااى ، يعنى هو كان بيلعب بيكوا انتوا الاتنين !
رويدا بحزن:للأسف
هشام:و كان طول الفترة دى مايعرفش أنكوا أخوات
رويدا:اها أكيد
هشام:طب و بعد ما روحتوا القسم ايه اللى حصل ؟
رويدا:ريماس اخدت سنه سجن
هشام:لا فهميني
رويدا:في حد بلغ البوليس ، و اما جم اخدونا و استجوبونا .. ريماس طلعتنى منها و حلفت أنى ماجتش جنبه و أنها هي اللى قتلته
هشام:و بعدين
رويدا:انا قولت أنه كان متجوزنى و طلع بيلعب بيها هي كمان و مايعرفش أننا أخوات فلما طلع عندى و لقانا مع بعض جت ريماس تزعق زقها و مسكنى ضربني كان هيموتنى فريماس ضربته بفاظة مجرد دفاع عن النفس عشان ماكناش قادرين عليه
هشام:و صدقوكوا ؟
رويدا:اها كلامى مع شهادة البواب و الجيران انه كان هو فعلاً الى لسة طالع عندنا لوحده و حصل كده و أنهم سمعوا صواتنا و مع كلام المحامى كل ده ساعدنا ، انا خرجت منها و ريماس اخدت سنة سجن
هشام:و هو مات فعلاً ؟
رويدا:اه مات .. في تقرير الطبيب الشعري و في القضيه مكتوب انه مات
سكت هشام و بصلها بتفكير و هي أتكلمت ....
رويدا:مالك ؟
هشام:ريماس فين دلوقتى لسه مسجونة ؟
رويدا:لا طلعت ، هى دخلت السجن عندها 20سنه طلعت 21 و انا ساعتها كنت 22 و أما طلعت كنت انا 23
هشام:مش فاهم .. يعنى هى طلعت و انتى لسة في الكلية ؟
رويدا:لا بعد ما اتخرجت و اشتغلت
هشام:طب ما انتى شغالة بقالك تقريبا 8 شهور أو أكتر
رويدا:آه
هشام: أختك سيرتها مش بتيجي الفترة دى كلها ليه ؟
رويدا:مممم عشان ريماس في مصحة نفسية
هشام بصدمة:لييه !!
رويدا:من وقت ما طلعت من السجن اعصابها تعبانة و بتاخد بالأربع حبيات منوم في اليوم و بدأت تزداد بيها الحالة و توصل للمخدرات و كانت في بداية لأدمان ، فكان لازم تدخل مصحة عشان تبقى كويسة
هشام:و انتى اللى دخلتيها ؟
رويدا:لا ، هى قالتلى عايزة اتعالج ، عرضت عليها فكرة المصحة و وافقت انا ماليش دعوة
هشام:مممم طب تعالى نروح لها
رويدا:استنى نكمل كلامنا
هشام:هنكمله بكرا أو أى وقت ، بس يالا نروح لها
رويدا:حاضر يالا بينا
هشام:يالا
مشيوا رويدا و هشام و راحوا عند ريماس و ....

#بسمه_ممدوح