فات أيام كتير و ريماس مرتبطة بمحمد و حبهم لبعض بيزيد و كل يوم لازم محمد هو اللى يصحيها و بقى بالنسبالها حياتها كلها .. و رويدا تعلقها بماجد بقى غير طبيعى وصلت في حبه لدرجة الجنون و هو كمان زيها ، و خلصت السنه اللى كانوا فيها و رجع ماجد البلد يشوف أهله و يقعد معاهم كام يوم و قبل ما ينام كلم رويدا ....
رويدا:ألو
ماجد:أيه يا حبيبتى وحشتينى
رويدا:و أنت كمان وحشتنى اووى
ماجد:نفسي أشوفك بقى
رويدا:و انا كمااان
ماجد:ياااارب الأيام دى تعدى بسرعة
رويدا:يارب .. صحيح أتكلمت مع باباك في الموضوع بتاعنا ؟
ماجد:موضوع أيه
رويدا بإنفعال:نعم أنت هتستعبط ! أنت مش قولتلى هتكلمهم في موضوع خطوبتنا عشان تتقدم لى قبل ما الأجازة تخلص ؟
ماجد:ايوه و انا فاكر مانسيتش بس بابا نايم هكلمه الصبح
رويدا:ماااجد .. بججد ؟
ماجد:اها و الله العظيم
رويدا:ماشي يالا روح نام بقى
ماجد:اوك .. هكلمك الصبح
رويدا:اوك .. تصبح على خير
ماجد:و أنتي من أهل الخير
رويدا:سلام
ماجد:سلام
دخلوا ناموا و جه تانى يوم الصبح ، صحى ماجد من بدرى جداً عشان يكلم باباه ....
و أول ما طلع ماجد من الأوضه شاف باباه .. بصله و أتكلم ....
ماجد:بابا صباح الخير
صابر( والد ماجد):صباح الخير يا ماجد
ماجد:حضرتك نازل دلوقتى يا بابا ولا قاعد شوية
صابر:يعنى شوية كدة
ماجد:طب انا عايز أتكلم معاك و مع ماما في موضوع
صابر:خير ؟
ماجد:هنادي ماما و أجي أتكلم قدامكوا أنتوا الأتنين
صابر:ماشي
دخل ماجد نده مامته من الأوضه و طلعوا قعدوا في الصاله ، و مامته أتكلمت ....
ليلى(والدة ماجد):أيه يا ماجد في أيه
ماجد:بصراحة انا عايز أخطب
ليلى بفرحة:بجد
ماجد:اها و الله
صابر:جميل
ليلى:أشوف لك عروسة يعنى ؟
ماجد:لا طبعاً انا عندى العروسة
ليلى:عندك ! مين هى ؟
ماجد:دى واحده معايا في الكليه أسمها رويدا و محترمة جداً و الله و مؤدبه و انا بتمنى تكون مراتى
صابر:منين دى
ماجد:من القاهرة يا بابا
في اللحظه دي أتكلموا صابر و ليلي في صوت واحد بصدمة ....
_ نعمممم
ماجد بإستغراب:في أيه ؟
صابر:أنت أكيد بتهزر !
ماجد:ليه يا بابا هو فيها أيه ؟!
صابر:من غير كلام القاهرة لا .. أنت يا تتجوز من بلدنا يا بلاش
ماجد:يعنى أيه يا بابا
صابر:يعنى مش موافق
ماجد بإنفعال:ازاااى يعني انا بحبها اووى ، حرام عليكوا
صابر:حرمت عليك عيشتك انا قولت مش موافق و الموضوع اتقفل
ماجد:ازاااى انا وعدتها ، أطلع عيل ! .. ما تتكلمى يا ماما و النبي انا بحبها و عايزها
ليلي:ماقدرش أتكلم ، و أحنا مش هنقدر نجوزك واحدة من القاهرة ماينفعش
ماجد:لييه أيه السبب ؟؟!
ليلي:أسباب كتير ، هما غيرنا و تربيتهم غيرنا مش هنجوزك من هناك و خلاص
ماجد:يعنى دة أخر كلام هتطلعووونى عيل معاها و ماليش كلمه !
صابر:ماحدش قالك توعدها
ماجد:انا بحبها و مش هتجوز غيرها
صابر:يبقى ما تتجوزش خااالص
ماجد:بقى كدة
صابر:اها
ماجد:ماشي
قام ماجد دخل أوضته و قفل على نفسه و فضل يعيط و هو مش عارف يتصرف لحد ما هدى و اتصل بأخته
ماجد:ألو
مروة:ألو
مره:(أخت ماجد الكبيرة ، متجوزة و عندها 27 سنه) ....
ماجد:ازيك يا مروة
مروة:تمام يا ماجد أنت عامل أيه
ماجد:الحمدلله .. بقولك
مروة:نعم
ماجد:انا دلوقتى بحب واحدة معايا في الجامعة و عايز اخطبها و قولت لابوكي رفض عشان هى من القاهرة .. انا مش عارف أعمل أيه دلوقتى انا بموت بجد
مروة:طيب أهدى بس أهدى
ماجد:أهدى أييه ، شوفيلى حل
مروة:طب أصبر بس .. هو رافض ليه ؟
ماجد:عشان من القاهرة و بيقول تربيتهم غيرنا و الكلام ده !
مروة:ممممم طب بص أقفل و انا هتكلم معاه و هتصل بيك
ماجد:ماشي .. يالا سلام
مروة:سلام
قفل ماجد مع مروة و قعد يحضر شنطته و لبس عشان يمشي و هو بيلبس أتصلت مروة .. رد بسرعة ماجد و أتكلم ....
ماجد:أيه يا مروة
مروة:عامل أيه
ماجد:زفت .. أنجزي قالك أييه ؟؟
مروة:انا مش عارفة أقولك أيه ، بس انا اتصلت بيه و كلمته و حاولت معاه كتير و من جميع الإتجاهات ، بس هو رافض و شتمنى و انا مش عايزة مشاكل
أتعصب ماجد جداً لدرجة ان وشه أحمر و سكت ....
ماجد:مممممم
مروة:ماتزعلش منى و النبي بس انا حاولت كتير
ماجد:مش زعلان خلاص
مروة:طب ما تخلى أخوك يكلمه ممكن يسيطر عليه
ماجد:لا أستحالة و بعدين اخوكى دة مكبر دماغه ، سيبك خلاص
مروة:طب هتعمل أيه
ماجد:مش عارف .. بصي هقفل دلوقتى و هكلمك بعدين
مروة:ماشي .. يالا سلام
ماجد:سلام
قفل ماجد و خلص لبس و اخد شنطته و طلع ....
أول ما طلع ليلى شافته و أتكلمت ....
ليلي:رايح فين يا ماجد
ماجد:...
ليلي:رد عليا رايح فين
ماجد بإنفعال:في مصيبة
سكت و فتح الباب بسرعة و نزل ....
ليلي:يا ولا .. يوووووه بقى
في اللحظة دي طلع صابر من الاوضه و هو بيتكلم ....
صابر:في أيه ؟
ليلى:ماجد مشي
صابر:بقى كدة !
ليلى:اها قالى رايح في مصيبة و مشي
صابر:خلاص هو حر هو الخسران
ليلى:هتعمل أيه
صابر:ولا حاجه سيبك منه
سكت و سابها و دخل الاوضه ....
ركب ماجد اول قطر و طلع على القاهرة و راح على بيته هناك ، حط شنطته و نام بهدومه من التعب .. صحى بالليل ، و أول ما صحى .. فجأة ....
#بسمه_ممدوح
أنت تقرأ
سوء تفاهم
Romanceالروايه بقلمي ، تابعه لصفحه " روايات بسوم " عبر الفيس بوك ..... تحكي الروايه عن عواقب سوء الإدراك و التسرع .. و عن ما ممكن أن يحدث نتيجة سوء الظن الذي يلى سوء التفاهم دون إعطاء فرصة للفهم.. الروايه غامضة ، رومانسيه ، حزينة ، ينعمق بها الحب الصادق ،...
