A Whiff of Chocolate (Candy Series Special) (Published under Flutter Fic)

HONEYMOONERS Part 1

***

"Kanino po nakapangalan ang reservation, Ma'am?" tanong ng attendant sa reception ng hotel.

"Diane Christine De Vera," sagot ko sabay abot ng dalawang I.D. ko.

"Wait a while lang po."

Ibinalik ko ang atensyon ko sa kausap ko sa cellphone. "Nasa hotel na kami, Ate Pfi. Kayo ni Kuya? Naka-prep na kayo para umalis? Tapos na bang mag-nag sina Lolo about the wedding gifts?"

"Oh, they're still at it." Mahinang tumawa si Ate. "They wanted us to bring some stuff sa bahay, bago raw tirahan. Magdadala muna kami ro'n ng bigas, asin... and that other thing I forget, bago kami puwedeng umalis mamaya ni Potchi. But the gifts, nando'n na sa bahay. Kayo? Kumusta ang biyahe?"

" 'Ayun. Ma-traffic," ani ko. Sinulyapan ko si Jesuah na nakatingin sa isa sa mga painting na display sa reception. He must be tired of the long drive to Pangasinan. "Hatinggabi na siguro kayo makakarating dito, 'no?"

"I think so," sabi niya. "Mag-ikot-ikot muna kayo ni Jesuah diyan or mag-swimming sa dagat. May free jacuzzi rin 'yong suite namin, puwede n'yong gamitin muna later if you want."

"Are you sure?" tanong ko. "It's your honeymoon suite. Okay lang sa'yong mauna kami ro'n ni Jesuah?"

"As long as you don't soil our bed," tukso ni Ate Pfi.

"Hey..." ani ko. As if that will happen. Ipinaglihi yata sa celibacy si Jesuah.

"Don't tease Jesuah so much, Yanyan," natatawang dagdag niya. "Kawawa naman."

Coming from her na siguradong pinahirapan din si Kuya before their wedding. Kapag natutulog sila sa bahay nila dati no'ng ipinapagawa pa lang, laging puyat si Kuya pag-uwi.

Napansin kong nakatingin na uli sa'kin ang attendant kaya binilisan ko ang pagsasalita ko. "Okay na yata 'yong room namin. Later, Ate Pfi."

"Later, Yanyan. Don't torture Jesuah."

Malapad lang akong napangiti bago ibulsa sa shorts ko ang cellphone.

"Okay na?" I asked the attendant.

"Confirmed na po 'yong rooms n'yo, Ma'am. Here are your keys po." Nag-abot siya ng tatlong key cards sa akin at inisa-isa iyon. "Itong dalawa po ang para sa family rooms. At itong purple ang para sa honeymoon suite. We have room service. We have massage and spa. Kung magpapa-reserve naman po ng seat sa restaurant, kailangan lang ding itawag dito sa amin."

"Got it," sabi ko at lumingon kay Jesuah. "Mister, okay na."

Kinuha niya ang mga bags namin na nasa lounge bago lumapit. "Ano'ng sabi ni Donya Pipa? Wala nang hadlang sa honeymoon nila?"

Mahina akong tumawa nang magsimula kaming lumakad papunta sa elevator.

"Magdadala lang daw ng alay sa bahay nila mamaya bago umalis."

"Baka, manok, baboy? O puri ni Doraemon?"

"Hindi. 'Yong bigas, asin... munggo?"

"Munggo? Puri na lang ni Doraemon ang ialay nila. Dalisay pa 'yon."

"Hey!" sita ko.

Mahina lang na tumawa si Jesuah nang pumasok kami ng elevator. Ibinaba niya sa paanan namin ang mga bags na bitbit niya bago hawakan ang isang kamay ko.

"Ano'ng plano ngayon? Wala pang ibang tao rito kundi tayo," sabi niya.

I eyed him with mischief.

"Hoy, Misis. 'Yong mga sulyapan mo, nagbabanta, ah. Parang delikado na naman ako," aniyang natatawa.

"Nagtatanong ka kung ano'ng plano, eh."

"Hindi 'yan kasama sa itinerary."

"Well, ang itinerary, mag-iikot tayo rito sa Pangasinan kasama sina Iya at Mimi. Kaso si Mimi, tinangay ni Warren." Ngumuso ako. "At si Jacob, pauwi pa lang from Japan. Ano'ng puwede nating gawin?"

We reserved three premium rooms for this getaway; ang isang family room ay para sa amin nina Iya at Mimi. Ang isa pa ay para kina Jacob, Warren, at Jesuah. Ang honeymoon suite naman ang kina Kuya at Ate Pfi.

"Pahinga na lang muna tayo sa kuwarto. Napagod ka mag-drive eh. Tapos, puntahan natin 'yong isa sa nasa itinerary," sabi ko.

"Sige, Misis."

Hinanap namin ang mga kuwartong para sa'min paglabas sa palapag. Inihatid ni Jesuah ang bag ko sa family room na para sa aming mga babae.

Naghawi agad ako ng kurtina sa silid. The room is at least five floors high from the view outside. Nakaharap ang bintana sa asul na asul na dagat.

The sparkling shore and the blue water is perfect for my summer bikini. Ang sabi ni Jesuah, 'wag akong magdala ng string bikini... kaya 'yon ang dala ko. Mangungunsumi siya mamaya.

"Do'n na muna ako sa kuwarto namin," sabi ni Jesuah sa'kin.

Nilingon ko siya na may ngiti sa mga labi.

"Susmaryang ngiti 'yan. Nakakaisip ka na naman ng pagpapahirap, Manang Diane," aniya.

" 'Yon agad?"

Sumulyap siya sa bintana kung saan tanaw ang dagat. "String ang bikini mo, 'no? Susmarya ka talaga."

Ngumuso lang ako.

"String nga. Hindi naman kulay puti 'yan, 'no?" aniya.

Nginitian ko lang siya at pinamungayan ng mata.

"Patay tayo kay Doraemon niyan..."

Natawa ako nang mahina sa kanya. Nangungulit lang naman ako. "It's blue, don't worry. 'Yong para sa ibang araw, maroon at isang geometric prints. Wala akong dinalang puti."

Pero puti at see-through ang dinala kong nightgown. Well, para sa amin lang naman nina Iya at Mimi 'yon. Jesuah could take a look if he wanted.

Nagbuga siya ng hangin. "Kailangan ko ng omega-3 para sa'yo."

"Hindi balut, Mister?"

Itinakip niya ang mga braso niya sa katawan niya na parang hahalayin ko siya. Hindi pa naman. "Manang Diane... bakit ka ganyan? Dinudumihan mo ang dalisay-puro-inosenteng pag-iisip ko. Virgin pa po ako."

"Hey, Jesuah!"

Malakas lang siyang tumawa bago mabilis na magtungo sa pinto. "Magpahinga ka nang kaunti, Misis. Mamaya mo na 'ko uli kulitin."

Inirapan ko siya. "Mas makulit ka pa rin nga sa'kin!"

Dinig ko ang tawa niya hanggang sa makalabas siya sa kuwarto. ++645g / Nov022018