قلوب_ حائره

البارت الاول

السلام عليكم اسمي نواره عمري ٢٥ سنه مواصفاتي وزني ٦٠ وطولي ٦٢ عيوني جوزي وكبار ووجهي دائري وحنطاويه وشعري اسود وقصير وناعم يعني حلوه بشهادة الناس يعني مامدح نفسي ههههه. معلمه بروضه من بابل اهلي يتكونون من امي ربت بيت وبابا ضابط بحريه متقاعد واخوان اثنين. نزار عمره ٢٨ سنه هو اكبر واحد بينه مدرس لغه عربيه ومتعين مزوج وعنده ولد اسمه حماده وزوجته اسمهه رنا مخلصه كليه قانون بس شويه مغروره وشايفه نفسهه زواحهم جان تقليدي وهمه عازلين بيت وحدهم وقريبين علينه. وهيثم عمره ٢٦سنه يداوم بشرطه اتحاديه متزوج عن حب وكلش حنون وماعنده اطفال صارله سنه من اتزوج زوجته اسمهه نهال كلش حبابه وممكمله دراسه وساكنين ويانه بنفس البيت. ارجع اليه اني مطلقه تزوجت من جان عمري ٢٢سنه. اسمه جمال وبقيت وياه سنه ونص وطلكت وعندي بنيه اسمهه قند واندلعهه قنوده ادري اسمهه صعب هههههه. عانيت هواي بزواجي سواء من اهل زوجي او من زوجي لو بس من اهله جان اتحملت لخاطره بس جان حتى هو مو زين وياي اذاني كلش.. للكاتبه نبراس الخالدي.
اذاني من ضرب واهانه وشك وكلشي. متحملت وطلبت اطلك. نزار عارض طلاقي بحكم المجتمع والناس بس اني بوقتهه تأذيت هواي ونفسيتي تعبت وتمرضت واهلي حارو بيه من سيد لسيد ومن طبيب لطبيب من شافوني هيج اصروا اطلك عسى وأن ارتاح وفعلا اطلكت جان عمر قنوده بوقتهه ٦ اشهر تنازلت عن كلشي في سبيل اخلص وهو هم ماصدك يخلص من المسؤليه وبدون مقابل وحتى نفقه مطلبت منه مجرد اريد اخلص وصفحه واطويهه من حياتي وفعلا هذا الي صار مرحله وعدت. تربية قنوده اخذت وقتي كله ومتعبه صرت الهه ام واب وحاولت قدر الامكان اعوضهه عن كلشي واهلي مقصرو وياي بتربيتهه. اخواني سوولي راتب كل شهر نزار ينطيني ١٥٠ بحكم راتبه قليل لان مدرس وهيثم ينطيني ٢٥٠ وبابا ينطيني ١٠٠ يعني ٥٠٠ الف راتب شهري مقصروا ابد. صار عمرهه سنتين حيل منطويه ع نفسي وقليل اطلع رغم الحاح اهلي اطلع لان اهلي شويه منفتحين بس صارت بيه مثل العقده من الرجال بصوره عامه اعتبرتهم كلهم مثل طليقي بعدهه كمت احس بخنكه ونقص وشعور ان اني ماعندي أي هدف بلحياة بعدهه قررت اشتغل او ادور تعيين وفعلا نزار سوالي واسطه وتعينت معلمه بروضه حكوميه اني مخلصه سادس علمي والواسطه كلشي تسوي بلعراق وقنوده تبقه يم امي تعتني بيهه. وصارلي ٤ اشهر اداوم بلروضه تغيرت شويه وكمت ارجع انسجم ويه الناس بس بحدود بس نضرتي بقت مثل ماهيه ع الرجال فضليت بعيده عنهم قدر الامكان. للكاتبه نبراس الخالدي.
ام نزار: يله نواره اكعدي وراج دوام
نواره: اي ماما كعدت بس ع كيفج احجي لاتكعد قنوده
ام نزار: اي صدك نسيت يله تعالي سويت ريوك
نواره: اي كمت. كمت غسلت ونزلت لكيت بابا كاعد وماما كاعدين ع السفره. صباح الخير
بابا. ماما: صباح النور
ماما: يله ماما اكلي
بابا: يله بسرعه عندي شغل حتى اوصلج
نواره:ماشي بابا. اكلت بسرعه ورحت بدلت ووصلني بابا. عندي خط بس مااجاني اليوم هستوني اريد ادخل للروضه جان تصيحني طفله عندي بلروضه اسمهه نور اجت تركض عليه
نور: ست ست
نواره: نداريت عليهه ونزلت بمستواهه مبتسمه. هلو حبيبتي
نور: صباح الخير ست
نواره: صباح النور نور ههههه
نور: ست اجه بابا يريد يحجي وياج
نواره: اوك بس خلي يجيني للأداره ميصير اوكف وياه بلشارع. دخلت جوه كعدت ع المكتب اندكت الباب كلت تفضل. طب واحد صوته جهوري وقوي يخفق اله الكلب بسرعه
بكر: السلام عليكم......

وللحكايه بقايه😉