قلوب_ حائره

البارت الاخير

نواره: من شفت بكر وكع ودمه يجري فقدت حتى النطق ضليت بس صافنه عليه جسمي جمد اطرافي بردت اريد استوعب الموضوع ماكدر حسيت بنزار يجر بيه يريد ياخذني هنا صحت بصوت عالي بكررررر حبيبي اكعد انت متموت وتعوفني انت وعدتني حتحميني منهم احجي وياه ونزار يجر بيه بس يريد ياخذني وينهزم واسمع بنادر يكله ولك شسويت هذه بيهه اعدام وهم يجر بنزار يريد ياخذه ويطلع واني ابجي وعيوني عليه هو بس يباوعلي وبعدين فقد كمت ابجي بعلو صوتي واصيح وهو فقد اني عبالي مات كمت اصيح زايد بكررررررر بكررررر اكعد انت متموت بكرررر
نادر: امشي نزار دمشي راح يجون العالم وننكمش والله نروح بيهه. جريته واخذته بسرعه وكل واحد صعد بسيارته وشردنه بس قطرة دم مابيه كلت خلص رحنه بيهه.
نزار: وره ماجرني نادر وطلعنه كل واحد بسيارته صحيت ع نفسي كلت لنفسي اني شسويت وشلون اقتل دمرت نفسي ودمرت عائلتي.
نواره: ضليت اصيح وفقدت ع صوتي اجو الجوارين واخذو للمستشفى بس اني منتهيه لا بقت ادموع ولا بقت روح بيه. وصلونه للمستشفى وراحو بس مو مشكله اهم شي ساعدوني لان محد يعرفنه بلمنطقه يمكن عبالهم صاحبته او شي بس مهتميت اهم شي اطمئن عليه كبل دخلوه عمليات وضليت واكفه اباب العمليات وابجي واقره ايات قرايه. ربي مروتك احمي وطلعه سالم محد اليه بلدنيه بس هو اهلي بعد ميردوني ربي والله مسويت شي حرام كلشي سويته حسب شرعك انقذه ياللهي. دكيت ع امي واني ابجي ومنهاره جاوبتني اشهك وابجي
ام نزار: شبيج يمه ليش تبجين
نواره: يمه نزار ضرب بكر طلقه وهسه بين الحيه والموت
ام نزار: صخام الصخمني وهسه اخوج وين
نواره: مادري شرد والله يمه اذا صار بي شي اكتل روحي وسديته. ضل تقريبا ساعه وشويه بغرفة العمليات شفت دكتور طلع رحت اركض عليه هاا دكتور بشر
الدكتور: الطلقه جايه جوه الجتف بشويه بس الحمدلله نجحت العمليه يمكن مسوي شي بحياته والله لطف بي لان شويه وتلوح كلبه عموما حمدلله ع سلامته.
نواره: من الفرحه كعدت بلكاع وابجي. الك الحمد والشكر ياللهي ماخيبت ضني ربي مانسه رحمتك ابد. شويه وطلعوه بغرفه طبيت عليه هو نايم يمكن منطي مهدء ضليت كامشه ايده وابوس بيهه. حبيبي لو صاير بيك شي جان متت اني ماسوه شي بدونك حياتي بدونك مالهه طعم انت عمري كله انت حبي الاول والاخير احجي وابجي حسيت عليه عصر ايدي بس هو مغمض فزيت كتله بكر حبيبي انت تسمعني رجع عصر ايدي ابتسمت بس يمكن ميكدر يفتح عيونه من تأثير البنج دا احجي وياه جان تندك الباب كلت اتفضل جان ايطبون شرطه اثنين اني دمي جمد اكيد جايين ياخذون افادتنه.
الشرطه: السلام عليكم
نواره: وعليكم السلام😰
الشرطه: المريض شيصير منج
نواره: زوجي
الشرطه: شفتي منو ضربه؟
نواره: 😨ضليت ساكته شويه ردت اكللهم نزار لان ماعندي غير حل جان بكر يعصر ايدي كبل التفتت عليه كأن دا يكلي لاتحجين كبل غيرت وكتلهم مادري ماشفته
الشرطه: تمام من يصحه زوجج نجي ناخذ افادته الحمدلله ع سلامته.
نواره: الله يسلمك. طلعو والتفتت ع بكر شفته مفتح ويباوعلي ومبتسم كبل حضنته من فرحتي جان يكول ااااخ اني كمزت اسفه حبيبي والله نسيت
بكر: عادي حبيبي ولج ضل بالي يمج من شفتج تصيحين وتبجين عبالي اخذج مني وأذاج
نواره: كله بسببي هيج صار بيك😥
بكر: اششش اني عمري كله يروحلج فدوه
نواره: ضليت ابوس ابطن ايده لو بس تدري شكد احبك وروحي بيك
بكر: كلما اريد اتقرب منج تصير طلابه خرررب مو كلبي خلص
نواره: ههههه اني كلي الك وبين اديك حبيبي
بكر: اويلي ولج مريض لاتحجين هيج ماتحمل
نواره: اسبوع وطلعنه من المستشفى وماعفته ولا لحظه رجعنه للبيت صعدته فوك للغرفه كعد الجربايه بدلتله ملابسه وطبيت سبحت طلعت لكيته نايم. لبست تراك لونه احمر ونشفت شعري بلشسوار وحطيت مكياج خفيف ماحب المكياج طوخ وحطيت العطر الي يحبه ورحت مددت يمه ضليت اباوعله وهو نايم وامشي ايدي ع وجه ومبتسمه اووف عشقته هلأنسان
بكر: تره خدرت يمعوده وديني كمزتيه
نواره: هههههه عبالي نايم
بكر: تره نايم مو ميت ههههه
نواره: شسوي غير احبك
بكر: ولج شليتي حالي وخليتيني امشي وماشوف غيرج
نواره: تقربت عليه وبسته من شفايفه وهو يحجي بوسه طويله لحد مانقطع نفسنه وخرت وضليت اباوع بعيونه اول مره اشوف نضرته هذه احس كلش فرحان وبيهن لمعه
بكر: نواره بحياتي محبيت ولا عرفت الحب بس انتي ملكتيني حتى النفس الاخذه ينطق بيج ويهواج.
نواره: اباوعله وهو يحجي غركت بعيونه. حبيبي
بكر: عيونه لحبيبج
نواره: ليش بلمستشفى من جوي الشرطه مردت احجي واكول الي ضربك طلقه
بكر: اني ادري بيج شكد متأذيه بفراك اهلج انوب تريدين تنكطع هينوب اني اريد خط رجعه. الطلقه الي ضربهه نزار بيه راح اعتبرهه بمكان شردتج وياي وخلص عسى وأن ترجع المي لمجاريهه اني ادري انتي مشتاقه لبنتج وتتمنين تشوفيهه هي وامج وابوج اني حاس بيج
نواره: حضنته كأنو دا يقره افكاري فعلا كل الي كاله صح. ضلينه نسولف شويه ونمنه.