قلوب_ حائره

البارت السادس عشر

بكر: وصلت ودكيت الباب قوي وصحت نزاااااااااار  نزااااااااااار
نزار: كاعد يم اهلي وهذه بنته موتتني بس تبجي سمعت صوت بره طلعت شفته هذا النذل. هلا والله من بنتك صارت بلموضوع اجيت تركض
بكر: نزار انطيني بنتي وخلي اروح
نزار: اذا ماشوف نواره كبالي تحلم تشوف بنتك
بكر: بنتي مالهه دخل بلموضوع تركهه
نزار: اني كلت الي عندي وانت حر
بكر: اني ماعرف نواره وين
نزار: ع منو تجذب هاا نواره يوميه تخابر امي وكلتلهه هي عندك
بكر: تفاجأت من يمته نواره تخابر ع امهه واني مادري فار دمي.
نزار: هاا نصدمت جنك ماتدري
بكر: نواره مرتي وصارت ع ذمتي مالكم شي عدهه ولا عندي
نزار: تخبلت من دريت بي مزوجهه بدون رضاتنه. انت بأي حق تزوجهه واحنه اخر من يعلم تقربت عليه وضربته
بكر: تخبلت من ضربني ضربته وكتله لعد تريدني اعيش وياهه بلحرام كمنه واحد يضرب بلثاني
هيثم: جنت طالع وصلت للبيت شفت بكر ونزار يضاربون نزلت من السياره ركض فاككتهم. شنو السالفه يمعودين وكفت كبال نزار حتى مايضاربون مره ثانيه تره عيب الي دا تسوونه العالم دا تتفرج علينه
بكر: احس هيثم عاقل ويحاول يحل الامور بطريقه سلميه كتله هيثم خلي ينطيني بنتي هذه الطفله مالهه ذنب
نزار: ذنبهه بذنبك ياحقير هيثم هدني خلي اربي هذا النذل
هيثم: تفاجات من كال بنتي ليش بنتك شسوي يمنه؟
بكر: اخوك خطفهه من باب الروضه
هيثم: نزار انت من كل عقلك انت تخبلت
نزار: اي تخبلت وكمت اصيح لعد الي سووه همه شويه
هيثم: بس هي شنو دخلهه هذه طفله نزار. تعال نزار طببته للبيت كوه لكيت امي كاعده تبجي وبنت بكر هم تبجي وتصيح بابا
ام نزار: ولكم انفضحنه البنيه تزوجت عوفهه بحالهه ليش هلطلايب هي ماشافت يوم حلو بحياتهه عوفوهه
هيثم: نزار لخاطر الله اهده وابقه هنا خلي اوديله بنته البنيه راح تموت
نزار: وديهه اله بس والله اذا اكمشهه ماارحمهه لهذه الحقيره الي ماعرفتو اتربوهه شفتو تربيتكم وين وصلتنه.
هيثم: كومي حبيبتي ابوج واكف بره وديتهه اله راحت تركض خطيه
بكر: شفت نور اجتني تركض وتبجي حضنتهه وشلتهه. هيثم ماعرف شلون اشكرك
هيثم: ماكو داعي اني نطيتهه الك لان هي مالهه ذنب بس الي سويته انت ونواره لايغتفر
بكر: اني تزوجتهه بنفس اليوم الي بقت بي يمي وصدكني مراح تلكه احد يحبهه ويخاف عليهه مثلي واصلا انتو افتهمتو الموضوع غلط من البدايه احنه مردنه هيج يصير
هيثم: روح بكر مو وكت هلحجي. واحمد الله ابوي ماموجود جان ماخلاك تطلع عايش
بكر: شما احجي هو حقهم مو هين بنتهم تشرد وتزوج من وراهم. ماشي مشكور خليت ورحت للبيت اشوف امي
نور: بابا ليش اخذوني ذوله الناس
بكر: مو كتلج يحبوج واخذوج حتى يشوفنج
نور: بس بابا اكو واحد كام يصيح عليه ويخوف
بكر: خلص بابا انسي بعد مراح ياخذوج اوك
نور: اوك بابا
بكر: وصلنه للبيت لكيت امي كاعده وتبجي شافتني اجت
ام بكر: يمه وليدي هاي ليش هيج وجهك تكسرت اديهم انشالله
بكر: اني هم ماقصرت يمه. بست راسهه وكعدت
ام بكر: يمه ضل كلبي عليك راد كلبي يوكف
بكر: لاتخافين يمه كتلهم تزوجتهه ماعتقد بعد يسوون مشاكل
ام بكر: انشالله يمه. خلي اصبلك غده
بكر: اي يمه صبي جوعان علما اخابر نواره. ضجت كلش من دريت بيهه تخابر امهه من وراي بس خطيه لازم اطمنهه عليه دكيت عليهه
نواره: كلبي نار عليه واروح وارجع بلبيت كل الافكار المو زينه اجت ع بالي بالاخير رجعت كمت اقره قران ودك تلفوني باوعت بكر جاوبت بسرعه حبيبي
بكر: يروحي انتي
نواره: كمت ابجي لا ارادي
بكر: حبيبي ليش تبجين والله مابيه شي
نواره: متتصور شكد خفت عليك راد كلبي يوكف
بكر: اروح فدوه لكلبج. اشتاقيتلج يولي
نواره: ههههه واني هم اشتاقيتلك كومه
بكر: اووف احبج
نواره: اموت بيك. تغديت حبيبي
بكر: هسه امي دا اتصبلي غده. وانتي هم اتغدي
نواره: انشالله. انطيني خالتي خلي اسلم عليهه
بكر: ماشي لحظه. يمه هذه نواره تريد تسلم عليج
ام بكر: هلا يمه شونج
نواره: هلو خاله الحمدلله انتي شونج
ام بكر: برحمة الله ييمه
نواره: خاله اني اسفه كل الي صار بسببي
ام بكر: الي صار قدر الله كاتبه لا بيدج ولا بيدنه وبعدين وين الكه بنيه حليوه مثلج لبني
نواره: حيل فرحني كلامهه. فدوه لكلبج
ام بكر: هاج هذه نور خبصتني تريد تحجي وياج
نور: هلو ست
نواره: هلو حبيبي شونج
نور: زينه مشتاقتلج ليش عفتيني وماتجين للروضه
نواره: اني هم كلش مشتاقتلج بس شويه مريضه من اطيب ارجع اداوم
نور: ماشي ست انتظرج
نواره: اوك حبيبي. انطيني بابا
بكر: هاا حبيبي
نواره: حبيبي تعال لاتتاخر عليه اخاف بوحدي
بكر: اي حياتي بس اتغده اجي
نواره: ماشي دير بالك ع نفسك يروحي
بكر: ماشي حبيبي وانتي هم باي
نواره: باي. كمت تغديت وجنت تعبانه فكبل نمت.
بكر: تغديت ويه نور وامي. يمه هم ياله خلي اروح
ام بكر: ماشي يمه دير بالك
بكر: بستهه من راسهه وكوه قنعت نور عندي شغل وطلعت الطريق كلش مزعج وازدحام خابرت ع صاحبي السلام عليكم
احمد: هلا بضلع
بكر: هلا حبيبي شونك
احمد: برحمة الله وينك يمعود دسأل دكول لو الزواج نساك الدنيه
بكر: ههههههه لا والله بس انت تدري زواجي صار مو مثل العالم
احمد: اي صح انحلت لو لا
بكر: انشالله انحلت. ردت اسالك شصار ع اجازتي مو كتلي اني اكملهه الك
احمد: اي كملتهه وسلمتهه عندك ٦ شهر اجازه مع الراتب عندي معارف ومشيتهه
بكر: لا بربك مع الراتب شلون قبلو
احمد: معليك اني رتبتهه
بكر: مانسالك هذا المعروف
احمد: تره احنه اكثر من اخوان ماكو داعي لهذا الحجي.
بكر: اي والله صح كلامك. يله حبيبي مع السلامه. وصلت ب٧ طبيت للبيت ضلمه شغلت الاضويه صعدت للغرفه لكيتهه نايمه اووف بستهه بشفايفه ع كيفي تحركت شويه ورجعت نامت رجعت بستهه اقوه جان تكعد
نواره: حسيت احد دا يبوسني عرفته هو كبل طفرت حضنته. حبيبي اشتاقيتلك وبسته من شفايفه من شفته حسيت روحي رجعتلي هو هم بادعلني الحضن والبوسه حسيته هو مشتاقلي اكثر ضل يبوس بيه ويتلمس جسمي.
نادر: جنت رايح اشوف نهال وهم اشوف الاوضاع بعدني براس الفرع وجان اشوف بكر كلت اي اجت وحدهه ضليت امشي وراه راح لبيتهم ضل تقريبا ساعه وطلع توجه لبغداد كلت اكيد رايح الهه وضليت وراه ونص الطريق خابرت ع نزار كتله لكيت اختك ابغداد وهو ماصدك كال جاي انتظرني وضليت وراه لحد موصل لبيت كلت اكيد هنا ضليت انتظر نزار لحد مااجه.
نواره: كوم حبيبي صلي ولاحكين الليل طويل واكيد انت حتى صلاة الضهر ممصليهه
بكر: اووف منج اي والله ممصلي كمت توضيت وصليت ورحت وكعدت بلمطبخ ونواره دا تسوي عشه اجت كعدت بحضني وباستني بشفايفي. ولج ماتحمل لاتسوين هيج
نواره: احجي بدلع ولا اني اتحمل
بكر: اخ الله شلون بيهه هذه البنيه. جان اسمع دك ع الباب الخارجيه قوي
نواره: عزه شنو هذا الصوت
بكر: كمت اريد اطلع
نواره: خفت حيل. كمشت بي لاتطلع حباب
بكر: شنو السالفه حبيبي لاتخافين بس اشوف منو واجي. طلعت فتحت الباب انصدمت شفت نزار ووراه نادر رجعت ركض للمطبخ لان الباب مفتوح مال المطبخ خاف يأذون نواره
نواره: شفت بكر اجاني يركض ووراه نزار اني هنا راد يغمى عليه من الخوف بكر واكف كدامي ونزار ونادر كبالنه
نزار: امشي وياي نواره.
نواره: نزار فدوه والله مسوينه شي غلط وعايشين بلحلال احجي وابجي وارجف من الخوف
بكر: نزار نواره مرتي انعل الشيطان وروح
نزار: جايب وياي مسدس طلعته ووجهته ع نزار وكلت لنواره تجين لو افرغ المخزن براسه
نواره: احجي وابجي بس شفايفي يرجفن من الخوف نزار اجي والله بس نزل سلاحك ردت اروح لنزار جان يجرني بكر
بكر: ع جثتي وماتروحين وياه .
نواره: بس كلي هيج جان نزار يضرب بكر طلقه .....

وللحمايه بقايه😉
اسفه حبيباتي جنت ابيتي وماعندي نت وقبل شويه اجيت لأهلي ونشرت اعذرني الاحداث صارت مشوقه  والجاي اشوق بعد احبكم😘