قلوب_ حائره

البارت الرابع

نواره: دك تلفوني باوعت رقم غريب جاوبت عادي لان اني عادي اجاوب ارقام غريبه مو من النوع الي تكول ماجاوب ارقام غريبه واعتقد هذا شي صار قديم لان لايقدم ولايأخر باخلاق البنيه برأيي. كلت الوو
نور: شونج ست اني نور
نواره: هلو حبيبتي شونج
نور: ست مشتاقتلج
نواره: واني هم كلش مشتاقتلج
نور: ست خلي اشوفج كاميرا
بكر: اني كاعد يم نور من خابرت ع نواره واباوعلهه من تحجي وياهه عبالك تحجي ويه امهه واشوفهه فرحانه فرحت من يمي لان اكو شخص دا يعوضهه مكان امهه حتلو بشي قليل  بعدهه كالتلهه خلي اشوفج كاميرا فرحت لان اني هم مشتاق اشوفهه. للكاتبه نبراس الخالدي
نواره: اوك حبيبتي دكي كاميرا
نور: حسده وارجع اتصل كاميرا
نواره: اوك. جنت لابسه تراك شتوي وكبوس لان بارده رجعت اتصلت. هلو شنو هلجمال
نور: ههههه وانتي هم حلوه حيل
بكر: باوعتلهه لابسه تراك وكبوس لون وردي واني اعشق هذا اللون وانوب منطيته جمال زايد ضليت صافن عليهه وهي تحجي وتضحك اول مره اشوفهه تضحك هيج جنت من اشوفهه لو مبتسمه لو ماكو.
نواره: خلي اشوفج قنوده. وهذه قنوده تشبهني مو
نور: الله ست تخبل منو هذه
نواره: هذه بنتي
نور: تشبهج كلش
بكر: توقعتهه بنت اخوهه بس من كالت بنتي ضليت صافن يعني مزوجه حسيت نفسي فجأه وكعت من اعلى طابق ع راسي مصدوم عفتهه تحجي ويه نور وطلعت بره مخنوك حيل. للكاتبه نبراس الخالدي
نواره: يله حبيبتي حروح بعدين نتخابر. ونامي الضهر حتى ترتاحين ومفيد الج
نور: اوك ست حنام. بيباي
نواره: بيباي. نومت قنوده واني ضليت احضر ملابسي وملابس قنوده مال الطلعه صارت ب٤ طبيت سبحت وبدلت وكعدت قنوده غسلتلهه وبدلتلهه ونزلت لكيت هيثم ونهال مبدلين.
هيثم: هاا نطلع خلصتو
نواره: اي يله خلصت اني. رحنه لبيت نزار
نزار: هاا يله بس خلي تنزل رنا
هيثم: يله اتاخرنه
رنا: يله خلصت وين حماده؟
نزار: بسياره صعد. للكاتبه نبراس الخالدي
نواره: رحنه بسيارة نزار وكضينه الطريق كله نشاقه ونضحك وصلنه كلش تونسنه وتعشينه بره رجعنه للبيت ب٩ بسرعه نمنه من التعب.
بكر: طلعت بره بسياره افتر وحيل مخنوك وافكر معقوله طلعت مزوجه يعني هسه هي متونسه ويه زوجهه واني هنا كاتلني القهر بس اني نتبهت هي مالابسه حلقه معقوله حبيتهه بهذه السرعه اوووف صار الليل واني افتر بلسياره وماطايق نفسي رجعت لكيت الكل نايم طبيت لغرفتي لكيت نور هم نايمه ضليت صافن عليهه والعب بشعرهه وهي نايمه واكللهه توقعت اجيب ام الج وحبيبه اليه بس يمكن الله مايريد من كثر مامخنوك نزلت دمعتي بدون ماحس مسحتهه وحطيت راسي ع المخده وافكر من اول مره شفتهه لحد هذه اللحظه ماكو شي بيهه ماينحب لدرجه كمت احسد زوجهه عليهه اووف استغفر الله ربي ميصير هيج افكر هي ع ذمة واحد ثاني خلال اسبوع هيج بهذلت احوالي ضليت افكر لحد منمت.
نواره: كعدت الصبح لكيت الكل كاعدين ع السفره وحتى قنوده كايمه من يمي وماحسيت عليهه. صباح الخير
الكل: صباح النور
هيثم: شنو من اصحاب الكهف لسه نايمه
نواره: اي والله تعبنه البارحه
هيثم: انتي ونهال كوه سحلتهه من الفراش قابل جنتن تحاربن مو صوجن مو مال طلعه هههههه
نهال: غير انت مامعودني ع الطلعه
نواره: ههههههه صدك مامتعودين اشو سيارة الخط تاخذني من الباب للباب
هيثم: غير اخاف عليج حبيبتي وماطلعج
نهال: يمه فديته اليخاف عليه
بابا: كافي اكلو دوختونه
هيثم: خوش كبسه
الكل: ههههههه. للكاتبه نبراس الخالدي
ماما: يله اكلو حبايبي ابوكم مامتعود ع الرومانسيه
بابا: يا مره ماشبعني رومانسيه صارلج ٣٥ سنه
نواره: اويلي طلع حب. قنوده شبيج ضايجه
قنوده: معليه اليد بيطه عين😔
نواره: مو تؤمرين هسه اسويلج. كملنه ريوك نضفنه كلعاده اني ونهال احاول اساعدهم ع كد ماكدر بأيام العطله لان بلدوام كلشي مااشتغل وياهن. وبعدين امي سوت الغده صعدت بغرفتي قنوده تلعب بالايباد واني اكلب بتلفوني دا اكلب بلفيس وطلعلي بلمقترحات صفحه ضليت صافه ع الصوره الشخصيه هذا مو بكر ابو نور طبيت ع الصفحه وكمت اكلب بلصور فعلا طلع هو واكو صور لنور وياه هم ابتسمت الصور اتجنن ولبسه انيق وتحسي عبالك عارض ازياء كجسم وشكل وشخصيه. طلعت من الصفحه واني مبتسمه هذا الرجل بي جاذبيه عجيبه وبلحظه اتذكرت الي سواه بيه طليقي ونكلبت ابتسامتي الى غصه وكلت بداخلي اكيد هو ميفرق ع جمال بشي كلهم نفس الطينه وشمرت التلفون من ايدي ع الجربايه ذاك هم جان شكله حلو بس جان يتفنن بجرحي وتعذيبي وكامن ادموعي يصبن لمن اتذكر شلون جان يأذيني ويضربني ويغلط عليه بأوجع الكلمات احسهه لسه تاكل بيه الفاضه الفاسقه واتذكر لمن يشوفني ابجي ومنهاره من اذيته اليه وهو يضحك ويستهزء بيه كأن دا يستمتع بأذيتي.  ليش دائما الاذيه تجي من اقرب الناس النه ناس المفروض يكونون دوه لجروحنه ناس المفروض يكونون يحبونه ويتمنون الخير النه. ضليت متمدده ع الجربايه  وصافنه بلسكف واكول ربي مروتك ساعدني حتى اكون قويه لاتتركني ابد ماعندي غيرك قنوده شافتني ابجي اجت حضنتني احسهه تحس بيه اني هم بادلتهه الحضنه وكتلهه اوووف حضنج دوه بمجرد ماحضنتهه حسيت نفسيتي رتاحت.
ام نزار: ماما نواره تعالي اتغدي
نواره: مسحت دموعي وصحت اي ماما جيت. يله قنوده خلي نروح نتغده نزلت سمعت صوت غريب بلمطبخ لبست الكبوس مال التراك وطبيت... للكاتبه نبراس الخالدي

وللحكايه بقايه...😉