قلوب_ حائره

البارت الثالث

نهال: خلي ننزل نتغده وبعدين اجيج ونسولف
نواره: اوك حبي ع راحتج. انزلي هسه ابدل وانزل وراج. بدلت ورحت صحت بابا وقنوده لكيتهه تلعب بلايباد مالتهه. ماماتي قنوده
قنوده: ماما
نواره: اجت تركض وحضنتني. اشتاقيتلج حبيبتي يله تعالي خلي نروح ناكل عميه
قنوده: اي ماما اليد عم
نواره: نزلنه تغدينه وصعدت لغرفتي نومت قنوده وجان عندي شغل للروضه خلصته ونمت كعدت المغرب صليت وسويت عشه ويه نهال. للكاتبه نبراس الخالدي
نهال: ردت اجيج الضهر نسولف بس اخوج حصرني هههههه
نواره: هههههه اي عيني اليوم اجه مشتاق
نهال: اي ههههه اجيج وره العشه
نواره: اوك اي تعالي ماعندي شي. كملنه العشه وتعشينه وضلينه كاعدين نسولف كلنه. اكلكم اشو نزار مختفي صارلي يومين مشايفته
بابا: اكيد دوام ويتعب فماعنده مجال
نواره: اي والله صدك الدوام متعب. صارت ب١٠ صعدنه اني قنوده للغرفه ضلت هي تلعب بلايباد واني العب بتلفوني.
نهال: شونكم ياحلوين
نواره: هلو تعالي طبي كعدي
نهال: نهال بدون مقدمات. اخويه يريد يخطبج شتكولين
نواره: نهال انتي تدرين بيه اني رافضه هذا الموضوع لاتزعلين مني
نهال: الى متى والله مو كلهم سوه احمد شاريج ويحبج يكول اخذت كلبي ومستعد يسوي كل الي تردي وحتى بنتج يكول احطهه بعيوني
نواره: خليني افكر
نهال: ماشي حبيبتي فكري وكليلي. خلي اروح لخوج لا يجي يبصطني هههههه
نواره: ههههه اي روحي حبي. اني كتلهه افكر بس حتى مازعلهه بس اني قراري معروف ماغيره ماريد ازوج. ضليت العب بتلفون باوعت لقنوده لكيتهه نايمه غطيتهه ونمنه. كعدت الصبح كلعاده بدلت واجاني الخط ورحت للدوام وهم نفس الروتين بنهاية الدوام اجتني نور
نور: ست
نواره: هاا حبيبتي كولي
نور: ست نطيني رقمج حتى اخابرج وادزلج صوري حبابه ست
نواره: مو تؤمرين شعندي كم نور اني. انطيتهه الرقم وراحت وخلص الدوام ورجعت للبيت.
بكر: رحت لنور اخذهه من الروضه اجت صعدت بلسياره بس ضليت واكف انتظر نواره تطلع حتى اشوفهه حبيت اشوفهه من بعيد. شويه وطلعت اباوعلهه تمشي بهدوء ومدنكه ولبسهه انيق ومحتشم ضليت اباوعلهه لحد موصلت للخط مالتهه وراحت.
نور: بابا شعدنه واكفين امشي
بكر: هاا اي يله. شونهه بنوتي اليوم بلدوام
نور: زينه واخذت رقم ست نواره هم
بكر: من كلتلي اخذت رقم ست نواره طبكت بلسياره ع صفحه وباوعت عليهه كتلهه صدك اخذتي يعني هسه هو عندج
نور: اي هذا بلجنطه. كتلهه اريده حتى اخابرج وادزلج صوري. للكاتبه نبراس الخالدي
بكر: كلش فرحت من صار رقمهه عندي. كتلهه اليوم انتي بس اؤمري شتريدين اكل من بره
نور: اممممم اريد لفة همبرغر وببسي
بكر: تدللين يروح ابوج.
نواره: وصلت للبيت بدلت وتغديت وسألت ع نواره كالو يم بيت نزار تلعب ويه حماده بعدهه لفيت راسي ونمت كعدت المغرب كلعاده صليت وتعشينه وسهرنه كلنه نسولف ونتشاقه كتلهم شنو رأيكم باجر نشوي سمج ونتجمع كلنه بما ان جمعه وعطله
ماما: اي والله خوش فكره
هيثم: اني عليه اجيب السمج
نواره: اي واحنه نشوي هنا بلبيت. ضلينه نسولف اكلك هيثم روح جيب قنوده يم حماده حباب
هيثم: اوك
نواره: وبعدهه راح هيثم جاب قنوده واجه من بيت نزار وصعدنه نمنه. كعدت الصبح تريكنه كلنه سوه ونضفنه البيت اني ونهال وبعدين اجه هيثم جاب السمج
ماما: خلي اخابر نزار يجي يتغدون يمنه هو ومرته وابنه
نواره: اي ماما قبل ميسسون غده. خابرتهم امي وشوي واجوي
رنا ونزار: السلام عليكم
نواره: هلو نزار حبيبي شونك
نزار: هلو ام قنوده شونج
نواره: برحمة الله البارحه جنت ابسيرتك كلت اشو نزار مختفي
نزار: تعرفين بعد دوام اني ورنا
نواره: اي صح. شونج رنا
رنا: هلو نواره شونج شخبارج
نواره: الحمدلله. تعال حماده حبيب عمتو خلي ابوسك. سلمنه عليهم كلنه وكعدنه ننتظر الاذان نصلي ونصب غده. اكلج رنا ليش متجيبين حماده يمي بلروضه
رنا: لا حبيبتي ماخلي بروضه حكوميه. الروضه مالته اهليه ونموذجيه مابدلهه وحتى لمن يصير بلمدرسه هم اهليه
نواره: تحجي وتعوج بحكلهه. براحتج بس اني كلت حتى يمي وادير بالي عليه نزار انتبه ع مرته وكلي تسلمين ام قنوده منريد انتعبج
نواره: ولوو حبيبي تعبك راحه. صبينه غده وتغدينه وكاعدين كلنه دا نشرب جاي. اكلك هيثم متودينه العصر لمدينة العاب صارلي هواي ممطلعه قنوده
هيثم: تدللين الغاليه
نزار: اني اوديج هم صارلي هواي ممطلع حماده
نواره: ماشي خلي كلنه نطلع سوه
هيثم: ماشي نروح اني ونهال وياكم. صارلي هواي مملعب نهال بلملاعيب وكام يضحك هههههه
نهال: ههههه اي والله مشتاقه العب بلملاعيب
نزار: هههههه ماشي لعد نروح كلنه اني ورنا وحماده وانتو هم. يمه انتي ماتروحين
ام نزار: لا يمه عدنه واجب اني وابوك نروح العصر
نزار: ماشي براحتكم. يله نترخص احنه. ب٥ نطلع حضرو نفسكم. مع السلامه
نواره. وهيثم: ماشي الله وياك
نواره: صعدت لغرفتي نومت قنوده ودك تلفوني.... للكاتبه نبراس الخالدي