قلوب_ حائره

البارت الثاني عشر

نزار: هاا ولك مو اكول عليك ناقص بس محد يصدك
بكر: نزار عيب هذا الحجي
نزار: تعلمني العيب ابن الك....ك ضربته بوكس ع وجهه
بكر: ضربني جان ارجع اضربه متحملت من غلط على ابوي ضلينه واحد يضرب الثاني وكوه فاككنه هيثم
هيثم: كافي فضحتونه. كامش نزار وكلساع يهد عليه يريد يضربه. بكر احنه منريد منك شي كول وين نواره
بكر: كتلكم مادري اني شدخلني بلموضوع
نزار: لا تدري واذا ماطلعهه ادفنكم ثنينكم هيثم هدني عليه هاي لثاني مره يسويهه بس هلمره مارحمه
بكر: انت شنو كوه تريد تركبهه براسي احجي واني عيوني يجدحن عصبيه واصيح وحلكي وخشمي يجري دم
هيثم: امشي نزار احنه نتصرف بطريقتنه
نزار: وداعت ابني اذا ماخليك تتمنه الموت ماطلع نزار
بكر: هيثم كوه جره وراحو طبيت للبيت دمي فاير
ام بكر: عزه يمه صخام هذا شبي وجهك ومنو ذوله التعاركو وياك
بكر: ماكو شي يمه عركه بسيطه
ام بكر؛ يابسيطه يمه انت شفت وجهك كلي منو ذوله وريح كلبي
بكر: تعاي اكعدي وارتاحي لايصعد ضغطج لخاطر الله
ام بكر: يله كعدت احجيلي
بكر: وهاي كل السالفه بس والله يمه ماسوينه شي غلط جانت خايفه وترجف واذا رجعت يذبحوهه
ام بكر: لطمت ع وجهي ولك يمه راح تضيع نفسك وياهم ولك هذه بيهه عشاير ماخفت عليه ماخفت ع بنتك ولك يغدروك ويكتلوك هذه سالفة شرف
بكر: يمه حسي بيه احبهه والله ماكدر اسلمهه الهم يأذوهه
ام بكر: صخام يمه ياحب انت تدري شسويت بروحك
بكر: ادري يمه ومستعد احارب الدنيه علمودهه. اني راح اسافر فتره بس تهده الاوضاع نرجع
ام بكر: يمه سوده بوجهي وتعوفنه وبنتك شكللهه تريد تيتمهه
بكر: يمه لخاطر الله ماناقص لاتزيديهه عليه كليلهه سافر بشغل ماريدهه تشوفني هيج
ام بكر: تعال يمه اعقملك وجهك
بكر: لا ماكدر مستعجل بس اذا مسويه اكل حطيلي اني ونواره بحافظات صغار وراح اعوف السياره هنا خاف يراقبوني
بكر: اي يمه مسويه راح احطلك ع السريع. حطتلي اكل وبست راسهه وعبرت السياح الوره البيت واجرت تكسي ورحت وصلت للبيت اني عندي مفتاح فتحت وطبيت البيت هدوء ماكو صوت حطيت الاكل بلمطبخ وطبيت جوه لكيتهه نايمه ع التخم ودموع لسه بوجهه ثنيت رجليه كدامهه وضليت اباوعلهه شكد ناعمه وشكلهه هادئ شعرهه صاير ع نص وجهه وخرته بيدي جان تحس
نواره: حسيت بحركه ع وجهي كبل طفرت شفته بكر كتله خوفتني باوعت هذا شبي وجهك
بكر: لاتخافين حبيبي لا هيج عركه بسيطه
نواره: خواني هيج سوو بيك مو وكمت ابجي
بكر: اشششش واخذتهه بحضني اني هم ضربته متعادلين لازم نطلع اليوم لبغداد ومناك لاربيل للأمان مانكدر نبقه اكثر
نواره: اخذني بحضنه الي انسه بي حتى الدنيه اوووف حبيته. سوده عليه ضربت نزار مو وانوب عدكم خلاف اوووف يربي وربي لو يلكاني مايرحمني
بكر: مايلكاج حبيبي لاتخافين اوك يله تعالي نتغده امي سوته
نواره: خالتي درت شكد عيب
بكر: اي درت ماترهم ماسولفلهه وخصوصا العركه صارت يم البيت وسمعت الصياح
نواره: الله اليستر من الجاي. يله نتغده بس خلي احمي اكيد برد بس تعال خلي اعقم وجهك
بكر: لا مابي شي بس اغسله يروح يله حضري الاكل علما اغسل كتلني الجوع
نواره: ماشي حضرت الاكل وكاعده انتظره وتذكرت عزه مالابسه حجاب كبل حطيته ع راسي بس بدون مالفه
بكر: لكيتهه تنتظرني بس حاطه حجاب ع شعرهه ضجت بداخلي بس عبرتهه عادي كعدنه ناكل بس جان الصمت سيد الموقف اباوعلهه تاكل بهدوء واحس بالهه شارد سويت احم احم وهي مو يمي عليت صوتي وسويت احمممممم
نواره: سوه احم بصوت عالي باوعتله كتله اجيبلك مي
بكر: بشنو دا تفكرين وين بالج
نواره: دنكت بالي يم قنوده ويم اهلي تتوقع العالم عرفت وصار فضيحه؟؟
بكر: ماعتقد راح يسوون بلبله ويفضحون رواحهم
نواره: واكيد امي هسه ارتفع عدهه السكر اوووف ميتة شغله براسي اني شسويت
بكر: كمت من مكاني ودنيت الكرسي عليهه وكمشت وجهه بيدي الي صار مو بيدج ولا بيدي الي صار قدر الله كاتبه النه لاتضلين تفكرين فدوه
نواره: بكلبي كلت شنو من قدر الي راح يودينه وره الشمس قدر راح يخلي ناس تكتل ناس ضليت اباوع بعيونه وكتله بكر
بكر: عيونه لبكر
نواره: برأيك اني اختاريت صح؟؟
بكر: فاجأني سؤالهه. انتي بشنو حاسه؟
نواره: ماعرف بالي مشتت
بكر: ماعرف اذا صح او غلط بس كل الي اعرفه اني احبج ومستعد افديج بروحي خلي هذا الشي ابالج.
نواره: هزيت براسي بمعنى اي. اسويلك جاي؟ كتله هيج لان كلش استحيت يباوعلي وبده ياكلني ردت اغير الموضوع
بكر: ههههه لا ماريد راح اروح انام شويه تعبان حتى بليل نطلع لبغداد
نواره: اوك