قلوب_ حائره

البارت الثالث عشر

نواره: انعصر كلبي من كلي خلي نطلع بسرعه. وين نروح
بكر: شبيج خايفه نروح نعقد ميصير نضل ابيت واحد واحنه ممزوجين. بس انتظري شويه ولد صاحبي راح يجيبلي سياره.
نواره: هاا اي صح. من كلي نعقد خفت صح اني احبه واريده بس متمنيت بهيج ضروف تمنيت اهلي وياي ويشاركوني فرحتي.
بكر: وين رحتي بشنو دا تفكرين. شنو متريدين نزوج
نواره: لا اريد طبعا بس تمنيت بغير ضروف
بكر: اني هم مثلج تمنيت هواي اشياء بس هذا الي كاتبه رب العالمين مابيدنه شي يله حضري نفسج بسرعه هم ياله انلحك
نواره: اوك. حضرت نفسي بسرعه اصلا هنه نفس ملابسي صارلي يومين بيهن مانتو وبنطرون بس لبست حجابي وطلعنه رحنه عقدنه وبعدهه اخذني للسوك اشترينه كومه شغلات اليه خطيه ماخله شي بنفسي كأن دا يجهزني عروس ودا يحاول يعوضني اشترينه تراكات وملابس مال طلعه وحجابات ومكياجات وعطور وهواي شغلات جهاز عروس كامل والحلو بي ان مامتقيد بلبس معين مخليني ع راحتي بلبس بس بحدود وهو هم اشتره اله شغلات وهو هم جايب ملابس وغراضه وياه يعني ماحتاج هواي شغلات وكامش ايدي ابد متركهه ومبين عليه الفرحه يضحك للهوه رغم كل هلضروف الي احنه بيهه.
بكر: حبيبي بعد محتاجه شي اشتري الج
نواره: لا بلعكس اشتريد اكثر من الي محتاجته شكرا
بكر: شنو شكرا ولج انتي مرتي انتي مو اطلبين انتي تؤمرين
نواره: حيل فرحني بكلامه. ابتسمت ودنكت
بكر: فديته اليخجل. خلي اشتريلج خط جديد وذاك اكسري وذبي اوك حبيبي
نواره: ماشي اشترالي خط جديد ورجعنه للبيت هو طب كدامي شايل الغراض وصلت باب المطبخ وضليت واكفه وخايفه يعني هسه اني صرت مرته بس بعدني مامستعده انطي حقوقه شلون اذا طلب هذا الشي مني وهو حقه
بكر: شبيج واكفه مطبين
نواره: هاا اي راح اطب
بكر: واضح عليهه الارتباك وفهمته الشي الحلو بيهه متعرف تمثل كبل يبين عليهه الخوف وأي ردة فعل اجيت تقربت عليهه كتلهه حبيبي
نواره: تقرب عليه واني دكات كلبي صارن طبل
بكر: شنو خايفه مني ليش مرتبكه انتي صح هسه صرتي مرتي بس لاتتوقعين اخذ شي عصبآ عنج وخصوصا ذيج الشغله اذا منكون متفقين عليهه ورغبه من الطرفين ماريدهه اوك خلي هلشي ابالج
نواره: من كلي هيج من الخجل احس دخان كام يطلع من اذاناتي وخشمي ووجهي صخن عزه شكد عيب ضليت بس مدنكه
بكر: ولج شوفي وجهج صار احمر راح تنفجرين رفعت راسهه بيدي وتقربت عليهه بستهه بخدهه وكتلهه يله راح اروح اجيب غده جعت واتسوك بطريقي.
نواره: مجرد قربه مني يخلي جسمي يرجف ونوب باسني بخدي وبتسم وطلع هههههه احس وياه بأحساس يجنن. من طلع رحت رتبت غراضي وطبيت سبحت ولبست تراك لون بصلي يخبل وجاي ع جسمي كلش حلو وحطيت مكياج خفيف وشعري لجتفي طوله مبلل فعفته نازل حتى ينشف بس شلت خصله منا ومنا وكعدت بلمطبخ انتظره وشاعله الصوبه وخليت الخط بلجهاز ودا اسوي بي.
بكر: جبت غده واجيت فتحت الباب ع كيفي وطبيت للمطبخ شفتهه طالعه تخبل ضليت صافن عليهه اووف ربي مروتك لتخليني اطمع بيهه اريد اخليهه ع راحتهه ماريدهه تضوج مني.
نواره: صدفه رفعت راسي لكيته واكف كبالي وصافن عليه ومبتسم خجلت وابتسمتله كمت كتله محسيت بيك يمته جيت
بكر: ماصارلي هواي نعيما سبحتي
نواره: دا اخذ منه الغراض واحاجي كتله اي شكرا
بكر: انتي ليش هلكد حلوه
نواره؛ باوعتله وابتسمت فدوه بكر لاتخجلني
بكر: ههههههه اوك سكتت يله حضري الاكل علما اسبح ع السريع واجي
نواره: اوك حضرت الاكل وسويت زلاطه وحسيت احد حاوط خصري بأديه فزيت باوعتله هذا انت؟
بكر: لا جني هو اكو احد غيري وياج بلبيت
نواره: لا بس حبيبي وياي بلبيت
بكر: اول مره تكول حبيبي صفنت عليهه وابتسمت شو بله عيديهه
نواره: خجلت بس تجرأت وكتله حبيبي وحياتي هم
بكر: نعلعلا عشيرتي ع هذا الحلك للينكط عسل  ولج احبج وروحي بيج
نواره: واني اعشقك مو بس احبك
بكر: اخذتهه بحضني وشلتهه وكمت افتر بيهه
نواره: هههههه حبيبي لا اوكع
بكر: معقوله توكعين وانتي بحضني كعدت ع الكرسي وكعدتهه بحضني تدرين اول مره يدك كلبي والج دك
نواره: واني كلبي ودكاته كلهه الك وملكك
بكر: ولج ماتحمل لاتحجين هيج
نواره: تقربت اكثر ع وجه وصارت انفاسه قريبه مني كلش كتله ولا اني اتحمل بس احس انفاسه خدرتني كوه احجي واحس انفاسه علت وكل ماتقرب منه تعله اكثر
بكر: ماتحملت كلامهه ذوبني تقربت ع شفايفهه بستهه ع كيف وانوب اخذتهه بحضني حيل وبستهه بوسه اعمق واقوه بس الحلو جانت مستسلمه ومتفاعله وياي بكل حركه وبكل نفس استمرت البوسه دقايق واحنه نسينه العالم بيهن كأن ماكو احد غيرنه بلدنيه متحملت طمعت بيهه اكثر بديت اتلمس جسمهه حطيت ايدي ع صدرهه جان تفز.
نواره: باسني من شفايفه رحت بغير عالم ستسلمت وكلشي بيه استسلم اله نسيت حتى نفسي ذبت بحضنه بده يتلمس جسمي واجه حط ايده ع صدري فزيت كأن صحيت كتله يله خلي نتغده اني جعت
بكر: تحججت بلاكل اني ضحكت كتلهه يله خلي ناكل
نواره: اكل واني مستحيه عزه شلون سويت هيج بس والله مو بيدي احبه اكل ومدنكه مخليت عيني بعينه ابد
بكر: تاكل ومدنكه ومستحيه بس اوووف اموت ع خجلهه كلشي بيهه يثيرني شسويتي بيه.
نواره: كملنه غده واني اتهرب منه ومن عيونه كمت دا اغسل بلماعين جان يحضني من وره وباس ركبتي وهمسلي احبج غمضت لا ارادي وكتله اموت بيك
بكر: اطلب منج طلب؟
نواره: شنو
بكر: تعالي نامي بحضني حبابه
نواره: هاا لا نام وحدك
بكر: والله ماسوي شي بس نامي بحضني
نواره: اممممم اوك بس خلي اسويلك جاي
بكر: ماااااريد جاي يله جرني من ايدي يله تعاي
نواره: ضحكت غسلت اديه بسرعه وكتله ثواني والحكك والله
بكر: اوك انتظرج وانطيتهه بوسه بلهوى
نواره: ضحكت كملت الماعين بسرعه وفرجت اسناني وصعدتله لكيته لابس كيمونه وشورت بس متغطي ودا يلعب بتلفونه
بكر: اكلج حبيبي حطيتي الخط بتلفونج
نواره: اي سويته. ضليت واكفه يم الجربايه استحي انام يمه وانتظره هو يكلي تعالي
بكر: شبيج مسطوره متجين فتحتلهه اللحاف  وكتلهه تعالي حبيبي
نواره: لحظه نزعت الستره مال التراك وبقيت بلبجامه هي قديفه بس لازكه ع جسمي وبدي ربع ردن هم لزك ع جسمي لان الستره ثخينه مو مال انام بيهه
بكر: بقت بس بلبدي وربع ردن وجسمهه ثلج ورشيقه والبجامه لزك عليهه خرب بأهلج ع هذا الجمال
نواره: شفته صافن عليه وبده ياكلنه كتله بكررررر لاتضل باوعلي هيج استحي والله
بكر: هههههه يله تعالي لو تنزعين بعد
نواره: لاااا هاهيه اوف منك متكدر الا تخجلني
بكر: ههههه
نواره: فتحلي اللحاف رحت نمت بحضنه اوووف حضنه دافي يخبل لا ارادي يحسسك بلأمان وجهي صار بصدره وعطره يجنن خدرني
بكر: من اجت بحضني اوووف بدي احطهه بين ضلوعي حضنتهه حيل وهي عصفوره صارت بحضني ونوب خلت رجليهه بين رجليه نوب تخبلت عليهه رفعت وجهه وبستهه بشفايفهه ونزلت ع ركبتهه
نواره: باسني من شفايفي ونوب يتفنن بلبوسه يخليك غصبا عنك تتفاعل وياه نوب نزل ع ركبتي دفعته كتله هاا يله خلي انام
بكر: ههههه يله تعالي والله نعسان راح انام
نواره: ابتسمت ورجعت لحضنه ونمنه.
بكر: نايم وحسيت التلفون يدك كعدت هذه امي جاوبت ع كيفي لان نواره نايمه الوو
ام بكر: هاا يمه شونكم
بكر: بخير يمه الحمدلله نور شونهه
ام بكر: تسأل عليك كتلهه شغل كوه قنعتهه. بس يمه!
بكر: شكو يمه كولي
ام بكر: الصبح اجه اخو نواره ويكول امي بين الحيا والموت وبلمستشفى وتهذي بسم نواره خلي تجي تشوفهه واني انطيهه الامان محد يتقربلهه
بكر: انتي من كل عقلج هذا درب مسوي حتى يكمشوهه التفت ع نواره تباوعلي وتبجي...

وللحكايه بقايه😉