قلوب_ حائره

#البارت الثاني

#Nbras
نواره: وعليكم السلام تفضل
بكر: شونج ست نواره
نواره: تمام الحمدلله بشنو اكدر اخدمك
بكر: جيت اسأل ع نور ووضعهه بلدوام
نواره: نور هادئه وحبابه بس احيانا تتصرف بعدائيه وتعاند
بكر: فعلا هذا الشي صحيح بس هي مجانت هيج بس بعد وفاة والدتهه هيج صارت. اباوعلهه تحجي بهدوء ومتباوع بعيوني من احجي واذا باوعت فخطف متركز بس معانيهه كلش حلوه وبريئه تخلي الواحد كوه ينجبر يسرح بيهه. للكاتبه نبراس الخالدي
نواره: اهاا الله يرحمهه. جانت متعلقه بيهه؟
بكر: ويرحم امواتج.  مو كلش لان امهه جانت موظفه بس علاقتهه قويه بيهه جانت
نواره: هو هذا السبب تحس بنقص لان تشوف البنات عدهم ام وهي لا
بكر: بلبيت خابصتنه بيج كالت ست نواره وحجت ست نواره حتى قبل الاكل تجبرته نغسل ادينه كلنه تكول ست نواره تكول لازم الواحد يغسل ادينه قبل الاكل هههههه
نواره: بتسمت ابتسامه خفيفه واني هم كلش احبهه
بكر: زين بشنو تنصحيني
نواره: نصيحتي ان تهتم بيهه زايد وحاول تتقرب منهه وكون الهه صديق قبل متكون اب واقضوا وقت سوه ولا تتحسسهه ان انت منشغل عنهه.
بكر: انشالله اني جدا اشكرج واسف اخذت هواي من وقتج
نواره: مو مشكله هذا واجبي. اباوعله يحجي بثقه ورزانه بعدين انتبهت ع نفسي ودنكت. وبعدهه اخذت نفس ورجعت رفعت راسي وكتله اكدر اساعدك بشي ثاني
بكر: تسلمين عن اذنج. وصلت للباب ورجعت الهه. بلا زحمه اكدر اخذ نور وياي
نواره: وصل للباب ورجع عليه كلي اكدر اخذ نور كتله اي مو مشكله
بكر: شكرا. اخذت نور وطلعت وهي ابالي مدا تروح من بالي اتذكر وجهه وملامحهه وطريقة كلامهه فزيت ع صوت نور
نور: بابا شبيك دا اصيح  ومترد
بكر: كولي بابا اسمعج. للكاتبه نبراس الخالدي
نور: وين راح انروح
بكر: اؤمري اي مكان تحبي نروح
نور: خلي نروح نلعب بلملاعيب
بكر: مو تؤمرين اخذج للمتزه نلعب هناك اوك
نور: ايييي يحيا بابا هههههه
بكر: هههههه. اعرفكم ع نفسي
اسمي بكر عمري ٣٤سنه مهندس اشتغل بشركه مال نفط مواصفاتي عيوني سود بس عيوني كبار وشعري عالي رافعه ليفوك وطولي ١٧٥ ووزني ٨٥ جسمي رياضي لان محافظ ع رشاقتي بشرتي حنطاويه. تزوجت بنت خالتي  بس زواج تقليدي جانت رغبة امي ومجان عندي اعتراض مشت حياتي وياهه عادي هي تأدي واجباتهه واني هم بس حياتنه جانت بارده مابيهه روح لحد ماكتشفت بيهه مرض خبيث بصدرهه(سرطان الثدي) عالجناهه بكل الي نكدر عليه بس مامكتوبلهه تعيش وتوفت قبل سنه اكثر شخص تأذه نور صارت عنيده ومتسمع الكلام بس دائما تحجي بمعلمتهه وتسوي كل الي تعلمه الهه وتحبهه حيل فكلت لازم اروح احجي وياهه حتى تنصحني شلون اتعامل ويه نور. بس من رحت تفاجأت بيهه توقعتهه مره حبيره بلعمر طلعت شابه صغيره وحلوه وسلوبهه هادئ وجذاب.
نواره: خلص الدوام عادي نفس الروتين رجعت للبيت لكيت هيثم جاي من الدوام سلمت عليه.
هيثم: هلا بلغاليه ام قنوده
نواره: شونك حبيبي مشتاقتلك تاخرت هلمره
هيثم: اي والله جان عدنه انذار
ام نزار: يله خلي اصب غده. كومي نواره بدلي وصيحي ابوج بلغرفه
نواره: ماشي ماما. لعد قنوده وين
ام نزار: يم ابوج بلغرفه
نواره: هاا اوك. صعدت للغرفه. اندكت الباب. تفضل... للكاتبه نبراس الخالدي
نهال: هلو حبي شونج
نواره: هلو وينج يمعوده مختفيه
نهال: رحت لأهلي كلت قبل ميجي هيثم
نواره: هاا تمام حتى تكضين الاجازه كلهه وياه😉 يمه الحب يمه هههههه
نهال: بعد هذا العشق مالتي
نواره: فدوه ربي يديم محبتكم
نهال: تسلمين يروحي. اكلج اريدج بموضوع
ام نزار: نهال نواره وينجن صبيت غده
نواره: اي اجينه ماما. اي كولي حبي....للكاتبه نبراس الخالدي

وللحكايه بقايه😉