قلوب_ حائره

البارت الثامن

نزار: حجيت كلمتين واختنكت ماكدرت اكمل كتلهم هذا موضوع يخصني ماريد احجي بي وهذا ممنوع يطب للبيت ولا اريد اشوف خلقته هنا.
ابو نزار: بس احنه لازم نعرف وبعدين اشو انت ماعندك احترام لوجودي تنطي اوامر واني كاعد
نزار: لا حشاك بويه بس هذا شي يخصني وماريد احجي بي خلي اروح للبيت اتاخرت
هيثم: شنو يخصك انت شفت العركه الصارت بره هذا الموضوع كلنه يخصنه ونريد نعرفه
نزار: هيثم عوفوني بحالي لخاطر الله وكتلكم سدو هذا الموضوع خليت وطلعت رحت للبيت.
نواره: اني بس صافنه عليهم وبالي يم بكر اكول ليش مارفع ايده او غلط ع نزار مثل ماهو غلط عليه جان حيل مسالم وتصرف بعقل حيل عجبني وطلع نزار وكلشي مافتهمنه منه ابويه صار عصبي وراح لغرفته وامي لحكته وهيثم هم كام يحجي وكال شنو احنه جهال حتى مايحجيلنه وتعصب وراح لغرفته وهم نهال لحكته بقيت كاعده وحدي وحتى نسيت اني مريضه ضلت سالفه توديني وسالفه ترجعني صارت ب١١ واني بس افكر وحتى نسيت قنوده ضليت اتلفت ادورهه لكيتهه نايمه ع التخم سوده عليه حبيبتي شلتهه وصعدت فوك حطيتهه بفراشهه ومددت بلفراش شلون اعرف الموضوع اموت اذا ماعرفت شنو الشي الجبير الي خلاهم هيج اجتني فكره احسن شي اخابر بكر واطلب منه يحجيلي بس خاف يفشلني ومايقبل يحجي اتصل بي واطلب منه بلكي يقبل بس ماعندي رقمه كل هذه الافكار والكلام احجي ابالي وفاصله عن الدنيه. اخابر نور واكللهه انطيني بابا بس خاف هسه نايمه شلون!!!
اكيد هي تنام يم ابوهه والتلفون يمهم شلت التلفون ودكيت..
بكر: طلعت من يمهم دمي فاير يعني مايطلع نزار الا اخو نواره خرررب بلحظ احجي واضرب بلستيرن استغفر الله ربي باوعت لنور شفتهه تباوعلي وخايفه كتلهه لاتخافين باباتي شويه ضايج
نور: بابا اهل نواره تعاركو وياك ميريدون نروح عليهم
بكر: لا حبيبتي اهل نواره حبابين ويحبوج بس شويه عندي مشاكل ويه اخوهه بله هسه هذه شلون افهمهه
نور: يعني ست نواره بعد ماتجي للدوام وماشوفهه
بكر: لا حبيبي اكيد تجي وتشوفيهه مثل قبل لاتفكرين باباتي وماريد تحجين لبيبيتج ع الي صار لان خطيه مريضه وتضوج مثلي وتتمرض تقبلين تتمرض؟
نور: لا بابا اني احب بيبي مراح احجي
بكر: عفيه بنوتي فترينه شويه وشتريتلهه حلويات ورجعنه للبيت يله وصلنه نزلي. نزلنه طبينه جوه لكيت امي كاعده تنتظرنه. هاا يمه ليش كاعده لسه
ام بكر: يمه ضل بالي تأخرتو الساعه صارت ب١١
بكر: فريت نور شويه وشتريتلهه حلويات وجينه. يمه تعبان راح اصعد انام يله نور خلي انام وراج دوام تصبحين ع خير يمه
ام بكر: وانتو من اهله يمه نوم العوافي
بكر: صعدت للغرفه بدلت لنور ونامت بفراشهه وضليت مدد بلفراش مكدرت انام وافكر بنواره اوووف يانواره عيونج موتني اليوم ياريت لو اكدر اخذج بحضني لو اشرد بيج جان ماقصرت يمكن هسه انتي كرهتيني يمكن حتلو جان بيج امل هسه ماكو بس صدكيني الي صار مو بيدي صافن وبالي شارد جان يدك التلفون باوعت ع تلفوني مايدك انتبهت هذا تلفون نور منو دا يدك بهذه الساعه؟ باوعتلهه وهي نايمه شنو مصادقه بويه وبتسمت باوعت بالتلفون مكتوب نواره فز كلبي من قريت الاسم ضليت حاير اجاوب لو لا خاف تسده اذا سمعت صوتي جوز تريد تطمئن ع نور انسد خرب لو مجاوب وشيصير خلي يصير وهم رجع دك. دك شويه جاوبت اخذت نفس الووو
نواره: من سمعت صوته كلبي كام يرجف اريد تطلع الكلمه من حلكي ماكو ضليت ساكته بس اتنفس سريع
بكر: مجاوبت ضلت ساكته اكيد متريد تحجي وياي اسمع بس النفس مالتهه بكلبي كلت خليهه لاتحجي نفسهه كافي عليه
نواره: تشجعت وكلت مرحبا
بكر: نطقت واخير. اهلا وسهلا
نواره: شنو نور نايمه اعرف الوقت متاخر ردت اطمئن عليهه جذبت لان كلش خجلت كمت ماعرف شحجي كل هذا ولساني انربط وكوه تطلع الكلمه مني ومتوتره مادري ليش
بكر: اي نامت باجر ورهه دوام وجانت خايفه هم تقصدت احجي هيج حتى تفتح الموضوع واريد احجيلهه وبلكي تكدر تفهمني وبنفس الوقت جانت متوتره حيل من تحجي وصوتهه يرجف.
نواره: فعلا جانت خايفه حبيبتي. بس ممكن اطلب منك طلب
بكر: انتي تؤمرين
نواره: اريد اعرف شنو الموضوع!! ممكن؟
بكر: سكتت شويه كتلهه اكيد ممكن بس اريد اكلج شغله وحده بس الي صار غصبا عني صدكيني
نواره: نتشاوف باجر وتحجيلي مو مال تلفون ونقرر اذا غصبا او لا لان الي شفته بنزار فاجئني اول مره اشوفه بهذه الحاله وهو بطبيعته هادئ وميحب العركات
بكر: اوك باجر نتشاوف بس وين وشلون
نواره: باجر راح اداوم واطلع من الدوام ونشوف وين
بكر: تمام راح ادزلج رقمي حتى تتصلين عليه من اطلعين
نواره: اوك تصبح ع خير
بكر: نواره
نواره: نعم
بكر: شون صرتي خو ما شي يوجعج
نواره: ضليت صافنه معقوله خايف عليه لو مجرد سؤال ومجامله. كتله لا الحمدلله صرت احسن. تصبح ع خير بس اريد اشرد
بكر: وانتي من اهلو. سديته منهه واني كلبي طاير غريب احساسي وياهه تكدر تتحكم بيه وبمشاعري بصوره عجيبه نضره منهه خلتني اكره الدنيه وكلمه منهه خلتني طاير اووف شلون راح اشوفج واكعد كبالج ربي يساعدني ويصبرني رجعت بفراشي ونمت.
نواره:كعدت الصبح باوعت لقنوده نايمه بدلت ونزلت لكيت بابا وماما كاعدين صباح الخير
ام نزار: هاي وين انتي مو مريضه
ابو نزار: بويه ارتاحي لاتتخربطين
نواره: قابل شبيه هو هبوط وصرت زينه
ام نزار: اوووف منج ولا تتعاندين
ابو نزار: يعني هسه صرتي احسن
نواره: اي الحمدلله احسن تريكت واجاني الخط ورحت للدوام وصلت لكيت نور جايه بوستهه ورحت للاداره اخذت اجازه زمنيه لمدة ساعتين باوعت للساعه ب٩ دكيت ع بكر. الووو
بكر: هلو شونج
نواره: الحمدلله انت وين؟
بكر: اخذت اجازه من الدوام وطلعت. اجيج للدوام اخذج؟؟
نواره: لا شلون يصير
بكر: لعد شلون
نواره: مادري. ضليت متردده شلون سويت هيج وخابرته تندمت هسه شيكول عليه لا والنوب يريد اطلع وياه بسيارته شبيج غير تريدين يحجيلج ليش هيج ماعندج ثقه كطع افكار وهو يكول الووو
بكر: وياي وين رحتي
نواره: اي وياك
بكر: ممكن اثقين بيه وتشيلين اي شي من بالج
نواره: كأنو قره افكاري. اوك
بكر: تره دنيه الصبح وين نروح اني اكول اطلعي تمشي شويه عن الروضه واجي اخذج نوكف السياره فد مكان ونحجي وتره السياره مضلله محد يشوفج اذا خايفه
نواره: اوك بس نبقه بلسياره ماشي
بكر: ضحكت اي وللله بلسياره نبقه كوه قتنعت يله اني جايج.
نواره: اوك باي. طلعت ضليت اتمشه مسافه دك عليه دليته بيه وكفلي سيارته عاليه وسوده مثل ذوله الشخصيات المهمه باوعت منا ومنا تقريبا ماكو احد صعدت وياه بس كلش خجلانه ووجهي احمر وشويه وابجي من الموقف.
بكر: شفتهه من بعيد رف كلبي عليهه واكفه ع الرصيف ومدنكه ابد مرفعت عينهه الا وكفت كبالهه بلسياره ومبين عليهه الارتباك والتوتر صعدت ليوره تفاجات توقعت حتكعد يمي. هاي وين تعالي اكعدي ليكدام
نواره: لا شكرا مرتاحه هنا متوتره حيل وخجلانه منه يله حرك السياره لايشوفنه احد ويفهم غلط
بكر: اوك حركت السياره عجبتني حيل وتحجي وهي خجلانه اووف يوم عن يوم دا اعشقهه اكثر وروحي اتذوب بيهه اكثر وكفت بمكان مابي ناس وانداريت عليهه لان هي صايره وراي هاا اسولف لو لا
نواره: اي اسمعك
بكر:  اني ونزار جنه بنفس الكليه جنت بوكتهه بعدني مامزوج بس يوم من الايام امي تخربطت واني ابنهه الوحيد ماعدهه غيري طلبت مني ازوج بنت اختهه اسمهه رجاء بتفكيرهه هذا تتطمئن عليهه اذا صار بيهه شي  اني رفضت مو لأن هي مو خوش او شي بس رفضت لان جنت ادري بيهه تحب واحد ولأن ماعندي مشاعر اتجاهه صارت مشكله بيني وبين امي لان جانت رايحه قبلي وخاطبتهه اليه اني تخبلت شلون تسوي هيج بدون متكلي وضليت شهر تقريبا مانتحاجه اني وامي فيوم جنت بلكليه خابروني كلولي امك ضربتهه جلطه وبلمستشفى رحتلهه وكامت تبجي تكلي وافق ولاتكسر خاطري ولاتفشلني ويه اخوي ماعندي غيره ماريد علاقتي تخرب وياه جانت صحتهه متسمح اجادلهه او ارفض اكثر من هيج بستهه براسهه وكتلهه الي تريدي يجرالج ووافقت وقبل كم يوم من الخطوبه اجاني نزار اخوج للقسم مالتي واني جنت اول مره اشوفه بيهه سلم عليه وكلي اني احب رجاء عوفهه واني اجي اخطبهه تعاركت وياه لان بحكم احنه شرقيين فيعتبر دا يجيب سيرة عرضي وبعدين توسل بيه اعوفهه بس ماجنت اكدر لان انطيت كلمه لأمي وماكدر اجازف بصحتهه خفت تنتكس وتنجلط مره ثانيه لان الدكتور حذرنه وبنفس الوقت اهلهه محافضين كلش ومراح يوافقون بي لان جنت متقدملهه اني.
نواره: اسمع واني مصدومه يعني كلب نزار جان مكسور ومن حركت كلبه تعارك وياه. كتله زين ماخفت تخونك ويه نزار
بكر: فكرت وداعتج بس ادري اخلاق رجاء مراح تسمحلهه تسوي هلشي ورجع نزار اجاني اكثر من مره توسل بيه اعوفهه وجانت حالته يرثى لها بعدهه اجت رجاء وره الخطوبه وحجتلي كلشي وكالت جانت تحب نزار بس بما ان هي صارت ع ذمتي عتبره طلع من حياتي وكالت هذه الحياة نفرضت علينه ولازم نعيشهه منريد مشاكل واني وافقتهه الرأي وبعدهه تخرجنه لان جان باقي ع تخرجنه شهرين تقريبا وبعدهه تزوجنه وتعينت بشركة نفط وهي سويتلهه واسطه وتعينت بغير تخصصهه لان جانت هم لغه عربيه مثله وبعدهه جابتلي نور وره سنه من زواجنه وبعدين تمرضت والله يرحمهه هذا الي صار صدكيني ماجذبت بحرف انتي الشخص الوحيد الي مستحيل اجذب عليه.
نواره: كل هذا صار جنت مصدومه من كلامه هو جان ضحيه حياة زوجيه بارده بدون حب ولا مشاعر نفرضت عليه وهي هم ونزار الكل جان ضحايا بجيت لا ارادي كلبي متحمل جنت حاسه بكل كلمه يكولهه لان اني هم مريت بهيج علاقه بس يمكن جانت مأذيه اكثر.
بكر: نواره نواره وياي وين بشنو دا تفكرين وليش تبجين؟؟
نواره: لا هيج اني تاخرت لازم اروح
بكر: بس اني اريد اكلج شي
نواره: كول
بكر:.........

وللحكايه بقايه😉

قلبوشاتي وربي مريضه صارلي يومين كلش ومكدرت اكتب بس مكدرت اتاخر عليكم اكثر من هيج  ومثل موعدتكم بارت طويل ومشوق وبعد اكو احداث احلى ومشوقه اكثر احبكم😘