أعد لي هويتي - للكاتبة : أنجال

9

البارت التاسع
00000000000000
مددت حلمي دربا للمدى
ينسج خيوط نور وانتظار
تراقصت على أوتاره قطرات ندى
وفراشات زرق حريرية
راودت الصبح فتبدى فجره
سابح على جناح يمامةٍ ضاعت بواديها
فاستباحت جدران مدينةٍ لم تألف أعشاشها

ورق أيلول
00000000000000
هل هذي صدفه تجمعنا والا الزمن يلعب لعبته معنا .. والا سراب إقبالي أتخيله .؟
والا أنا بحلم أحلمه .. عيوني تشوفه إقبالي مدري نلتقي بشوق والا بالأحضان .. العيون ودها تحضنه والصدر مشتاق لضمته .. لكن الكبرياء اكبر من هذا كله ..
ما توقعته يكون إقبالي بعد الأيام الطويلة ..
كأنها سنين وهو شهر ..


ماني مصدق بأنكِ إقبالي بعد الأيام المرة بغيابك .. ودي أشرح كيفها أيامي من غيركِ ..!؟ اقرأ عيونكِ لو عيونك ما تكلم .. الشوق فيها عيا لا ينطق ... أنا أسف على كل وعدن خذلته .. وعارف جرحك كبير وينزف وما عالجته .. ودي انطق وأقول تعالي يا قلب طلال اللي سلبتيه ..

ليان تقاطع حديث النفس ..
ليان تجر ثوب أمها : ماما شوفي بابا جاء يالله نروح حضانة
جواهر بصدمه : لا يا ليان بنروح مع السواق .. بابا تعبان ولازم (تصر على أسنانها ) يروح لبيته
طلال : وأنا جاي أمر ليان للحضانة ..
جواهر : وش اللي جابك خلاص أنت استغنيت عنا ..رح لهند تفضي لها ..
طلال يقرب منها كثير و بـ نبرة غضب : أنا ما تخليت عنك انتي من رحتي عن بيتك وزواجي ما هو الا رضا لامي والا انتي بالقلب عارفه مكانك ..


جواهر : خذلت كل الوعود والظنون وتقول لي أنا اللي رحلت .. ما ألوم نفسي ألانها أسمعت من الوعود ما كفااها .. وين اللي يقول مستعد ابقي على بنت .. ولو شنو ما ازعلك .. وانا راضي فيك انتي وبس .. كل هـ الوعود وين راحت ؟ قل لي وين راحت ؟ انك ما تتزوج علي .. وانك راضي بحياتنا ..؟ كلها أنت أخلفتها وتبغاني اجلس معك؟؟ أنت وش جنسك .. ؟!! على بالك طفله تضحك معها بالكلام وتنسى ؟
رح الحين لهند تلقاها حامل وبتنساانا قريب هذا شي أكيييد ....

تمسك يد بنتها وتجرها : يالله ليان ..
طلال : أنا ما خلفت بوعدي .. أنا انجبرت على شي ما ودي عليه ..
جواهر : ما في شي بالقصب يا طلال ..
طلال : أمي يا جواهر ..
جواهر : لو أمك بتقول لها لا تهدمين بيتي على حساب سعادتك .. تقدر تقول زوجي أي شخص ثاني غيرنا .. أنا ما أرضى بشريك بحياتي ... يشاركني بالي أحبه ..

طلال : راجعي نفسك يا جواهر بتظلمين ليان معنا ..
جواهر : ليان بتشوفك متى ما حبية لكن أنا مرضا على جاره وآنت تعرف أني سليمة .. عن إذنك ..

تتخطى وتمشي وهي ماسكه يد بنتها ليان ..
ليان : ماما بروح مع بابا ..
جواهر : لااااا .
طلال يمسك يد بنته : بتروح معي وانا اللي بأخذها للحضانة ولا تمنعيني يا جواهر ..
جواهر : هذي بنتي ..
ليان محتارة بينهم : ماما بابا ..

بصوت غاضب أبو مشاري : جواهر خلي البنت تروح مع أبوها ..
جواهر بصدمة : يبه ..
طلال يقرب من عمه ويسلم عليه : مشكور يا عمي ..
أبو مشاري : خذ بنتك يا طلال ..
ويلتفت لجواهر الكاتمة على عمرها لا تنفجر بوجه أبوها
جواهر : يبه بنتي بـ يأخذها..
أبو مشاري : هم هذي بنته ياجواهر .. أنا ما علمتك الأنانية ..
طلال يمسك بنته ويطلع لسيارته ..

جواهر مقهورة : يبا ما بقى شي ما أخذه مني ..
أبو مشاري يقرب منها ويحضنها : أنا صحيح ما تدخلت بـ حياتك ولا أحب أتدخل لكن هذا شي لازم تتقبلينه لا تحرمين بنتك من أبوها ..
جواهر : يبه مالي غيرها ..
أبو مشاري : وهو ماله غيركم لا تدخلين بنتك بمشاكلكم .... تعال ياجواهر أوصلك ومنها نسوالف ..

تركب السيارة مع أبوها بصمت ما ودها تفتح الموضوع خلاص تحس بتنفجر من اللي صار إقبالها مو شوي .. تحس بغيض .. بألم فضيع .. بكتمان .. وهي تفرك يدينها بقهر ..
أبو مشاري : مشكلتك أنتي وطلال حليها بينكم .. لا أنا ولا أمك نحب نتدخل بحياتكم .. أنتي لك عقل ولك قلب .. فكري شنو الي تشوفينه لمصلحتك سوية .. و أذا تبغين استشاره أكيد ما راح نرفض نعطيك ..
بس يا جواهر يا بنتي .. بنتك لا تخلينها عقبه بينكم .. مثل ما لك حق هو أبوها وله حق ..

جواهر : أنا ما عاد أبيه يا يبه خلاص خليه يطلقني ..
أبو مشاري : الطلاق ما هو حل يا جواهر لتنهي المشاكل .. المشاكل تجر نفسها وتتكاثر .. وإذا تطلقني يعني بتنهين مشكلتك .؟؟ لا يا جواهر عمر مشكله ما حلت مشكله .. لازم تجلسين معه وتتفاهمين .. تناقشون .. الحل ما يبيله يوم وليله ..

جواهر : هو اللي هدم كل شي بينا ..
أبو مشاري : قلت لك حياتك أنت حرة فيها . وهو حياته وأمه ياجواهر أمه ما تقدرين تمنعينه من شي لو أمه تكلمت .. هذي تحتها الجنة .. ومجبور يسمعها لو هو رافض .. مثل أمك ما تحبين ترفضين لها طلب .. وهو يبغى رضاها .. وليه ترفضين هو ما سوا حرام .. تزوج يعني ما سوى شي بالحرام ولا تزوج بالسر وما خبرك ..
الرسول هو الرسول صلّ الله عليه وسلم .. تزوج كذا زوجه ..وزوجاته رضي الله عنهم .. ولا وحده عارضت .. ليه ما تقدين فيهم ..

جواهر : ......
أبو مشاري : تدرين كم مره يترجاني طلال ؟؟
جواهر : ..........
أبو مشاري : كثير ياجواهر يبغى يرجعك وهو يحبك والدليل ما يأس كثر ما قلت له تبيها ادخل لها وقولها باللي تبيه وانا ما أتدخل بينكم وهذي حياتك معها .. أدري كثير يناديك وأنتي ترفضين ... تمنيت تشوفينه أو تتناقشين معه وتتفاهمون .. تتهربين منه.. ما هو الحل الصحيح يا جواهر .. واجهيه .. وأنتي لك القرار لا تعتبرين كلام لك أني ما أبغاك ببيتي .. هذا بيتك لكن حياتك أهم .. لا تفكرين بمشاعرك ..! فكري يا أبوك في بكره .. اليوم يمكن يكون لك .. وبكره ؟ تجلسين بحالك بنتك بتكبر وتتزوج وإخوانك يتزوجون .. يعني الكل ما راح يجلس بحاله ..

جواهر بحيرة : تبغاني أرجع له ..!!
أبو مشاري : أبغاك تفكري بـ بكره .. وتجلسين معه وتتناقشون وتتفاهمون ..
جواهر تشوف الدريشه باندماج و تتنهد : أبشر يبه ..
سكت وبداخلها أفكار تتصارع وأفكار ترفض تقبلها ..
أبو مشاري أحترم هدوءها وكمل مشواره لمدرسة جواهر ...

000000000000000

بين الجدران المستشفى تحضن جسدها الصغير .. تراجعت حالتها منذو يومين بسبب ناصر الذي أصبح يعطيها جلسات الصدمة لتقبل الحياة .. لم تتوقع ردته فعله ولم تتوقع قساوته .. بعد خروج ديفيد منها ذالك اليوم دخل غرفتها ودار الحوار التالي ..
ناصر : هل هكذا تعاملين الضيوف بقلة الآداب ؟
العنود دافنه نفسها بالبطانية ورافضه ترد : ...........

ناصر :ما بك ؟ هل سفري يضايقك إلى هذي الدرجة ربما أسافر لا أعود ..

العنود تتنهد بكي دخل البطانية : ..........

ناصر : ولكن يجب أن تحترمي الآخرون وان لا ترمي الكتاب عليهم ولا تصرخي بـ بوجههم ....طلب منك بأدب ويجب أن تردي بأدب واحترام .. هل يجب أن أعاملك كيف تعاملينه .. ؟؟!! ..

العنود تفتح البطانية وتجلس ووجها مليان دموع ومنهارة : أخرج فأنت تريد الرحيل أرحل الكثير ارحلوا ولم يهمني الأمر .. ولويس مااات ولا أهتم به .. وديفيد ليس إلا ذكرى موجعه لا أريد مشاهدته حتى لا. لا تتدور ذاكرتي .. هيا اذهب سافر لا تعود .. جلست هنا كثير ولا أريد الخروج .. لا يهمني الخارج .. ولا تستطيع أغرامي على شي أكرهه ,, بل أبغضه .. معاملتي للناس ليس إلا ردا على معاملتهم لي ..

اخرج الباب مفتوح وسافر ولا تعود .. هناك أطباء غيرك كثير .. ربما لا تتشافى منهم ولكن سيأتي اليوم الذي سأموت وأرتاح من هذي الدنيا .. والتقي بأهلي بالقبر ..

ولا أريد منكم مساعده أو شفقه .. كل الذي أريده أن تتركوني .. لقد تعبت حقا تعبت .. أريد أن أموووت ولا أراكم مجدد ..

أنتم لستم أطباء .. أنتم مجانين لا تعرفون كيف تعاملون البشر .. تظنون بأننا مرضى بل أنتم المرضى .. هيا أذهب ماذا تنتظر .. هل يعجبك توبيخي لك ..

ناصر يقرب منها ويجلس على طرف السرير وهو يعطيها ظهره .. : سأسافر اليوم .. وبعد قليل سيأتي ديفيد هل هذا مفهوم ..!!

العنود : من أنت حتى تلقي علي الأوامر لست إلا دكتور فاشل ..؟
ناصر يلتفت لها : أنتي فقد نفذي ما أقوله لك ..
العنود : لن أنفذ ولن استقبل أحد ..
ناصر يقوم من طرف السرير من غير ما يعطيها وجهه : الودااع ربما لا نلتقي .. وحتى ربما لا تجدين أهلك .. الوداع ماري ..
يخرج من غرفتها من غير ما يلغي عليها نظره ..

استفزتها كلمة ماري وهي اللي تعودت عليه انه يناديها أنود ..
رحل وله يومين ما بين من سافر .. وحالتها النفسية بتدهور .. جالسه بكرسيها البني وعيونها تتذكر كيف حببها بدخوله لها .. كل ما دخل ألغا السلام اللي ما تفهم وش يعني لكن تعودت على نظراته .. على اسلوبة على غموضه .. ما تبغي يبعد ألانه هو الإنسان الوحيد اللي تحس انه يفهمها ويجلس معها طول اليوم وعالجها من الإدمان والحبوب المنومة .. ويفهمها قبل لا تتكلم وعارف وش تحتاج وش اللي ما تحتاجه ..

جوها أصبح هدوء .. من غير صوته ولا صورته ..

00000000000000

بعد ما خلصت صلاتها طوت سجادتها .. وتركتها على جنب وهي تسمع من صلت صوت جوالها اللي ما وقف عن الرنة ..
استغفرت ربها و تتحلطم .: ياربي يعني خلاص رنه وحده وتكفي ليه العشر يعني الناس ما تصلي ما عندها ظروف تقضي حاجتها فيها .. خلاص ثلاث رنات تكفي والجوال بنفسه يترك رسالة يااربي وتمسك الجوال إلا تشوف " (نوف 2) أشهقت .. وش عنده المجنون .. زين ماعندي أحد وشاف الرقم وشاله وانا الخبله ما لقيت اخزن اسمه غير باسم نوف أخته المجنونه لازم أغير أسمه بعد ما أكلمه ..

عهود : الو ..
مشعل : الو وأخيرا رديتي ما بغيتي .!!
عهود بهمس : قلت لك لا تتصل قبل لا اتصل انا عليك ليه ملقوف ..

مشعل : مشتاق لك .. وأنتي يالبخيله لك أيام ما اتصلتي .؟
عهود : ما اقدر اتصل أختي جواهر عندنا وأنا اجلس معها .. ولا اقدر أخليها وكيف أكلمك ؟ علمني لازم أجلس بروحي واخذ جو ..
مشعل : وأنتي الحين بروحك واضح ..
عهود : يادوبي خلصت صلاة المغرب وأنت أزعجتني بصلاتي ..
مشعل : وكيف أزعجتك أن شاء الله ؟
عهود : حشي ما تمل وأنت تتصل ترن. ترن .ترن أزعجني ..
مشعل : سلامتك ..
عهود : متصل علشان تقول لي سلامتك ؟
مشعل : لا حبيت أبشرك بأنه عرسنا بعد شهر ونص تقريبا ..
عهود تنقز : قول والله ..
مشعل : ايه من يومين يالله طلبت أبوي إني ودي أعرس وخايف أمي تقول ما يمديها خالتك متوفيه وتعرس .. وخايف أزعلها ..والحمد لله رضت الوالدة وقالت الميت ما يرجع والحزن يجره حزن ثاني .. وحنا بنفرح فيك .. ورحت دورت اليوم عجز لنا وبهذا التاريخ بيكون عرسنا ..

عهود بفرحه : بجد يا مشعل وأخيرا مافي تأجيل بعد اليوم ..
مشعل : بأذن الله ..
عهود : يعني لازم أجهز نشاطي ..
مشعل : و الغرفة تنتظرك ومشعل وأحضانه مفتوحة تبيك ..
عهود : ........... بس لا أغفل الجوال بوجهك .
مشعل : وش قلت ؟
عهود : أنت أعرف وش قلت ؟
مشعل : علشان قلت أحضانه ..؟
عهود : ايه ..
مشعل : وغيره ما كملت بعدي .. أحضانه وروحه وقلبه وحتى عمري يبك ..
عهود حمر وجها : بس مشعل خلاص ..
مشعل : وش راح تلبسين لي أول ليله ..
عهود :مو شغلك وسكر السماعة ..
مشعل : لا. لا أنا زوجك وحلالك ليه تخجلين بعدك ما شفتي الفعل ..
عهود بلغت عيونها وقصت بريجها : وتغفل ألسماعه بوجهه ..

عهود : قليل الأدب ما يستحي عسى خليه يتأدب ويعرف كيف يحترم اللي معه بالجوال يقول لي الكلام الوسخ وانا بعدي ما زفوني له ..!!

ويرن مشعل مرتين .. عهود ترفع السماعة : ما برد عليك خليك لين تتأدب بالكلام ..
مشعل : اسسف بس لا تلوميني سنه . سنه ياعهود قويه يعني المفروض بينا أعيال 2 والثالث حامل فيه ..
عهود تبلع ريقها وتبلق عيونها : وشهووووو
مشعل : أبد بخليك كل سنه ورع ..
عهود : لا يا حبيبي قالوا لك بقره كل سنه بزر والا من بيلافي أعيالك ..
مشعل : من كثر ما أحبك أبي كل أعيالي منك ..
عهود : وإذا ما جبت منك شي وش راح تسوي تتزوج علي مثل ما تزوج طلال على جواهر ؟
مشعل : أبد أنتي تاج راسي .. وأسافر أنا وأنتي ونعالج ونجيب توأم 11 نفس الهندية ألي جابت 11 تؤام ما شاء الله تبارك الرحمن عليها فريق كامل ..

عهود : لا والله مترجي خير فيني .. شفت تراني نظامي انجليزي 3 أعيال كثيير علينا يعني لا تكثر وتخرب أنوثتي وجسمي على الورعان ..

مشعل : أيه صح نسيت أنكم تكرشون بسرعة ..علشان كذا قلت لك نجيب 11 مره وحده ..
عهود : مشعل احترم نفسك كرشتي ما تطلع والله أذا كرشة يكفي ورع واحد لا تعاند ..
مشعل : يصير خير بالأول صيري بين أحضاني...

ما كمل كلمته الا الخط يغفل طووووووووط طوووووووط..

عهود : قليل الأدب .. والله ما ينفع معه الأسلوب الطيب .. وأسلوب ألردي .. أحسن شي ما أرد عليه ..ترمي جوالها وتلف وجها على الباب الا تنصدم ..

جواهر : خلصتوا ؟
عهود : ها .؟
جواهر : وش ها ؟
عهود تهز راسها : وش قصدك بخلصتوا ؟
جواهر : أنتي ومشعل
عهود : هااا مو مشعل هذي نوف ..
جواهر : تضحكين علي ؟ قلتيها مشعل احترم نفسك كرشتي وما ادري ايش ..
عهود عرق وجها : ااا أأأأأأأ
جواهر : سلامات بس لا تعدينها مره ثانيه والا بتخربين حياتك بيدك .. ولا تخافين ما راح اخبر احد عليك بس من متى وانتي تكلمينه ؟
عهود : من سنه تقريبا من أجلو العرس ..
جواهر : وبسهوله كلمتيه لسبب تأجيل عرسكم ؟
عهود : لا بس هو ...(أسكتت )
جواهر : وش فيك سكتي تكلمي تراني أختك ..
عهود : جواهر لا تتدخلين بشؤوني انا ما تدخلت بشؤونك ..
جواهر : هذي بعدها ما صارت شؤونك .. الانك بعدك على بر ما دخلتي البحر ..

عهود : ومن متى وانتي تتجسسين علينا ..
جواهر : مو مهم من متى المهم سمعتكم وخلاص واذا بتتكلمين مره ثانيه انتبهي لباب الغرفه والا بتروحين فيها من عمر وعثمان تعرفينهم يدخلون فجاءه واذا اسمعوا كلامك يمكن يحلونك ويمنعون العرس ..
عهود بخوف : لا تكفين لا تخبرينهم ..
جواهر : ما راح اخبرهم لكن لا تصيرين رخيصة بعينه .. خلي لك شخصيه وكل شي بعد العرس ..
عهود : لكني مسماي زوجته ..
جواهر : بعدك ما دخلتي له لا تنسين هذا قانون عندنا ما تعتبرين زوجه الا بعد الزفه له ..
عهود : والحل معه وهو دايم يتصل علي ويزعجني .. ويقول ..
جواهر تقاطعها : حلالك وانه عادي .. وكلام . وكلام
عهود : أيه ..
جواهر : خليه..
عهود : بس كان يبي يبشرني بأنه العرس بعد شهر ونص ..
جواهر تجلس إقبالها : حلو طيب خليه هـ الشهر يحترق شوق لين يزفونك له .. وأرسلي بأنه أختي تشك فيني .. وانا ما أبيها تشك وتصير مشاكل .. طيب ..
عهود : طيب..
جواهر : الله يوفقك معه .. ويدوم الحب ..
عهود تضم أختها : مشكورة يا أغلى أخت وترجعين أختي جواهر اللي أعرفها ..
جواهر تنزل راسها : الله كريم ..
عهود : أرجعي له علشان خاطر ليونه المسكينه اللي مو قادره تفارق واحد منكم ..
جواهر : بعد يومين بجلس مع طلال ونتفاهم ..
عهود : وش بتسوين معه .؟
جواهر تتنهد : آن شاء الله كل خير .. دعواتك ياعهود ماني قادرة اشوفه ولا أسلم عليه ..
عهود : لو انا بمكانك .. أرجع وما اخلي أي أحد يستولي عليه ..أو يأخذه مني ..
جواهر : أخذته خلاص ما بقى شي وتنسيه بنته ..
عهود : بيدك كل شي يا جواهر بيدك كل شي تقدرين تسوينه وتقدرين تعمرين بيتك بس انتي شجعي حالك قويها لا تخلين نفسك ضعيفه والكبرياء ياخذك صدقيني ما بتربحين شي .. خلي الجوله لك رابحه لا تخسرين من حبيتيه الانه اذا راح ما بيرجع مره ثانيه .. ..
جواهر تفكر وتراجع نفسها ..

عهود : مثل ما نصحتيني ترى مو عيب تسمعين مني .. يمكن اصغر منك بالعمر لكن لا تخسرين من حبيتيه علشان ناس ما تستاهل .. انتي بنت عادل اللي لما يبي الشي يسويه مايخسر فيه لو يبيع عمره ..
جواهر : صادقه يا عهود .. لازم اجلس معه واتفاهم ..
عهود : علشان لا تضيع ليان بينكم ..
جواهر : يصير خير ..
أم مشاري تدخل الغرفه : وينكم رحتوا تصلون المغرب وللحين ما رجعتوا ..
جواهر : عن أذنكم بصلي لاهيت بالسوالف مع عهود ..
عهود : الحمدلله صليت .. هههههههه
جواهر : ههههههه ايه صح صليتي ..
عهود تبلغ عيونها .: والله العظيم صليت ..
جواهر : ايه صليتي وكلمتي نوف ..
عهود : هااا ..
( تتبعلم كيف تعرف انه نوف هو مشعل )..
جواهر : تقرص لها عين .. هههههه يالله بقوم اصلي ..
ام مشاري : وش فيكم يا بنات ..
عهود : ما فينا شي يالله نسيت الحلا بالثلاجة ..
أم مشاري طلعته الشغاله يالله تعليلي تحت لين تخلص اختك جواهر من صلاتها ..

عهود : طيب يالغاليه ..
وفي بالها بتسال اختها جواهر كيف اعرفت اسم نوف بانه مشعل ..؟؟

00000000000000

شايل حقيبته بيده .. ومشي بالممر حق جريدة واشنطن بعد ما وصل أمس لواشنطن .. اليوم مقابلته بالرئيس الجريدة ..جهز نفسه وسم باسم الله ومشى بالشركة وصل أخيرا عند السكرتير ..

ناصر : معك الدكتور ناصر ..
السكرتير : أنتظر دقائق الى حين ينتهي الاجتماع ..
ناصر : حسنا أبلغه انه الدكتور قد وصل ..
السكرتير : حسنا ..
وياخذ الجهاز اللي جنبه وينادي .. : سيدي الرئيس الدكتور نصر هنا يريد مقابلتك ..

الرئيس : دعه يدخل
السكرتير : والاجتماع ؟
الرئيس : قلت دعه يدخل ..
السكرتير : حسنا سيدي ..ويلتفت لناصر : تفضل بالدخول بالغرفه المقابله ..

يقوم ناصر ويتجه للغرفه ذات الابواب العريضه .. ويفتح الباب ويلغي السلام كالعاده ..

ناصر : السلام عليكم ورحمة الله وبركاته ..
وجد الكل يتهامس .. كانه غير مرغوب به الانه مسلم ..
الرئيس يوقف يحيه : تفضل دكتور ناصر سعدت باللقاء بك ..
ناصر : وانا كذالك سيد ...؟؟
الرئيس : جورج .نادني جورج فقط لا أحب الرسميات ..
ناصر : اهلا بك وتشرفنا ..
جورج : تفضل بالجلوس لو سمحت .. وماذا تحب ان تشرب ..
ناصر : لا شكرا لا أريد شراب شي ..
جورج وهو يأشر على ناصر : هذا صاحب الحالة التي تكلمت عنها .. والذي سافر من شيكاغو من اجل الحالة التي يعالجها .. رفضت اعطااءها المعلومات الانه خاصه ولا استطيع الافصاح عنها بالانترنت اعذرني ..
ناصر : لا تتاسف هذا عملك سيد جورج ..وهل من جديد سيدة جورج ؟
جورج : هذي 7 أسماء .. موجودة بهذا السنوات ..راقبها وتمعنها ..
ناصر : للاسف لا اعلم سوى أسمها ..
جورج : وهذا الخيط الاول ..
ناصر : وانها مفقةده منذو عشرين سنه ..
جورج : وهذا الخيط الثاني ..
ناصر : والاسم يوحي للاصول العربية ..
جورج : هناك ثلاث حالات .. باصول عربية ..
ناصر : هل من الممكن مشاهدتها ..؟
جورج : تفضل ولدان وفتاة ..
ناصر : فتاة واحده فقط ؟
جورج وهو يمد له الملف : نعم للاسف واحده من اصول عربية .. ومع الاسم الفتيان الاثنان لقو مصرعهم في حادث والاخر ببيع اعضاءه ..

ناصر : والفتاة ..؟؟
جورج : تفضل هذا ثلاث أعلانات بخطفها .. اسمها ورقم ذويها وجنسيتها موجوده ..

ناصر يمسك الورقه ويده ترتجف ويدعي انها الورقه الاخيره له ويلقااها ..
جورج : تفضل ..
ناصر يتمعن بالصوره بالابتسامه ويقرا الاسم .. انصدم .. انصدم .. انصدم ..

0000000000000000
يدخل عليها من غير ما يطرق عليها الباب .. ويلقاها مثل ماهي ما تحركت ..

ديفيد : هل نسيتي موعدنا للسينما ..
عنود : لا أريد الذاهب ولا أريد مشاهدتك أغرب عن وجهي ..
ديفيد : ههه مابك ياصغيرتي هل فقدتي ذاكرتك ؟
عنود : ما شءنك انت هيا اغرب عني .. لا اريدك بحياتي مجدد هيا اذهب للاستخبارات وابحث عن المجرمين لا تجلس معي .. انا لا اريد مقابلتك ..
ديفيد : الكتاب ..
عنود تشوف الكتاب على الزاويه .. : هل تريده انا لا احتاجه ابدا خذه وتفضل للخارج ..

ديفيد يمسك الكتاب ويجلس على الكرسي المجاور لها ... لن أخرج سأقراه منه القليل ..
العنود : ما بك ..؟
ديفيد : ما بك انتي لقد تغيرتي كثيرا لم تعودي العنود التي أعرفها .. لويس كتب اشياء جميله هنا . وانتي ترفضي قراءاتها ..
العنود : لا أحب القراءه ..
ديفيد : حسنا انا سأقراء بنفسي حتى لا تنهاري وتبكي .. ولكنك ستنصدمي منه وستحبينه ..

العنود : لن أحبه أبدا .. هو دمر حياتي أكرهه ..
ديفيد : ولكنه يعشثك الانك أبنته .. لولا لم يحبك لم يورث ثروته لكي .. ولا حتى سامحك على فعلتك بتجسس عليه ونقل اخباره للاستخبارات ..

العنود : ماالذي غير وجهت نظرك به ..
ديفيد : الكتاب هذا يومياته . .. غيرت نظرتي به ..
العنود : أنك تتغير بسرعه يا ديفيد ..
ديفيد : الكلام الجيد يؤثر بسرعه وهو اصدق احساس ..
العنود : للاسف ثقتي بالكثير قد انهارت .. ولن اثق بأحد أبدا ..
ديفيد يفتح الكتاب ويقراء ..
صغيرتي اتمنى لو تستطيعي تصدقي .. كنت أراكي تتعذبين بهويتك وتسالين عن جذورك .. لا استغرب ذالك الانه الانسان يولد على فطره يورثها من والديه .. وانتي ياصغيرتي تبحثين عن جنحان تاخذك اليهم ..
كم بحثت وبحثت ولكن لا جدوى لا اعلم مكانهم . اعلم سيكون سؤالك بعد هذا العمر تبحث عن هويتي وانت من أضعتها ...؟

تابعونا بالجزء العااااااشر الملييييئ بالاحداث الشيقه التي تقطع الانفااس