أعد لي هويتي - للكاتبة : أنجال

28

البارت الثامن والعشرووون
000000000000000000
أيٌجب أنْ أموت فــي غيابكـِ إختنآقآ
لتُدرك أنَك هوائي الذي أتنفسُه..!! ? ~

0000000000000

في بيت ابو مشاري بعد رجعتهم من المزرعه كان الجو متكهرب للغايه والصوت العالي كان قمت الضجيج بهذا البيت ..من طرفين اعدادوا على الصراخ وعدم التفاهم كل شخص له قرارات يريد تطبيقها ولكن قلوبهم لا تستطيع الابتعاد عن بعض للعشره الجميله بينهم.. ولكن الصدمه والمفاجاة اتت من غير مقدمات لـ ميثه لابتعاد العنود عنها ...

ميثه بصوت عالي : بتذبح بنتي ياعادل بتذبحها انا ما صدقت انها ارجعت لي والحين بقراراتك بتذبحني معاها كيف تخلي شاهين ياخذها بهذي السهوله وهي توها متملكه ماصار لها 24 ساعه يعني ما عجبك انها فكرت تهرب والحين بتجننها زياده وتتعب نفسيتها منا وتكره انها فكرت بس انها ترجع لنا عادل اذا ناوي تذبح بنتي ماراح اسمح لك رجعها لي يا عادل رجعها الحين قبل لا افقد اعصابي معك بنتي ماهي رايحه له ابي بنتي

مشاري جنب امه يهديها : استهدوا بالله (يلتفت لامه ) يمه هدي وماهي ضايعه العنود عند زوجها ..
ميثه : اسكت انت لا تتكلم ..
عادل : مشاري خل امك تطلع اللي بداخلها بكره بتشكرني على اللي اسويه ..
ميثه بصراخ : تعبت من كلامك هذا بكره بتشكريني وما شفت شي من اللي يقوله البنت سنتين كل يوم حالتها تشين عن اليوم الثاني بعرف الى متى ياعادل ما اهتميت لحالتها النفسيه وش بتكون بعدها حالتها ؟؟ حرام عليك اللي تسويه فيها والله مح ربا اعيالك غيري خلني اربيها مثل ما ربيت اخوانها ..

عادل بـ صراخ : ميييييثه ..

ميثه ولا ترد عليه : خلاص ماعاد فيني صبر الحين ترجع بنتي الحين والا بروح انا ارجعها ماهوب بكيفك تاخذها مني بعدها مريضه وما تتحمل يكفي انك اخذتها من ناصر وحالتها تعبانه ...( بصراخ ) تعبت منك ي عادل مافيني اصبر انتظر جنازة بنتي تصير اقبالي ..

عادل بصراااخ : ميييثه هذي بنتي مثل ماهي بنتك .. لا تتوقعين اني برضا اضرها ..
ميثه : انت ظريتها وانتهت ..
عادل بهدوء يقرب منها : ميثه البنت راجعه من الغربه تعبانه وعلاجها بيطول وناصر بـ نفسه يقول حالتها بتنتكس اكثر مع الحياة هنا هي انسانه تعودت على الحريه وتعودت على الحياة المتفتحه وغير هذا ما تعودت على انه الانسان يسيطر عليها او يعطيها امر ملزم .. كذا بتتعب اكثر اذا ما عاشت .. وشاهين مفهمينه كل شي لازم يسويه .. وصدقيني هو الحل الوحيد ..

ميثه : عادل بنتي برجعها لو على طلاقي برجعها ما ابغاها تعيش حياتها بين تعب وتعاسه نفسيه من اللي حولها ..
عادل بعصبيه : ميييثه ..
ميثه تلتفت لمشاري : مشاري ابيك تاخذني الحين لبيت عمك ..
مشاري محتار بين امه وابوه .. : يمه استهدي بالله البنت راحت لزووجها وشاهين بيصوونها ..
ميثه بصراخ : بتذبحون بنتي بتذبحوونها ..
مشاري : يمه الله يهديك هدي والله ماراح يصير لها شي هي بخير وتوني مكلم شاهين ويقول نايمه ..
ميثه : اخذني لها تكفى يامشاري ابي اشوفها تكفى ..
عادل : مافي رووحه يا ميثه اذا رحتي بتشوين شي ماراح يعجبك ..
ميثه : عادل هذي بنتي ..!! تعرف وشو بنتي اللي انحرمت منها 21 سنه عادل متى بتعرف شعور الام او تحس به .. البنت متغربه وعايشه بعيد عنا وعالمها ماهو بعالمنا لازم تقدر ضروفها ما تجبرها وتتزوجها اللي سويته عين الغلط انت تكره بنتك فينا وبكذا تخليها تكرهنا وتبعد وتسافر وتتركنا بعد العمر هذا انا تعلقت فيها ولا اقدر افرط فيها واذا انت بتسوي شي ما شفته وش بقى يا عادل ما شفته منك ..