أعد لي هويتي - للكاتبة : أنجال

23

البـــــارت الثالث والعشــــــــرون
0000000000000000
لا أفتح بابي للغرباء
لا أعرف أحدا
فالباب الصامت نقطة ضوء في عيني
أو ظلمة ليل أو سجان
فالدنيا حولي أبواب
لكن السجن بلا قضبان

فاروق
0000000
ام مشاري : يمه عهود قومي معي خلنا نروح لاختك بالمستشفى بتطلع اليوم لبيتها ..
عهود بتعب : يمه والله تعبانه ..
ام مشاري : اسم الله عليك من التعب يامك اليوم اختك بتروح لبيتها الجديد والبيت مو مرتب على كلام طلال وتبينا نرتبه قبل لا تسكنه .. وتعرفين اليوم بتطلع والبيت معفس ..
عهود : طيب طيب بروح معاك ..
ام مشاري : عهود يوجعك شي ..؟
عهود ترفع راسها لامها وهي لابسه بجايم : مافيني شي يالغاليه فديتك بس تعب شوي وبيروح ..
ام مشاري : انتي ما اكلتي شي قومي خلي الخدامه تحط لك كوب شاهي على الاقل ..
عهود : والله مالي مشتهيه شي ..
ام مشاري تجلس جنبها : عهود انا اعرفك لا تمثلين انك بخير وجهك تعبان عارفه وش الي يوجع قلبك ياروح امك بس لا تخلينهم يفرحون وانتي اللي تتضايقين ..
من غير شعور عهود حطت اصابع يدها على فم امها بهدوء : تكفين يمه لا تكملين ترا اللي فيني يكفيني ..
ام مشاري : يعني للحين ماشبعتي بكي ..
عهود وعيونها على الباب : للحين انتظره يجي ..
ام مشاري : لا تنتظرينه ياعهود مشعل ماهو راجع ..
عهود : .......
ام مشاري تمسكها عند اكتافها : قومي قومي ياعهود وضيعي وقتك عند اختك واعيالها يعل وعسى ترتاحين وتشيلين هالمشعل من راسك ..
عهود : هذاني قايمه فديتك ..
ام مشاري : الله يوفقك بواحد امه داعيتله بالتوفيق والزوجه الصالحه ..
عهود بابتسامه باهته : ههههه ماعاد ابي اتزوج يا يمه ..
ام مشاري : لا ان شاءالله بتتزوجين ذاك الرجال اللي كل الرجاجيل تمدحه ويجلس الخبل مشعل ياخذ اردى الحريم ..
عهود تضحك على كلام امها وهي مسنده نفسها على الكنبه ..
ام مشاري : ايه اذحكي ولا تشيلين في بالك مشيعل اللي باعك انتي الف واحد يبغاك لا تنسين الف من خطبك ولانتي خسرانه هو الخسران يابعدي ..
عهود : يمه خلاص
ام مشاري : لا تشيلين بخاطرك ياعهود خلاص ردي عهود اللي اعرفها اللي تزعجني بحنتها وتوقف ببلعومي لما تبغى حاجه ..
عهود : والله يايمه ماعرفتك قبل تشتكين مني والحين مو عاجبتك حالتي ..
ام مشاري : الا تعجبيني بعفويتك انتي كذا منتي عهود اصحي ياعهود اصحي ..
عهود تقرب من امها وتبوس راسها : فديتك يالغاليه خلاص برجع مثل ما تحبين ..
ام مشاري : يافديتك يالله قومي اكلي لك كم لقمه واشربي شي وبعدها البسي نروح لبيت اختك وبعدها نمشي لاختك بالمستشفى ..
عهود : بجد فرحانه ببيت جواهر واخيرا بتجتمع بـ طلال بجد تحبه والمسكينه طول وقت افراقه ما تنام والدموع تسيل عليها وما تبين عليها واخيرا الله هدااه لها بس قهرتني عمتي ام ضاري بجد كلامها جارح لي ..
ام مشاري : خليها واكسبي ثواب بسكوتك علشان ما تغلطي على الكبير يابنتي خليها كل واحد يحاسب بنيته ..
عهود : الله يستر على جواهر ويسسسسعدها يارب بجد ربي لا تخرب فرحتها ويسعدهم يارب ..
ام مشاري : امين يارب والعايده لك انتي وعنود تصحى وتقوم بالسلامه يارب يشفيها وتقوم من غيبوبتها ..
عهود : يارب تصحى يارب وتقوم بالسلامه بجد وحشتني العنود فقدت لهجتها وتكسيرها بالكلام ..
ام مشاري : وش رايك بعد ما ننظف البيت نروح نزورها بعد ما نرجع من جواهر واعيالها ..
عهود : ماعندي مانع ..
الا يدخل مشاري وغدير ..: السلام عليكم
ام مشاري : وعليكم السلام والرحمه ..هلا وغلا بولدي مشاري ..
عهود : وعليكم السلام والرحمه ..
مشاري يقرب من امه ويبوس راسها : هلا فيك والله يحيك ..
غدير : اشلونك يا عمه وش اخبارك ..
ام مشاري : الحمدلله يالغالين دامكم بخير انا بخير ..
غدير : اشلونها جواهر اليوم عساها زينه ..
ام مشاري : الحمدلله اليوم احسن وبتطلع لبيتها ..
مشاري : ماءشالله الله يبارك لها فيه ...
غدير: تستاهل جواهر من يفرح لها ..
ام مشاري بفرحه : والله يتمم عليكم وربي لا يغير عليكم ..
غدير : اللهم امين يارب تسلمين ياعمه ..
عهود : وش اخبار امك اليوم ..
غدير : الحمدلله تمام ..
ام مشاري : رحت لها البارحه والحمدلله احسن من قبل ..
غدير : الحمدلله ..
مشاري : عهود وش رايك تروحين معنا ..
عهود : وين اروح معكم ..؟
مشاري : بنروح لسوق نشتري هدية لجواهر لبيتها ..
عهود : ههههه ابد تسلم ياخوي لكني بروح مع امي ارتب بيت جواهر الله لا يحوسها ..
غدير : اللهم امين ويتمم عليها ويفرحها بجد اصبرت وتستاهل ام جهاد ..
عهود : هههههههه تصدقين للحين ماعرف منهو الكبير جهاد او اياد ..؟
ام مشاري : يادفع البلا ام جهاد ..
عهود : لو مسميته معاذ حلو يالبيه اموت بالاسم هذا ..
مشاري : وش طرى عليك اسم معاذ ..
عهود : ههههههه في روايه لا تفهمني غلط ..
مشاري : على بالي لو يسمك عمر وعثمان ليقطعونك ..
عهود : وينهم لي ايام ما لهم لا حس ولا خبر ..
مشاري : لاهين بالدراسه ..
عهود تنزل راسها : اممم ..
مشاري : ومتى تبين اسوي اوراقك ..
عهود : ابوي كلمك ..!!
مشاري : ايه البارحه كلمني وقالي اسجلك اليوم بس بعد ما اخلص السوق من المدام وبعدها اسويها لك ..
عهود : هههه طيب على راحتك ماني مستعجله ..
مشاري : طيب ( يتلفت على غدير ) ما ودك نمشي ..
غدير : على راحتك ( وتلتفت لعمتها ) في خاطرك شي ياعمه اجيبه لك من السوق ..؟
ام مشاري : ابد ما ابي الا سلامتكم ..
مشاري : يالله فمان الله يالغاليه ..
ام مشاري : الله يحفظكم يالغالين ..
تبتسم غدير وتطلع مع زوجها ..
عهود : بقوم البس وخلص تبين شي يالغاليه ..
ام مشاري : ابد سلامتك ياقلبي ..
تقوم عهود وتروح لغرفتها تطلع ملابسها وتلبس وتتكحل وتتعطر من عطر ترش ولما خلصت اخذت تلفونها من الشحن اللي من البارحه عليه ... افتحته تبي تتصل على جواهر اختها بتقول وش تبي علشان بتزورها .. الا تلقى مسجين قالت بينها وبين نفسها من بيكون يعني اكيد واحد من اخوانها والا ابوها تركت الجوال بشنطتها والبست عبايتها وانزلت تحت وفي قلبها يقول لا تفتحينها ياعهود ويعورك قلبك اكثر لاهو مشعل ولا نوف اكيد هذي مسجات الشركه .. وتنزل تحت لين اوصلت اخر سلم وابتسمت لامها وطلعت معها للسياره ..
وهي تشوف الدريشه وتفكر في كلام نوف وما توقعت انه نوف الي اعز من اغلى اخت بالدنيا ما تصدقها تتذكر لما طاحت العهود بعد ضرب ابوها اتصلت عليها عهود وتتوسل عليها انها تشهد انها بريئه ولا عمرها طلعت بشقق شباب .. وكان ردها ..
نوف : عهود انتي طلعتي حتى ما خبرتيني انتي صدمتيني كيف تبغيني اشهد وانا انصدمت يك اليوم كل يوم تروحين معي صح بس وش دراني انك تروحين شقق انا وانتي مو كل يوم نروح مع بعض الا احيانا ..
عهود : نوف انتي تعرفين كل شي عني تعرفين كل شي وتعرفين انا وشهووو انا لو خربانه كان عرفتي معدني من قبل ..
نوف : صدمتيني يا عهود ما توقعت انك بالشقه لو علمتيني كان ما خليت اخوي مشعل يتبعك ويشوف بعينه يعني انتي غلطي يا عهود ليه ما تعترفين ..
عهود : انا رحت وانتي تعرفين نجلا اللي جتني وقالت لي ابيك بكلمة راس .. هي من قالت لي هي اللي قالت انه مشعل عنده بنات الحين وروحي شوفي شقته وعطتني الكرت والعنوان ما صدقتها وخليت الامر كله وانتبهت على كلامها لما قالت تتزوجينه قبل لا تبتلشين فيه مع رفايقه ..
تقاطعها نوف : وانتي صدقتيها يا عهود ...
عهود : ما صدقتها وربي بس اقنعتني ..
نوف : ما يبرر ياعهود والله ما يبرر بالموقف اللي شفته لا تلوميني المنظر اللي شفته فيك وانتي بلا ملابس خلاني ما اثق فيك كيف تسلمين نفسك بهذي السهوله ..
عهود بصياااح وتوسل : نوووف اذا انتي ما صدقتيني من بيصدقني تكفين قوليهم اني ما عمري رحت من قبل قولي لهم انا وشهووو
نوف : للاسف الانسان تنصدم فيه بعد العمر لا تلومين اخوي لما يطلقك الانه ما يحب زوجته تصير بكل لسان وبكل صوره ينقلونها الشباب ..
عهود بصوت اعلى ودموووع : نووووف احترمي نفسك انا اشرف من الشرف
نوف : بعد العرا اللي شافك وانتي بالشارع مفصخه تبغينه لك لا يا عهود الغلط كله راكبك محدن قال لك روحي لشقققققه ..