البارت الرابع
حبك يدك بلراس
طائر بلا تغريد
قانون الصبر مايمشي عالمشتاك
وانه اشتاكيت شوك الورده للماي
اباوع من بعيد وتلف شوف العين
وابد ما شفت طولك ياترف جاي
انه المحتاج الك شوك ام الوحيد
تزخ عيني الدمع من تسمع الناي
اتانيك ولهفتي تسابك الروح رحلة الم
البارت الرابع
وصلنه البيت خالي سلمنه. كعدنه بعدين طلعت ويه البنات للبستان
ظلينه نفتر بين النخل والز رع النهر وصلنه يم بيت خالتي قريب عل شط
وج ايمان خلي نروح للشط
لا ولج احلام ميقبلون وعلي يكتلوني
عابت انتي معليج بس امشي وياي
اذا لكفونه تره اذبهه براسج
ههههههههههه ادري بيج حقيره
ههههههههههه يلله امشي
وصلنه للشط جان كولش حلو المي والهوا يرد الروح كعدنه عل حجر موجود بجرف الشط جان اكو شباب يسبحون شافونه سبحو وصلو يمنه
ولج احلام
ها ايمان شعندج
ولج ذوله اجو يمنه
ها جا شنسويلهم
يا ولج كومي خلي نرجع للبيت
شويه حبابه
لا ماكو شويه اذا شافونه الوحدنه شيسون بينه
اهو حجة الخوافه
اكلج اني خوافه كومي خلي نرجع
باوعت للولد شفتهم صدك ايخوفون كتلهه يلله امشي
رجعنه للبيت همزين محد منتبه لغيابنه
وصلنه نتغدينه ونمنه شويه للعصر كال خالي اخذكم للشط
ههههههههههه خالو انته تحفه ماكو منك
لا بلله ولج عيب احجي ويه خالج بادب
يو يمه انتي شعليج خالي لو خالج
ههههههههههه اي والله خالج لو خالهه انتي معليج بينه اني و احلام
طلعت الساني الامي وظليت اعيب ههههههههههه
رحنه للشط طبعا احنه مكلنه رحنه الصبح ههههههههههه
وصلنه تونسنه حيل اشترينه كرزات وشعربنات
بس اني مكتفيت
كتله خالو
ها خالو
عفيه خلي ادخل للمي
لا خالو متعرفين تسبحين
حباب والله بس شويه
خالو عيب هنا ناس
اهو شوفرنروح هناك بلختله محد يشوفنه شوف هناك كولهه اشجار
وين
هناك شبيك كبرت بعد متشوف
ولج ياهو الكبر اني بعدني شباب
لعد يلله خلي نروح اني وياك
يلله بس مدخلين بلمي بس تمدين رجليج
يلله هم ميخالف
رحنه اني وخالي وصلنه اكو هيج نزله مسويهه بلجرف حته يلوحون المي فنزلت اني صرفنت بنطروني ونزلت بلمي بعدني موكفت بلمي وجان اوكع رجليه تزحلكن وخذاني المي كمت اصيح اريد الزم شي ماكو بس المي اني ما اعرف اسبح
خالو جان واكف يمي بس ملحك عليه راسن خالو نزل وراي وطلعني
طبعا خالو سباح ماهر
المهم طلعت من خشمي الونسه
وره مطلعني جنت شابعه مي وتعبانه راسن رجعنه خالو للبيت وكلت رزاله ناشفه من نبع الحنان ههههههههههه
ثاني يوم رحنه البيت عمي طبعا لبست فستان طويل وحجاب جان لبسي يخبل لان اخويه جان مددللني اي شي يجيبلي احسن لبس البس المهم رحنه لبيت عمي
غير من طبيت للبيت شفته يمه يمه احس كلبي نفتح سلمنه وكعدنه جان هو ايباوعلي من جوه الجوه هههههههههههه
وره شويه كمت اساعد عمتي بلغده لان جانن بنات عمي متزوجات كملنه الغده وصبينه
اكلج حلومه روحي صيحي الكمال حته يتغده
اي عمه هو وين كاعد
فوك الصطح
ماشي رايحه
رحت اركض مصدكت عمتي كالت صيحيه وصلت للصطح لكيته كاعد عل كرسي وبيده جريده يقره بيهه من شافني وكف
ها حلوم شعندج
ها عمتي تكول تعال تغده
اي هسه جاي
درت وجهي ردة ارجع صاحلي
احلام
ها كمال
اكلج شوكت ترحون لهلج
ها باجر
ها خوش لعد اروح وياكم
صدك هههههههههههه
شبيج فرحتي ههههههههههه
ها لا عادي
لا مو عادي احلام اني
ها كمال
ها لا ماكو شي خلي ننزل نتغده
ها اي يلله
نزل كمال واني ظليت صافنه معقوله يحبني
نزلت ورا تغدينه والعصر اجو يمنه بيت بت عمي يقو للعشه وراحو نمنه ثاني يوم طلعنه من الصبح رجعنه الكربلاء وكمال ويانه
وصلنه للفرع مال بيتنه تلكتنه ام صالح جيرانه كالت ها خيه ام عباس شلونه بنيج
امي ظلت صافنه ابني شبيه ابني
يا جا انتي وين جنتي
جنت بلشاميه
يا جا روحي خيه روحي شوفي ابنج الطاكينه بطابوكه براسه
احنه كولنه ركظنه للبيت طبينه لكينه عباس نايم وراسه ملفوف بشاش وجهه اصفر وجان وليد بلمطبخ طبت امي كامت تصيح وتملخ بروحهه ولك عبوسي ليش هيج منو ضربك هلضربه
طلع وليد من المطيخ يضحك وشايل بيده الجفجير
ها ولك وليد وين جنت
والله خاله رجلي مفشوخ واني اسويله شوربه
اني متت ظحك وليد عفيه كون شوربت دجاج اني احبهه
نجبي وليج وين اعرف سويت شوربة طماطه
هم ميخالف ههههه
وليد
ها خاله
عباس شبيه منو فشخه احجي
عباس باوع الوليد وخزره عود لتحجي
وليد هههههههههههه ليش عبوسي خلي اكل الخالتي شلون نفشخت
عباس والله اذا حجيت
ولكم احجو والحسين اذا ما حجيتو هسه اطلع بلشارع وظل اسال الرايح والراد
لا خاله عليمن اني اكلج
اول يوم العيد طلعنه يم ام رضى ام المحل نريد نشتري جكاير اجن يمنه ثنين بنات من عبوده
(طبعا عبوده عشيره بدو جانت تعيش بكربلاء لبس بناتهه كله بجايم عريظه )
اي وبعدين
عبوسي حب يغثث عليهن كلي وليد انته هم اجاك العيد كتله لا والله كلي ليش كتله مو لان ما لابس بجامه ضحكنه ومشينه منحس اله طابوكه براس عباس واني طاحت برجلي هههههههه
الله يطيح حظكم ولكم متستحون ليش تتحارشون بلبنات
خاله هنه ذني هم يتسمن بنات شتكول عباس
لا يتسمن حمير هههههه اخ يمه راسي
ههههههههههه حيل وياك ليش تضحك
ولك غير انته ظحكتني
تهي بهي هزت امي ايدهه وطبت للغرفه
باوعت لكيت كمال يباوعلي وعيونه صايرات دم وجسمه يرجف اني من شفته خفت راسن طبيت بلغرفه
