البارت الثالث والعشرين
حبك يدك بلراس
طائر بلا تغريد
وصلت للبيت تلگتني نورس خافت مني ونهزمت الغرفتهه لحگتهه
دكيت الباب وصحت. ام علاوي
بلي رايد شي
اي والله رايد احج وياج
تفضل
دخلت گعدت عل جربايه وهيه بقت صافنه عليهه أشرتلهه گتلهه تعالي أگعدي هنا
تقربت بس هيه خايفه
لزمت أيدهه وگتلهه
ام علاوي اني اسف علي سويته صدگيني ماجنت بوعيي ارجوج سامحيني وهاي راسج ابوسه
دنگت عل راسهه بسته
اسمعيني يبنت الناس اني الي صار بيهه كلش صعب ومحد يتحمله
صارلي ست سنوات اني تايه لا اني الارض ولا اني للسما
تعبت والله تعبت واريد ارتاح
اعرف انتي مالج ذنب بلي صار بس اني من حرگت گلبي مارحمت اي واحد
وهسه يابنت الناس اريد اعيش حياتي مثل باقي الناس
هيه شردت وعاشت حياتهه وإني نهدمت حياتي
ليش علشنو منو اليستاهل
اريد اربي اولادي
وعيش حياتي الباقيه بخير وراحهه
اباوع الهه ما مصدگهه عيونهه
يعني انت سامحتني
الله يسامح اني منو حته ما أسامح بس اريد اطلب منج طلب
أ أمر ابو علاوي
اريدج تنسين الحقد وتعدلين اسلوبج وهاي هيه
مو تدلل اني شعندي غيرك ههههه
يلله عيني گومي حضريلي الحمام اريد اسبح. وانام
ثواني
ركظت حضرتلي ملابسي دخلت سبحت وطلعت لگيتهه متحضرتلي ابتسمت بوجههه لازم ماخليهه تحس بشي
اضغط على نفسي لحد ما أخذ الي اريده وبعدهه اني اعلمهم
اجيت يمهه تمدد أو أشرتلهه
اجت يمي تمددت
اباوع الهه وتحسر يربي ماطايقهه شلون بيهه
بس ضغطت على نفسي وتقربت الهه
بعده طلعت ركظ رحت للحمام
نفسي گامت تلعب ماعرف ليش
المهم بعد شويه رجعت تلگتني
ها ابو علاوي خيرك شبيك
والله يانورس اعذريني شويه بالي مشغول
ليش مشغول بالك سولفلي
هيج مشكله بلشغل لا تشغلين بالج ان شاء الله الگالهه حل
وليش ماتسولفلي بلكت نلگه الهه حل
أكول مناقصه كلش جبيره اذا صارت الي تغير حالي الى غير حال
أي وليش ماتاخذهه
مو يرادله سيوله وإني العندي مايغطي تكاليف المناقصه
