البارت الثاني عشر
حبك يدك بلراس
طائر بلا تغريد
گمت اگمز من الفرحه نسيت كولشي
بعدين انتبهت عليه صافن عليه وعلى وجهه ابتسامه
لهل درجه فرحانه للطلعه
جج فرحانه الشوفتك
وتالي
خليهه للوكت عفيه ميمو
هههه الله وج والله مشتاق لهل حجايه
ميمو ميمو ميمو ههههه
وج كافي خرب يومج جلبتي
مو كلت مشتاقلهه
هههه اي بعلي مشتاقلهه ومشتاقلج
يلله سديه خلي احضر ملابسي واجي
هسه تجي
اي هسه ساعتين واكون بلعراق
صدوك زين انت وين هسه
اني بلأمارات
لا والله صدوك
اي صدك ليش ممصدكه رجلج يسافر لهل دول
كال رجلج وبعدين حسيته نقهر من الكلمه حبيت اغير عليه گتله
يو فديته زوجي ليش هو السفر يلوك غير الشيخ مهيمن ههههه
يلله بويه اني اروح حته الحك احجز
ليش راح تلگه حجز هسه
بنيتي الفلوس كلشي تسوي معليج لتشغلين بالج
يعني انتظرك اليوم
لا باجر انشاء الله بلتسعه اني يمج
سديته منه وإني طايره من الفرح هههه
لم انتي بتحبيه ئد كده متعيشيش معا ليه
والله خاله جنت كولش خايفه من زوجته وهسه عرفت جان خوفي. صح لو ممتزوجته مجان هذا حالي هسه تدرين من عافني حسيت بغربه بنص اهلي لا اكل لا اضحك لا اطلع ابد تكئبت حته المبايل بعد مالي خلگهة
المهم بقيت افتر باوعت للساعه بلعشره بليل
شيجيب الصبح
حضرت ملابسي اطلع والبس وذبه اخر شي طلعت فستان تركي زيتوني
طويل ونسقت ويا شال وحذاء ونمت وإني مثل الطفل ليلة العيد اريد بس يطلع الصبح
ثاني يوم گعدت من السبعه ركضت سبحت ورحت عل امي
صباح الخير يمه
هله والله بلغاليه اللهم صل على محمد وال محمد اليوم الوجه منور
هههه اي صح مو اليوم راح يجيني مهيمن
شنو هم رجعنه
يووووو يمه لعد شلون والله مجنت عايشه حبابه لتنغصين عليه فرحتي
طبج طوب باجر تعضين اصبعج ندم
يووو اني رايحه احضر روحي باي
ركضت بدلت وخليت مكياج بصيط بس كحله وملع شفه لان ادري بيه يرجعني امسحه هههه
ولفيت الحجاب لفه حلوه رغم اني مو محجبه بس من اطلع ويا اتحجب عل موده
